Sayt test rejimida ishlamoqda!
Ishonch telefoni: 1243
Devonxona: 71 206-70-30

Qishloq xo‘jaligida bilim va innovatsiyalar tizimini rivojlantirish boshqarmasi

AGRO.UZ > Qishloq xo‘jaligida bilim va innovatsiyalar tizimini rivojlantirish boshqarmasi
AGRO.UZ > Qishloq xo‘jaligida bilim va innovatsiyalar tizimini rivojlantirish boshqarmasi
IMG_171
Amanov Shuxrat Baxtiyorovich
Boshqarma boshlig‘i
Ish vaqti: 09:00 – 18:00
Boshqarmaning vazifalari va funksiyalari: 

a) qishloq xo‘jaligi sohasida taʼlim, ilm-fan va ishlab chiqarishning uzviy integratsiyasini taʼminlash bo‘yicha ishlarni tashkil etish sohasida:

– qishloq xo‘jaligi sohasi va uning tarmoqlari uchun malakali kadrlar tayyorlash borasidagi faoliyatini muvofiqlashtiradi, taʼlim muassasalarida taʼlim yo‘nalishlari va mutaxassisliklarini maqbullashtirish, kadrlarga bo‘lgan real ehtiyojni hisobga olgan holda qabul kvotalari yuzasidan takliflar tayyorlash, taʼlim yo‘nalishlari bo‘yicha o‘quv dasturlari va rejalarini ishlab chiqish hamda tasdiqlash, talabalarning o‘quv va ishlab chiqarish amaliyotlarini innovatsion texnologiyalar asosida faoliyat yuritayotgan xo‘jalik subyektlarida samarali tashkil etish, taʼlim muassasalari bitiruvchilarini ishga joylashtirish tadbirlarini amalga oshiradi;

– xorijiy mamlakatlarning innovatsion texnologiyalari va ilg‘or tajribalarini o‘rganish maqsadida oliy va professional taʼlim muassasalarining ilmiy va ilmiy-pedagogik xodimlarini xalqaro yarmarkalar, konferensiyalar, ilmiy-amaliy anjumanlarda ishtirokini taʼminlaydi;

– vazirlik tizimidagi oliy taʼlim muassasalarida iqtidorli yoshlarni tanlab, ularning fan tarmog‘i bo‘yicha falsafa doktori (Ph) va fan doktori (DSc) ilmiy darajasi olish uchun tadqiqotlarning natijadorligini oshirish, ularni amaliyotga tadbiq va joriy qilish borasidagi tadbirlarni muvofiqlashtiradi;

 – Qishloq xo‘jaligi vazirligi huzuridagi Qishloq xo‘jaligida bilim va innovatsiyalar Milliy markazda hamda zamonaviy agrotexnologiyalar asosida faoliyat yurituvchi xo‘jalik subyektlarida talaba va o‘quvchilarning o‘quv va ishlab chiqarish amaliyotini tashkil etadi;

– Milliy markaz va uning hududiy markazlari bazasida qishloq xo‘jaligi mutaxassislarini shartnoma asosida qayta tayyorlash va malakasini oshirish kurslarini tashkil etadi.

b) fermer xo‘jaliklari, qishloq xo‘jaligi klasterlari va kooperatsiyalari hamda ilg‘or xorijiy ilmiy-tadqiqot muassasalari bilan manfaatli ilmiy-ishlab chiqarish hamkorligini yo‘lga qo‘yish, yangi ilmiy ishlanmalar, innovatsiyalar hamda raqamli texnologiyalar joriy etilishida ko‘maklashish sohasida:

– qishloq xo‘jaligi sohasi hamda uning tarmoqlari bo‘yicha ilmiy izlanishlar olib borayotgan va kadrlar tayyorlayotgan barcha turdagi davlat ilmiy-tadqiqot va oliy taʼlim muassasalarining o‘zaro hamkorligini taʼminlash;

– sohadagi ilmiy-tadqiqot muassasalari va klaster, kooperatsiyalar, fermer hamda dehqon xo‘jaliklarining uzviy hamkorligini yo‘lga qo‘yish;

– Qishloq xo‘jaligida ilmiy tadqiqotlarni amalga oshirish bo‘yicha Milliy dastur asosida fundamental va amaliy tadqiqotlar, innovatsion va startap loyihalarni amalga oshirish tizimini moliyalashtirish, ilmiy tadqiqot natijalarini ishlab chiqarishga joriy etish va bevosita buyurtmalarga ko‘ra tijoratlashtirish ko‘lamini kengaytirish, Milliy markaz mutaxassislari hamda maslahatchilari malakasini oshirish;

– suv tanqisligi mavjud bo‘lgan hududlarda yer va suv resurslarini barqaror boshqarish bo‘yicha xalqaro sammit o‘tkazish, hukumatlararo bitim tuzish hamda xalqaro ilmiy hamkorlik bo‘yicha takliflar ishlab chiqish.

v) qishloq xo‘jaligi tarmoqlarining malakali mutaxassislarga bo‘lgan joriy va istiqboldagi ehtiyojlarini hisobga olgan holda kadrlarni qayta tayyorlash va ularning malakasi oshirilishini muvofiqlashtirish sohasasida:

– qishloq xo‘jaligi sohasidagi oliy va professional taʼlim muassasalari professor-o‘qituvchilarining malakasini oshirish uchun oliy taʼlim muassasalarida qayta tayyorlashni tizimli tashkil etish;

– sohadagi oliy taʼlim va ilmiy-tadqiqot muassasalarida  klaster, kooperatsiyalar, fermer hamda dehqon xo‘jaliklari xodimlarini malakasini oshirilib borishni tashkil etish va uni tizimli muvofiqlashtirish.

g) qishloq xo‘jaligida xususiy sektorni keng jalb etgan holda bilim, malaka va ko‘nikmalarning samarali almashinuvi hamda uzatilishini taʼminlaydigan milliy axborot va maslahat xizmatlari tarmog‘ini rivojlantirish yuzasidan takliflar tayyorlash sohasida:

– Ilmiy-tadqiqot markazi qishloq xo‘jaligi sohasida ilmiy tadqiqotlarning ustuvor yo‘nalishlari bo‘yicha moliyalashtirish manbalari va mexanizmini takomillashtirishni inobatga olgan holda, Milliy dasturni ishlab chiqish va ilmiy loyihalarning bajarilishini muvofiqlashtirish va monitoringini yuritish;

– global iqlim o‘zgarishi salbiy oqibatlari va prognozini hisobga olgan holda yer va suv resurslarini barqaror boshqarish;

– qishloq xo‘jaligi mahsulotlari eksportini yana-da rivojlantirish maqsadida «daladan isteʼmolgacha» tamoyili asosida xalqaro standartlarni keng joriy etishga ko‘maklashish, xorijiy ekspertlar guruhini jalb etish.

d) xalqaro sifat standartlarini joriy qilishda hamda mahsulot yetishtiruvchilar va agrobiznesning o‘zaro hamkorlik platformasi tashkil etilishida ko‘maklashish sohasida:

Milliy markazning hududiy markazlarida qishloq xo‘jaligi mahsulotlari ishlab chiqaruvchilariga mahsulotlarni standartdan o‘tkazish va sertifikatlash bo‘yicha masʼhatlar berishni muvofiqlashtirib borish, agrar tadbirkorlarga xalqaro tan olingan standartlar “Organic”, “Global GAP”, “Halal”, “BRC”, “BCI” talablarini qishloq xo‘jaligi mahsulotlarini ishlab chiqarishga joriy qilish bo‘yicha takliflar berish.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: