Sayt test rejimida ishlamoqda!
Ishonch telefoni: 1243
Devonxona: 71 206-70-30

Vazirlik faoliyatiga doir maʼlumotlarni olish bo‘yicha so‘rovlarni ko‘rib chiqish tartibi

AGRO.UZ > Vazirlik faoliyatiga doir maʼlumotlarni olish bo‘yicha so‘rovlarni ko‘rib chiqish tartibi
AGRO.UZ > Vazirlik faoliyatiga doir maʼlumotlarni olish bo‘yicha so‘rovlarni ko‘rib chiqish tartibi

Qishloq xo‘jaligi vazirligi faoliyatiga doir maʼlumotlarni olish bo‘yicha so‘rovlarni ko‘rib chiqish

R E G L A M E N T I

1. Ushbu Reglament:

Jismoniy shaxslarning shaxsiga doir maʼlumotlardan foydalanishni taʼminlash tartibiga;

Qishloq xo‘jaligi vazirligi tomonidan ariza, taklif va shikoyatlarni ko‘rib chiqish tartibiga;

Qishloq xo‘jaligi vazirligi o‘z vakolatlarini amalga oshirishi munosabati bilan ular tomonidan davlat hokimiyati va boshqaruvining boshqa organlariga o‘z faoliyati to‘g‘risida axborot taqdim etish tartibiga;

Taqdim etilishining o‘ziga xos xususiyatlari boshqa qonun hujjatlarida nazarda tutilgan, Qishloq xo‘jaligi vazirligi faoliyatiga taalluqli bo‘lgan axborotning ayrim turlariga nisbatan tatbiq etilmaydi.

2. Ushbu Reglamentda quyidagi asosiy tushunchalar qo‘llaniladi:

Axborotdan foydalanuvchi – davlat hokimiyati va boshqaruvi organlarining faoliyati to‘g‘risida axborot izlashni amalga oshirayotgan jismoniy yoki yuridik shaxs;

So‘rov – Qishloq xo‘jaligi vazirligi faoliyati to‘g‘risida axborot taqdim etish haqida ushbu organlarga va (yoki) ularning mansabdor shaxslariga yo‘llanadigan og‘zaki yoki yozma shakldagi (shu jumladan elektron hujjat shaklidagi) talab;

Axborot xizmatlari – Qishloq xo‘jaligi vazirligining Matbuot kotibi;

Kotibiyat – Qishloq xo‘jaligi vazirligining Devonxona xizmati, Qoraqalpog‘iston Respublikasi Qishloq xo’jaligi vazirligi devonxonasi, viloyat qishloq xo’jaligi boshqarmalari hujjatlar va murojaatlar bilan ishlash bo’limlari.

3. Axborotdan foydalanuvchilar:

O‘zbekiston Respublikasining “Davlat hokimiyati va boshqaruvi organlari faoliyatining ochiqligi to‘g‘risida”gi Qonunining 5-moddasida nazarda tutilgan axborotni olish uchun bevosita yoki o‘z vakillari orqali so‘rov bilan murojaat etishlari mumkin.

4. Axborotdan foydalanuvchilarning so‘rovi asosida maʼlumotlar:

Qishloq xo‘jaligi vazirligi tomonidan ushbu Reglamentga muvofiq, og‘zaki yoki yozma (shu jumladan elektron hujjat shaklida) taqdim etiladi.

Maʼlumotlarni axborot-kutubxona va arxiv fondlari orqali taqdim etish qonun hujjatlarida belgilangan tartibda amalga oshiriladi.

5. Qishloq xo‘jaligi vazirligida:

So‘rovlarni qabul qilish tartibi haqidagi maʼlumot ularning rasmiy veb-saytiga hamda axborotdan foydalanuvchilar kirishlari mumkin bo‘lgan binolarga joylashtiriladi.

6. Jismoniy shaxsning so‘rovida: Uning familiyasi, ismi, otasining ismi, yashash joyi to‘g‘risidagi maʼlumotlar ko‘rsatilgan va so‘rovning mohiyati bayon etilgan bo‘lishi kerak.

Yuridik shaxsning so‘rovida yuridik shaxsning to‘liq nomi, uning joylashgan manzili (pochta manzili) to‘g‘risidagi maʼlumotlar ko‘rsatilgan hamda so‘rovning mohiyati bayon etilgan bo‘lishi kerak.

7. Yozma so‘rovlar: Axborotdan foydalanuvchining shaxsiy imzosi bilan tasdiqlangan bo‘lishi kerak. So‘rovni shaxsiy imzo bilan tasdiqlash imkoniyati bo‘lmagan taqdirda, u qo‘shimcha ravishda tuzuvchining ham familiyasi, ismi, otasining ismi qo‘yilgan holda, uning imzosi bilan tasdiqlangan bo‘lishi kerak.

Axborotdan foydalanuvchini identifikatsiyalash imkoniyatini beradigan maʼlumotlar ko‘rsatilmagan so‘rov anonim hisoblanadi va ko‘rib chiqilmaydi.

8. Og‘zaki so‘rov kiritayotgan jismoniy shaxs: Ushbu Reglamentning 6-bandi birinchi xatboshisida qayd etilgan maʼlumotlarni, shuningdek o‘z telefon raqamini maʼlum qilishi kerak.

Yuridik shaxs nomidan og‘zaki so‘rov kiritayotgan mansabdor shaxs ushbu Reglamentning 6-bandi ikkinchi xatboshisida qayd etilgan maʼlumotlarni, shuningdek lavozimi, familiyasi, ismi, otasining ismi va ish telefon raqamini maʼlum qilishi kerak. Ushbu bandda qayd etilgan maʼlumotlar to‘liq bayon etilmagan hollarda, og‘zaki so‘rovlarni ko‘rib chiqish rad etilishi mumkin.

9. Elektron hujjat shaklidagi so‘rovlar (Bundan buyon matnda elektron so‘rov deb yuritiladi). O‘zbekiston Respublikasining “Elektron hujjat aylanishi to‘g‘risida”gi Qonuni talablariga muvofiq tayyorlangan va majburiy rekvizitlarga ega bo‘lgan taqdirda ko‘rib chiqiladi.

10. Belgilangan tartibda kiritilgan so‘rov ko‘rib chiqilishi shart.

11. Qishloq xo‘jaligi vazirligiga kiritilgan yozma va elektron so‘rovlar kotibiyat tomonidan qabul qilinadi va ro‘yxatga olinadi.

12. Qishloq xo‘jaligi vazirligida og‘zaki so‘rovlar axborot xizmatlari tomonidan qabul qilinadi.

Axborot xizmati xodimi so‘rov kiritayotgan jismoniy yoki yuridik shaxsdan ushbu Reglamentning 8-bandida qayd etilgan maʼlumotlarni to‘liq olishi shart.

13. Axborotdan foydalanuvchining so‘rovi Qishloq xo‘jaligi vazirligida ro‘yxatdan o‘tkazilgan kundan eʼtiboran ko‘pi bilan o‘n besh kunlik muddatda ko‘rib chiqiladi.

Ommaviy axborot vositasining axborot olishga doir, shuningdek vazirlikning mansabdor shaxslarining intervyusini tashkil etish to‘g‘risidagi so‘rovi ko‘pi bilan yetti kunlik muddatda ko‘rib chiqiladi.

14. Agar axborotdan foydalanuvchining so‘rovini ko‘rib chiqish Qishloq xo‘jaligi vazirligi vakolatlariga kirmasa, so‘rov so‘ralayotgan axborotni taqdim etish vakolatiga kiritilgan organga ro‘yxatdan o‘tkazilgan kundan eʼtiboran uch ish kuni ichida yuboriladi, axborotdan foydalanuvchi esa, bu haqda xabardor qilinadi.

Agar Qishloq xo‘jaligi vazirligi olingan so‘rov bo‘yicha davlat hokimiyati va boshqaruvining boshqa organlari vakolati to‘g‘risidagi maʼlumotlarga ega bo‘lmasa, axborotdan foydalanuvchiga so‘rov ro‘yxatdan o‘tkazilgan kundan eʼtiboran uch ish kuni ichida tegishli javob yuboradilar.

15. Rasmiy nashrlarda, ommaviy axborot vositalarida eʼlon qilingan (chop etilgan) yohud rasmiy veb-saytlarda joylashtirilgan axborot so‘ralganda, vazirlik so‘rovga beriladigan javobda so‘ralayotgan axborot eʼlon qilingan rasmiy nashrning, ommaviy axborot vositasining nomi, chop etilish sanasi hamda raqamini va (yoki) so‘ralayotgan axborot joylashtirilgan rasmiy veb-saytning elektron manzili ko‘rsatilgan holda, havola berilishi mumkin.

16. So‘rov rad etilgan taqdirda, belgilangan muddatda axborotdan foydalanuvchiga asoslantirilgan javob yuboriladi.

17. Ushbu Reglament talablarini buzgan xodimlar amaldagi qonun hujjatlarida belgilangan tartibda javobgar bo‘ladilar.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: