Sayt test rejimida ishlamoqda!
Ishonch telefoni: 1243
Devonxona: 71 206-70-30

Toshkent davlat agrar universiteti

AGRO.UZ > Toshkent davlat agrar universiteti
AGRO.UZ > Toshkent davlat agrar universiteti

Toshkent davlat agrar universitetning shakllanishi Markaziy Osiyodagi ko‘plab boshqa oliy o‘quv yurtlari singari 1918-yilda mahalliy ziyolilar tashabbusi bilan tashkil qilingan Mirzo Ulug‘bek nomidagi Milliy Universitet nomi bilan chambarchas bog‘liq. 20-yillarda uning tarkibidagi 8 ta fakultet ichida – qishloq xo‘jaligi fakulteti faoliyat yuritgan. 1930-yil 26-mayda ushbu fakultet negizida mustaqil holda O‘rta Osiyo qishloq xo‘jaligi instituti tashkil qilingan va bir qancha o‘zgarishlardan so‘ng, 1934-yil oktyabridan Toshkent qishloq xo‘jaligi instituti deb nomlandi.
1991-yil aprel oyida oliy o‘quv yurti Toshkent davlat agrar universiteti maqomini oldi.

Universitet kichik bir fakultetdan qishloq xo‘jaligi bo‘yicha Markaziy Osiyodagi yirik o‘quv va ilmiy markazga aylandi.
1969-yildayoq oliy o‘quv yurtida texnik taʼlim vositalari laboratoriyasi tashkil qilingan. 70-yillar boshida birinchi lingofon kabineti tashkil etilgan.
1979-yilda mustaqil ilmiy bo‘limlar tashkil qilindi: qishloq xo‘jaligi ilmiy tajriba stansiyasi, 1 ta muammoli va 4 ta sohaga oid ilmiy tekshirish laboratoriyalari, 1932-yilda Oliy o‘quv yurtida aspirantura tashkil qilindi.

Hozirgi kunda muassasada xalqaro munosabatlarni kengaytirish va chuqurlashtirishga katta eʼtibor qaratilmoqda. Xorijiy oliy taʼlim muassasalari bilan 50 ga yaqin shartnoma va memorandumlar imzolangan. Ularga asosan universitetning talabalari Germaniya, Rossiya singari davlatlarda ishlab chiqarish amaliyotlarini o‘tab kelishmoqda, professor-o‘qituvchilar dunyoning turli davlatlariga halqaro loyihalar doirasida o‘quv kurslari va seminarlarda ishtirok etib kelishmoqda.

  • Nukus — 2003-yil,
  • Termiz — 2017-yil,
  • Samarqand — 2020-yil,
  • Hamda Andijon qishloq xo‘jaligi va agrotexnologiyalar instituti;

 

Shuningdek:

– 3 ta akademik litsey;
– 15 ta agrotexnologiya texnikumlari;
– 5 ta markaz;
– 7 ta fakultet va 30 ta kafedra faoliyat ko‘rsatadi.

O‘zbekiston Respublikasi Vazirlar Mahkamasining 2020-yil 15-dekabrdagi 788-son “Agrar ta’lim tizimining 2030 yilgacha innovatsion rivojlanish strategiyasini tasdiqlash to‘g‘risida”gi qaroriga muvofiq universitetning 3 ta filialini (Nukus, Termiz, Samarqand filiallari) institutga aylantirish vazifasi qo‘yilgan. Hozirda ushbu yo‘nalish bo‘yicha ishlar amalga oshirilmoqda.
2020-yilda Respublika oliy taʼlim muassasalari milliy reytingida 57 ta oliy taʼlim muassasalari o‘rtasida Toshkent davlat agrar universiteti 5 o‘rinni egallab 1 pog‘ona yuqoriga ko‘tarildi.

Xalqaro hamkorlik
Oliy taʼlim muassasalarida xalqaro hamkorlik aloqalarini rivojlantirish maqsadida 2020-yil davomida 10 ta xorijiy OTMlari bilan hamkorlik shartnomalari tuzildi. Ularga asosan 25 ta mavzuda vebinar mashg‘ulotlari o‘tkazildi va 8 nafar xorijiy professor-o‘qituvchilar jalb qilindi.
Shuningdek, 2020-yilda 21 nafar pedagog-xodimlar xorijiy mamlakatlarda malaka oshirdi, stajirovka o‘tadi va seminarlarda qatnashishdi. Bundan tashqari, 12 nafar professor-o‘qituvchilar “El-yurt umidi” jamg‘armasi orqali K.Timiryazev nomidagi Rossiya Davlat agrar universiteti, Latviya Tabiiy fanlar va texnologiyalar universiteti, Qozon Davlat agrar universitetlarida malaka oshirish kurslarida ishtirok etishdi.

2020-yilda AQSH, Rossiya va Belorussiyaning 4 ta OTMlari bilan hamkorlik shartnomalariga asosan 5 ta bakalavriat taʼlim yo‘nalishlari va 2 ta magistratura mutaxassisliklari bo‘yicha qo‘shma taʼlim dasturlari joriy etildi. 2020-yilda Germaniya xalqaro hamkorlik tashkiloti GIZ bilan 681,5 ming yevro, Sho‘rlangan hududlarda qishloq xo‘jaligini rivojlantirish xalqaro markazi IKBA bilan 30 ming dollar, BMTning FAO tashkiloti bilan 100 ming dollar, YERASMUS+ dasturi doirasida 1,5 mln yevro, Janubiy Koreya respublikasining KOPIA tashkiloti tomonidan 100 ming dollarlik xorijiy sarmoyalar kiritilgan. Xitoy Xalq Respublikasining “Shuntong Agriculture Company” kompaniyasi hamda Ipoteka ATB bilan hamkorlikda qiymati 300,0 ming dollarga teng baliqlarni ko‘paytirish, urchitish bo‘yicha zamonaviy texnika va texnologiyalar asosida “Baliqchilik ilmiy markazi” tashkil etildi.

 Toshkent davlat agrar universitetining Nukus filiali negizida Qoraqalpog‘iston qishloq xo‘jaligi va agrotexnologiyalar institutini tashkil etish hamda moddiy-texnika bazasini mustahkamlash;
 taʼlim kredit-modul tizimi joriy etilgan mutaxassisliklar bo‘yicha HEMIS elektron taʼlim tizimiga elektron axborot resurs manbalarini joylashtirish hamda o‘quv jarayoniga zamonaviy AKT vositalarini keng joriy etish;
 barcha bakalavriat taʼlim yo‘nalishlari hamda magistratura mutaxassisliklarida 100 foiz kredit-modul tizimini joriy etish;
 Toshkent davlat agrar universitetining “Agrar fani xabarnomasi” jurnalini xalqaro miqyosda eʼtirof etilgan ilmiy jurnallar ro‘yxatiga kiritish;
 xorijiy talabalarning ulushini jami talabalar soniga nisbatan 1,2 foizga yetkazish va boshqalar.

Rektor: Xodjayev Jamshid Abduxakimovich
Manzil: Toshkent shahri, Universitet ko‘chasi, 2-uy
Telefon: (+998 71) 260 48 00
E-mail: tuag_info@edu.uz
Sayt: tdau.uz
Ish jadvali: dushanba-juma, 9:00 dan 18:00 gacha

Respublika qishloq xo‘jaligi ilmiy kutubxonasi

Respublika qishloq xo‘jaligi ilmiy kutubxonasining asosiy faoliyati – mamlakatimizning agrar siyosatini targ‘ib qilish, qishloq xo‘jaligidagi ilmiy-texnika taraqqiyotiga hamda olimlar, mutaxassislar va yoshlarning bilimlarini oshirishga faol yordam berishdan iboratdir. Unda asosan paxtachilik, o‘simlikshunoslik, o‘simliklarni ximoya qilish, chorvachilik, parrandachilik, qishloq xo‘jaligi texnikasi, qishloq xo‘jaligi iqtisodiyoti, fermer xo‘jaligini tashkil qilish va yuritish haqidagi va boshqa ko‘plab adabiyotlar mavjud.

Respublika qishloq xo‘jaligi ilmiy kutubxonasining kutubxona fondi haqiqatan ham noyob. Respublika qishloq xo‘jaligi ilmiy kutubxonasining umumiy fondi 549 901 bosma nashrdan iborat.
Jumladan, unda XVIII-XIX asrda chop etilgan Turkiston va Zakaspiy viloyatlari qishloq xo‘jaligi tarixiga oid noyob nashrlar, ensiklopediyalar, avtoreferatlar, lug‘atlar saqlanib kelinmoqda.

Asosiy fond uch qismdan iborat:

  1. Fundamental fond – 500666 nusxa. Unga kitoblar, jurnallar, risolalar va davriy nashrlar kiradi.
  2. Depozit fondi – 45245 nusxa. Unda asosan qishloq xo‘jaligi bo‘lib, sohaning rivojlanish tarixini aks ettiradi.
  3. Zaxira fondi – 3990 nusxa. Zaxira fondi davriy nashrlar, monografiyalar va boshqalardan iborat.

Xalqaro ilmiy elektron resurslar

Xizmat ko‘rsatishni takomillashtirish va kutubxonadagi elektron resurslarni ko‘paytirish maqsadida Ilmiy kutubxona “E-Line Press” MCHJ bilan hamkorlikda faoliyat yuritmoqda va “AGRIKOLA” xalqaro elektron maʼlumotlar bazasiga obuna bo‘lgan.

Foydalanuvchilar ushbu elektron maʼlumotlar bazasida mavjud bo‘lgan qishloq xo‘jaligi sohasiga oid yetakchi elektron nashrlar manbalaridan foydalanish imkoniyatiga egalar.

Elektron kutubxona xizmati

Kutubxonada masofaviy (virtual) xizmat mavjud bo‘lib, undan ushbu sohaning ko‘plab mutaxassislari foydalanadilar. Ushbu xizmat yordamida nashrlar o‘quvchilarga elektron formatlarda taqdim etiladi: PDF, DOC, 3GP, APK, MP4.

Ushbu xizmatdan Telegram (#ilmiykutubxona_9252) yoki +998977289252 raqamiga qo‘ng‘iroq qilish orqali foydalanish mumkin.


Bog‘lanish uchun: 
Tel: +998 712604963

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: