Sayt test rejimida ishlamoqda!
Ishonch telefoni: 1243
Devonxona: 71 206-70-30

Olma

AGRO.UZ > Olma
AGRO.UZ > Olma

Olma – raʼnodoshlarga oilasiga mansub, barg to‘kuvchi daraxtlar yoki butalar turkumi, urug‘li meva daraxti. O‘zbekistonda yovvoyi olma turlari, asosan, Toshkent viloyatidagi Bo‘stonliq, Parkent, Ohangaron tumanlarining tog‘li hududlarida uchraydi.

Mevasi pishish vaqtiga qarab, yozgi, kuzgi va qishki navlarga bo‘linadi. Olma sovuqqa chidamli, yorug‘sevar va namsevar, tuproq tanlamaydi, lekin unumdor tuproqlarda yuqori hosil beradi.

21-asrning 10-yillaridan boshlab, O‘zbekistonda pakana payvandtaglarda o‘stirilgan, tez hosilga kiradigan olma bog‘lari yaratish, chet el navlarini ekish harakati keng yoyildi. Ayniqsa, intensiv bog‘ usulida olma daraxtlarini yetishtirishga alohida ahamiyat berib kelinmoqda.

Yurtimizda olmaning turli navlari yaratilgan, bu borada yetakchi muassasa Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti hisoblanadi. Ayni paytda mamlakatimizning deyarli barcha hududlarida olmaning 31 navi yetishtiriladi.

Bugungi kunda yurtimizda yetishtirilayotgan olma mahsuloti Afg‘oniston, Belorus Respublikasi, Qozog‘iston, Qirg‘iziston, Mongoliya, BAA, Rossiya, Tojikiston, Turkmaniston, Ukraina, Chexiya kabi mamlakatlarga eksport qilinmoqda.

Olma navlari

Daraxtning bo‘yi o‘rtacha 3,8 m, shox-shabbasi keng piramida shaklida. Hosilga to‘rtinchi yili kiradi. Mevasi kesik konus shaklida, pushti chiziqlari bor, tillasimon sariq, o‘rtacha vazni 116 g, eti sarg‘ish, mayin, xushbo‘y, mevasi nordon shirin.

Nav yozda pishadi. Mevasi iyunning birinchi o‘n kunligida yetiladi. Hosildorligi – 211,8 s/ga, eng yuqori hosildorligi esa 382 s/ga ni tashkil etadi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot institutining Samarqand ilmiy-tajriba stansiyasi.

Mualliflar: V.V. Kuznetsov, A.A. Liplinskaya.

1982yil Davlat reyestriga kiritilgan.

Mamlakatimiz hududida Andijon, Samarqand, Surxondaryo viloyatlarida ekishga tavsiya qilingan

Daraxtning bo‘yi o‘rtacha 5,5 m. va undan kattaroq. Hosilga beshinchi yili kiradi.

Mevasi yumaloq, chiroyli, to‘q pushti rangda, taram-taram tovlanib turadi, o‘rtacha vazni – 149 g. Eti oq-yashil, och-sariq tusli, o‘rtacha zichlikda, sershira, juda shirin.

Nav yozda pishadi, mevasi iyulning ikkinchi o‘n kunligida yetiladi.

Hosildorligi – 66,7 s/ga, eng yuqori hosildorligi esa 152,9 s/ga ni tashkil etadi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

1959yil Davlat reyestriga kiritilgan.

Mualliflar: R.R. Shreder, A.R. Shreder, A.G. Shreder.

Mamlakatimizning barcha hududlarida ekish uchun tavsiya qilingan.

Daraxtning bo‘yi 5,8 m, dumaloq keng shox-shabbali.

Mevasi keng konus shaklli, silliq xira och qizil rangli, keng chiziqlar bilan qoplangan. Mevasining o‘rtacha vazni – 141 g. Eti sariq, sersuvligi o‘rtacha, mevasi nordon-shirin, juda xushbo‘y.

Nav kech kuzda pishadi, mevasi sentyabrning uchinchi o‘n kunligida yetiladi. Oltinchi yili hosil bera boshlaydi.

Hosildorligi – 181,8 s/ga, eng yuqori hosildorligi – 68,3 s/ga ni tashkil etadi.

Qayerda yaratilgan: AQSH.

1959yil Davlat reyestriga kiritilgan.

Mamlakatimiz hududida Buxoro, Jizzax, Qashqadaryo, Navoiy, Surxondaryo, Toshkent viloyati, Qoraqalpog‘iston Respublikasida ekishga tavsiya etilgan.

Daraxtning bo‘yi o‘rtacha – 4,4 m, keng shox-shabbali. Beshinchi yili yil oralab hosil bera boshlaydi.

Mevasi kalta silindr shaklida bo‘lib, sal taram-taram rangi tilla sariq. Mevasining o‘rtacha vazni 115 g, eti oq-sarg‘ish, sershira, juda xushbo‘y, mevasining mazasi nordon-shirin.

Nav kuzgi, mevasi sentyabrning birinchi o‘n kunligida pishadi. Hosildorligi – 76,9 s/ga, eng yuqori hosildorligi – 178,3 s/ga ni tashkil etadi.

Qayerda yaratilgan: AQSH.

1959yil Davlat reyestriga kiritilgan.

Mamlakatimiz hududida Andijon, Buxoro, Jizzax, Qashqadaryo, Navoiy, Namangan, Samarqand, Surxondaryo, Sirdaryo, Toshkent va Farg‘ona viloyatlari, Qoraqalpog‘iston Respublikasida ekishga tavsiya etilgan.

Daraxt bo‘yi o‘rtacha 4,8 m, shox-shabbasi yumaloq-tuxumsimon. Ko‘chati ekilgandan so‘ng oltinchi yili hosilga kiradi.

Mevasi yumaloq-konussimon, ko‘rinishi chiroyli, sal taram-taram, mevasining o‘rtacha vazni – 169 g. Eti och-sariq, juda mayin, mazasi nordon-shirin, xushbo‘y.

Nav kech kuzda pishadi, mevasi sentyabrning ikkinchi o‘n kunligida pishadi.

Hosildorligi – 291,7 s/ga, eng yuqori hosildorligi – 514 s/ga ni tashkil etadi.

Qayerda yaratilgan: AQSH.

1973yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi o‘rtacha – 4,6 m, shox-shabbasi keng piramidasimon, ko‘chati ekilgandan so‘ng sakkizinchi yili hosilga kiradi.

Mevasi keng konussimon, qirrali, mevasining o‘rtacha vazni – 198 g. Eti mayin, sershira, mazasi nordon-shirin, xushbo‘y asal hidli.

Nav kech kuzgi, mevasi sentyabrning birinchi o‘n kunligida pishadi. Hosildorligi – 177,3 s/ga, eng yuqori hosildorligi – 252,6 s/ga ni tashkil etadi.

Qayerda yaratilgan: AQSH.

1985yil Davlat reyestriga kiritilgan.

Mamlakatimiz hududida Toshkent viloyatida ekishga tavsiya etilgan.

Daraxtning bo‘yi 5,3 m, shox-shabbasi tarqoq, ko‘chati ekilgandan so‘ng hosilga beshinchi yilda kiradi. Mevasi yumaloq konussimon, och sariq, to‘q qizil g‘ubori bor. Mevasining o‘rtacha vazni – 113 g. Eti sarg‘ish, qumoq, sershira, xushbo‘y, vinosimon-shirin, mazasi yaxshi.

Nav kech yozda pishadi, mevasi avgust-ning uchinchi o‘n kunligida yetiladi. Hosildorligi – 73,3 s/ga, eng yuqori hosildorligi – 114,2 s/ga ni tashkil etadi.

Qayerda yaratilgan: AQSH.

1959yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi o‘rtacha bo‘lib, 3-3,5 m, shox-shabbasi keng piramida shaklida. Hosilga beshinchi yilda kiradi.

Mevasi yumaloq – tuxumsimon, rangi tillasimon sariq, ayrim joylari qizil, o‘rtacha vazni 170 g. Eti sarg‘ish, sersuv, mevasi nordon-shirin.

Kech yozda pishadi. Mevasi avgust oyida yetiladi.

Hosildorligi – 245,1 s/ga ni tashkil etadi.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot instituti.

Mualliflar: A.G. Shreder, E.A. Shreder.

2005yil Davlat reyestriga kiritilgan.

Mamlakatimiz hududida Toshkent viloyatida ekishga tavsiya etilgan.

Daraxti o‘rta bo‘yli, keng yoyilgan o‘rta zichlikdagi shox-shabbaga ega. Mevalari yumaloq-yassi shaklda, yashilsimon-sariq rangli, biroz pushti rangdagi xoli bor. Mevalarining pishish muddati – avgustning oxiri, sentyabr oyining boshlari.

Navning afzalligi: mevasining taʼmi shirin, xushbo‘y, mazali va ozgina nordon bo‘lib, mevalarining transportda tashuvchanligi yaxshi hamda saqlanuvchanligi yuqori (mart oyigacha saqlanadi). O‘rta o‘suvchi (MM106) va past o‘suvchi (M9) payvandtaglarida yaxshi o‘sib rivojlanadi.

Navning o‘suv davri 220-250 kun, hosildorligi 170 s/ga, bir tupdagi hosil vazni 100-120 kg, bir dona meva vazni 260-290 g.

Hosilga 3-4 yili kiradi (MM106 payvandtagida).

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

Muallif: E.A. Doroxova.

2015yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi o‘rtacha 4,3 m, shox-shabbasi dumaloq shaklli, ko‘chati ekilgandan so‘ng to‘rtinchi yili hosilga kiradi.

Mevasi yirik, rangi chiroyli, sariq-yaltiroq. Mevasining o‘rtacha vazni – 153 g. Mazasi nordon-shirin.

Nav kuzgi, mevasi sentyabrning uchinchi o‘n kunligida pishadi. Hosildorligi – 132 s/ga, eng yuqori hosildorligi – 239,6 s/ga ni tashkil etadi.

Qayerda yaratilgan: Yaponiya.

1989yil Davlat reyestriga kiritilgan.

Mamlakatimiz hududida Toshkent va Samarqand viloyatlarida ekishga tavsiya qilingan.

Daraxtning bo‘yi baland, baquvvat, 5,0 m.

Mevasi shirin, yuqori hosildor va uzoq masofalarga tashish uchun yaroqli. Mevasining o‘rtacha vazni – 86 g.

Nav iyulning birinchi o‘n kunligida pishadi.

To‘rt yillik o‘rtacha hosildorligi – 189,6 s/ga ni tashkil etadi.

Qayerda yaratilgan: Yangi Zelandiya.

1996yil Davlat reyestriga kiritilgan.

Mamlakatimiz hududida Surxondaryo viloyatida ekishga tavsiya qilingan.

Daraxtning bo‘yi o‘rtacha 4-5 bo‘lib, shox-shabbasi keng yumaloq-ovalsimon shaklda. Ko‘chati ekilgandan so‘ng beshinchi yilda hosilga kiradi.

Mevasi yumaloq-tuxumsimon, rangi och sariq, o‘rtacha vazni – 90 g. Eti oqish, sersuv, mevasi shirin.

Juda ertapishar. Mevasi iyun oyida yetiladi.

Hosildorligi – 202 s/ga ni tashkil etadi.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot instituti.

Muallif: E.A. Shreder.

2006yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi o‘rtacha 4-5 m bo‘lib, shox-shabbasi keng yumaloq-ovalsimon shaklda. Ko‘chati ekilgandan so‘ng beshinchi yilda hosilga kiradi.

Mevasi yumaloq-tuxumsimon, rangi och sariq, o‘rtacha vazni – 90 g. Eti oqish, sersuv, mevasi shirin.

Juda ertapishar. Mevasi iyun oyida pishadi.

Hosildorligi – 202 s/ga ni tashkil etadi.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot instituti.

Muallif: E.A. Shreder

2008yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxti o‘rta bo‘yli, keng yoyilgan o‘rta zichlikdagi shox-shabbaga ega. O‘rta o‘suvchi MM106 payvandtagida 4-5 yili hosilga kiradi.

Mevalari yumaloq-yassi shaklda, yashilsimon-sariq rangli, biroz pushti rangdagi xoli bor. Nordon-shirin taʼmli bo‘lib, mevalari yaxshi saqlanuvchan (30-40 kun davomida saqlanadi) va transportda tashishga chidamli. Intensiv bog‘lar uchun juda maqbul navdir.

Mevalarining pishish muddati – avgust oxiri, sentyabr oyining boshlari.

Hosildorligi 190 s/ga, bir tupdagi hosil vazni 80-90 kg, bir dona meva vazni 100-130 g. Hosilga 3-4 yili kiradi (MM106 payvandtagida).

Qayerda yaratilgan: Kanada.

2015yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

 

Daraxtning bo‘yi o‘rtacha 4-5 m bo‘lib, shox-shabbasi keng yumaloq-ovalsimon shaklda. Ko‘chati ekilgandan so‘ng beshinchi yili hosilga kiradi.

Mevasi yumaloq-tuxumsimon, rangi och sariq, o‘rtacha vazni – 130 g. Eti oqish, sersuv, mevasi shirin.

Juda ertapishar. Mevasi iyun oyida pishadi.

Hosildorligi 180-190 s/ga ni tashkil etadi.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot instituti.

Muallif: E.A. Shreder.

2007yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi o‘rtacha, shox-shabbasi teskari piramida. To‘rtinchi yil hosilga kiradi. Mevasi to‘g‘ri sharsimon yoki keng konus shaklida, tillasimon to‘q sariq, jigarrang nuqtalari bor. Mevasining o‘rtacha vazni – 129 g. Mazasi vinosimon-shirin.

Nav erta kuzgi, mevasi avgustning uchinchi o‘n kunligida pishadi. Hosildorligi – 244,3 s/ga, eng yuqori hosildorligi – 375,2 s/ga ni tashkil etadi.

Qayerda yaratilgan: Angliya.

1959yil Davlat reyestriga kiritilgan.

Mamlakatimiz hududida Jizzax, Namangan, Samarqand, Surxondaryo, Toshkent va Farg‘ona viloyatlarida ekishga tavsiya qilingan.

Daraxtining bo‘yi o‘rtacha 5,9 m bo‘lib, uchinchi yili hosilga kiradi.

Mevasi o‘rtacha kattalikda, rangi tillasimon sariq, kesik dumaloq shaklda. Mevaning o‘rtacha vazni 74 g. Eti sershira, och sariq, mazasi sal nordon-shirin.

Bu olma navi juda erta pishadi, mevasi iyunning uchinchi o‘n kunligida yetiladi.

Hosildorligi – 164,7 s/ga, eng yuqori hosildorligi – 210,8 s/ga ni tashkil etadi.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot institutining Samarqand ilmiy-tajriba stansiyasi.

Mualliflar: V.V. Kuznetsov, A.A. Liplinskaya.

1959yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi o‘rtacha – 4,6 m, shox-shabbasi keng bo‘lib, shoxlari egilib turadi, to‘rtinchi yili hosilga kiradi.

Mevasi dumaloq-konussimon, yashil rangli, o‘rtacha vazni – 140 g. Eti ko‘kish-sariq rangli, zich, sershira, yetilganda qumoq, sarg‘ish-pushti, vinosimon shirin mazali bo‘ladi.

Nav kechki, mevasi sentyabrning ikkinchi o‘n kunligida pishadi. Hosildorligi – 154,7 s/ga, eng yuqori hosildorligi – 285 s/ga ni tashkil etadi.

Qayerda yaratilgan: L.P. Simirenko nomidagi Mliyev bog‘dorchilik tajriba stansiyasi.

Muallif: L.P. Simirenko.

1959yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi baland – 8,2 m bo‘lib, shox-shabbasi qalin, keng piramidasimon, ko‘chati ekilgandan so‘ng sakkizinchi yili hosil bera boshlaydi.

Mevasi tuxumsimon-konussimon bo‘lib, mevasining o‘rtacha vazni – 95 g. Eti oq, juda ham mayin, sershira, mazasi vinosimon-shirin, xushbo‘y.

Nav qishki, mevasi sentyabrning uchinchi o‘n kunligida pishadi. Hosildorligi – 98,3 s/ga, eng yuqori hosildorligi – 128,5 s/ga ni tashkil etdi.

Qayerda yaratilgan: Italiya.

1959yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi 4,6 m bo‘lib, beshinchi yili hosilga kiradi. Mevasi iyunning ikkinchi o‘n kunligida pishadi. Mevasining shakli dumaloq, chiroyli, yuzasi yaxshi, har yili hosil beradi. Olma qurti bilan andoza naviga nisbatan kam zararlanadi.

Hosildorligi – 216 s/ga ni tashkil etadi.

Qayerda yaratilgan: Ukraina sug‘oriladigan mevachilik ilmiy-tekshirish instituti.

1995yil Davlat reyestriga kiritilgan.

Mamlakatimiz hududida Buxoro viloyatida ekish uchun tavsiya qilingan.

Nav yozgi, mevasi iyulning birinchi o‘n kunligida pishadi. Olmaning Saratoni navi daraxti bo‘yi baland – 5,6 m bo‘lib, beshinchi yili hosilga kiradi.

Mevasi yassi dumaloq shaklda bo‘lib, rangi och yashil, och qizil yo‘llari bor. Mevasining o‘rtacha vazni 164 g, eti oq, mayin, sershira, mazasi nordon-shirin.

Hosildorligi – 124,2 s/ga, eng yuqori hosildorligi – 160,2 s/ga ni tashkil etadi.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot institutining Samarqand ilmiy-tajriba stansiyasi.

Mualliflar: V.V. Kuznetsov, A.A. Liplinskaya.

1974-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi o‘rtacha, qurg‘oqchilikka va qishki sovuqlarga chidamli, har yili hosil beradi, mevasi avgust oyining oxiri, sentyabr oyining boshida pishadi. Ekilgandan so‘ng oltinchi yili hosilga kiradi.

Mevasi yirik – 200 g, dumaloq-uzunchoq, eti ko‘kish, butun yuzasi bo‘yicha qizil g‘ubori va po‘sti ostida qizil dog‘lari bor. Mevasi sershira, mazasi nordon-shirin. Uzoq muddat saqlanadi. Olma qurti bilan andoza naviga nisbatan kam zararlanadi.

Hosildorligi – 201,3 s/ga ni tashkil etadi.

Qayerda yaratilgan: AQSH.

1995yil Davlat reyestriga kiritilgan.

Mamlakatimiz hududida Buxoro viloyatida ekish uchun tavsiya qilingan.

Olma daraxtining bo‘yi o‘rtacha 4,7 m, shoxlari siyrak.

Mevasi yirik – 161 g. Mevasi uzunchoq-konussimon shaklda, rangi juda chiroyli, to‘q qizil. Ichki qismi och sariq. Mevasi shirali, mazasi shirin-nordon, o‘ziga xos hidi bor.

Nav kech kuzda pishadi, mevasi sentyabr oyida uziladi.

Hosildorligi – 77,3 s/ga dan yuqori.

Qayerda yaratilgan: AQSH.

1993yil davlat reyestriga kiritilgan.

Mamlakatimiz hududida Qoraqalpog‘iston Respublikasi va Buxoro viloyatida ekish uchun tavsiya qilingan.

Mevasi yirik – o‘rtacha massasi 320 g, yirik mevasi 500 g. Mayda urug‘li, suvli, nordon-shirin taʼmga ega. Transportda tashishga chidamli. Kimyoviy tarkibi: qand moddasi 13,2%, kislota 0,35%, vitamin S 3,9 mg/%. Sovuqqa va qurg‘oqchilikka chidamli.

Nav Rumyanka Almaatinskaya bilan Nafis navlarini chatishtirish yo‘li orqali olingan. 4-5 yildan boshlab hosilga kiradi. Har yili hosil beradi.

Hosildorligi 1 tup daraxtdan o‘rtacha 40 kg.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

Muallif: E.A. Doroxova.

2014yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtining bo‘yi o‘rtacha, qurg‘oqchilikka va qishki sovuqlarga chidamli, har yili hosil beradi, mevasi avgust oyining oxiri, sentyabr oyining boshida pishadi. Ekilgandan so‘ng oltinchi yili hosilga kiradi.

Mevasi yirik – 200 g, dumaloq-uzunchoq, eti ko‘kish, butun yuzasi bo‘yicha qizil g‘ubori va po‘sti ostida qizil dog‘lari bor. Sershira, mazasi nordon-shirin. Mevasi uzoq muddat saqlanadi. Olma qurti bilan andoza naviga nisbatan kam zararlanadi.

Hosildorligi – 201,3 s/ga ni tashkil etadi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

2009yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxti bo‘yi 5,4 m bo‘lib, shox-shabbasi tarqoq sharsimon, ekilgandan so‘ng uchinchi yili hosilga kiradi.

Mevasi yirik, och yashil, och qizil yo‘llari bor, o‘rtacha vazni 166 g. Eti sershira, zich, mazasi nordon-shirin.

Nav yozda pishadi, mevasi iyunning uchinchi o‘n kunligida pishadi. Hosildorligi – 231,9 s/ga, eng yuqori hosildorligi – 322,8 s/ga ni tashkil etadi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

Mualliflar: A.R. Shreder, A.G. Shreder.

1973yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi o‘rtacha bo‘lib, 5 m, shox-shabbasi keng ovalsimon shaklda, bargi yirik ellipssimon, rangi yashil qirrali, silliq. Beshinchi yili hosilga kiradi.

Mevasi yirik yumaloq-silindrsimon, rangi sarg‘ish-yashil, ayrim joylari qizg‘ish, o‘rtacha vazni 210 g, eti oq-sarg‘ish, sersuv, mevasi nordon-shirin.

Kech yozda pishadi. Mevasi avgust oyida yetiladi.

Hosildorligi 259,5 s/ga ni tashkil etadi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

Mualliflar: A.G. Shreder, E.A. Shreder.

2005yil Davlat reyestriga kiritilgan.

Mamlakatimiz hududida Toshkent viloyatida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: