Sayt test rejimida ishlamoqda!
Ishonch telefoni: 1243
Devonxona: 71 206-70-30

Apelsin

AGRO.UZ > Apelsin
AGRO.UZ > Apelsin

Apelsin – po‘rtaxol (Citrus sinensis — gollandcha appelsien — aynan xitoy olmasi) — rutadoshlar (apelsingullilar oilasi) ning sitruslar turkumiga mansub doimiy yashil daraxt va buta. Vatani — Birma va Janubi-G‘arbiy Xitoy. Yovvoyi holda uchramaydi.

Tropik va subtropik mamlakatlarda qadimdan madaniylashtirilgan (Xitoyda 2 ming yildan beri, Janubiy Yevropada 15-asrdan, Kavkazning Qora dengiz buylarida 11-asrdan). Issiqsevar va namsevar. Qulay sharoitlarda 75 yildan ortiq yashaydi va hosil beradi. Apelsin AQSH, Ispaniya, Italiya, Xitoy, Turkiyada hamda Gruziyaning g‘arbida ko‘p yetishtiriladi.

Ayni paytda mamlakatimizning barcha hududlarida apelsinning 2 ta navi yetishtiriladi.

Apelsin navlari

O‘rta o‘suvchi shox-shabbali yoyiq daraxt. Novdalari turli kattalikdagi tikanlarga ega. 3-4 yilda hosilga kiradi.

Mevalari o‘rtacha va yirik bo‘lib, yumaloq-uzunchoq shaklda.

Har yili mo‘l hosil beradi, mevalari oktyabr-noyabr oylarida pishadi.

Navning o‘suv davri 220-240 kun, o‘simlik bo‘yi 2-2,5 m, hosildorligi 190 s/ga, bir tupdagi hosil vazni 14 kg, bir dona meva vazni 100-130 g.

Navning afzalligi – tez hosilga kiradi va hosildor.

Qayerda yaratilgan: Italiya

2015-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Tupi – past bo‘yli 2-2,5 m, keng yoyilgan, serbarg shox-shabbasi g‘uj bo‘lib o‘sadi.

Mevasi – vazni 100-120 gramm, shakli yumaloq, bir oz cho‘ziq yoki noksimon, uchi oval. Asosi ham ovalsimon, baʼzan cho‘ziq, burmali bo‘ladi. Po‘sti o‘rtacha qalin, g‘adir-budir, to‘q sariq yoki qizg‘ish. Eti qizil rangda, sersuv, mayin, 8-13 pallaga oson ajraladi. Etining taʼmi nordon-chuchuk, xushbo‘y, juda mazali.

Nav xususiyati – ekilgandan keyin uchinchi yili hosilga kiradi. Hosildorligi o‘rtacha, mevasi juda kech – dekabrning o‘rtasida yoki oxirida pishadi.

Qayerda yaratilgan: O‘zbekistonga Gruziyadan introduksiya qilingan.

2020-yil Davlat reyestriga kiritilgan.

Mamlakatimiz hududida Andijon, Jizzax, Qashqadaryo, Namangan, Samarqand, Surxondaryo, Sirdaryo, Toshkent, Farg‘ona viloyatlarida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: