Sayt test rejimida ishlamoqda!
Ishonch telefoni: 1243
Devonxona: 71 206-70-30

Bodom

AGRO.UZ > Bodom
AGRO.UZ > Bodom

Bodom – raʼnodoshlar oilasiga mansub daraxt va butasimon mevali o‘simlik. Bodom avlodining 40 ga yaqin turi maʼlum. Osiyo, Shimoliy va Markaziy Amerika, Yevropaning janubi, Kavkazorti, O‘rta Osiyoda tarqalgan.

Bodom yer tanlamaydi, lekin yumshoq yerlarda yaxshi o‘sadi, sovuqqa chidami o‘rtacha, qurg‘oqchilikka chidamli, shuning uchun tog‘ yonbag‘irlarida tuproq eroziyasiga qarshi ixota daraxtzorlari barpo etishda ham ekiladi. Daraxtidan 60-80 kg hosil olinadi.

Mamlakatimizda Farg‘ona vodiysi (umumiy bodomzorlarning 60% i), Surxondaryo, Samarqand va Toshkent viloyatlarida 7 ta turi o‘stiriladi.

Bugungi kunda yurtimizda yetishtirilayotgan bodom mahsuloti Ozarbayjon, Armaniston, Afg‘oniston, Belorus Respublikasi, Buyuk Britaniya, Germaniya, Gruziya, Hindiston, Eron, Ispaniya, Italiya, Qozog‘iston, Xitoy, Qirg‘iziston, Latviya, Mongoliya, Niderlandiya, BAA, Rossiya, Saudiya Arabistoni, Tojikiston, Turkmaniston, Turkiya, Ukraina, Fransiya kabi mamlakatlarga eksport qilinmoqda.

Bodom navlari

Daraxtining bo‘yi o‘rtacha, ko‘chati ekilgandan so‘ng uchinchi yili hosil bera boshlaydi. Sovuqqa chidamliligi o‘rtacha, qurg‘oqchilikka bardoshliligi yuqori, zararkunanda va kasalliklar bilan zararlanishi o‘rtacha.

Mevasi keng tuxumsimon, yong‘og‘i o‘rtacha, mag‘izi kichkina, rangi och jigar rang.

Akademik M.Mirzayev nomli bog‘dorchilik, uzumchilik va vinochilik ilmiy-tadqiqot institutining Bo‘stonliq tog‘ ilmiy-tajriba stansiyasidan olingan maʼlumotlarga ko‘ra, besh yillik daraxt 1,7 kg, o‘n yillik daraxt 3,0 kg hosil bergan.

Qayerda yaratilgan: Nikitа Davlat botanika bog‘i.

Muallif: A.A. Rixter.

1967-yil Davlat reyestriga kiritilgan.

Mamlakatimiz hududida Jizzax, Surxondaryo, Sirdaryo va Farg‘ona viloyatlarida ekish uchun tavsiya qilingan.

Daraxtining bo‘yi past bo‘lib, shox-shabbasi dumaloq, ko‘chati ekilgandan so‘ng to‘rtinchi yili hosilga kiradi, mevasi sentyabr oyining birinchi o‘n kunligida pishadi, yong‘og‘i yirik, o‘rtacha vazni – 2 g.

Akademik M.Mirzayev nomli bog‘dorchilik, uzumchilik va vinochilik ilmiy-tadqiqot institutining Bo‘stonliq tog‘ ilmiy-tajriba stansiyasidan olingan maʼlumotlarga ko‘ra, 9-10 yillik daraxtdan 2,0-2,5 kg hosil olingan.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot institutining Bo‘stonliq tog‘ ilmiy-tajriba stansiyasi.

Muallif: S. Kalmikov.

1967-yil Davlat reyestriga kiritilgan.

Mamlakatimiz hududida Jizzax, Namangan, Samarqand, Toshkent, Farg‘ona, Surxondaryo viloyatlarida ekish uchun tavsiya qilingan.

Daraxtining bo‘yi o‘rtacha bo‘lib, ko‘chati ekilgandan so‘ng uchinchi-to‘rtinchi yili hosil bera boshlaydi.

Mevasi sentyabr oyining ikkinchi o‘n kunligida pishadi. Mevasi yirik, o‘rtacha vazni – 1,4 g.

Hosildorligi – 13,8 s/ga, eng yuqori hosildorligi – 17,8 s/ga ni tashkil etadi.

Qayerda yaratilgan: SAFVNIIRning Turkmaniston tajriba stansiyasi.

Muallif: O.F. Mizgiryoyev

1974-yil Davlat reyestriga kiritilgan.

Mamlakatimiz hududida Surxondaryo viloyatida ekish uchun tavsiya qilingan.

Daraxtining bo‘yi baland, shox-shabbasi supurgisimon. Mevasi avgust oyining ikkinchi o‘n kunligida pishadi. Mevasi bir xil shaklda, o‘rtacha vazni – 2,9 g. Po‘stlog‘i yupqa, mag‘izi shirin.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot institutining Bo‘stonliq tog‘ ilmiy-tajriba stansiyasi.

Muallif: S. Kalmikov.

1982-yil Davlat reyestriga kiritilgan.

Mamlakatimiz hududida Toshkent va Surxondaryo viloyatlarida ekish uchun tavsiya qilingan.

Bu nav kech gullaydi, bahorgi sovuqdan zararlanmaydi. Bodom daraxtining bo‘yi o‘rtacha bo‘lib, ko‘chati ekilgandan so‘ng uchinchi yili hosilga kiradi.

Mevasi uzunchoq, rangi yashil, po‘stlog‘i yupqa, silliq, mevasining o‘rtacha vazni – 3,9 g.

Akademik M.Mirzayev nomli bog‘dorchilik, uzumchilik va vinochilik ilmiy-tadqiqot institutining Bo‘stonliq tog‘ ilmiy-tajriba stansiyasidan olingan maʼlumotlarga ko‘ra, to‘rt yillik daraxt 7 kg, sakkiz yillik daraxt 10 kg hosil bergan.

Qayerda yaratilgan: Nikitа Davlat botanika bog‘i.

Muallif: A.A. Rixter.

1967-yil Davlat reyestriga kiritilgan.

Mamlakatimiz hududida Toshkent va Farg‘ona viloyatlarida ekish uchun tavsiya qilingan.

Daraxti o‘rta bo‘yli, shox-shabbasi yumaloq.

Mevasi yirik (2,02 g), nomutanosib, sal qirrali, tepa tomoni sal cho‘zilgan, asosi yumaloqlashgan. Po‘sti yupqa, ovalli. G‘adir-budur, yumshoq, och qo‘ng‘ir, eti oq, shirin. Hidi kuchli. 3-4 yili hosilga kiradi.

Hosildorligi daraxtdan o‘rtacha 1,65 kg. Isteʼmol qilishga va texnik yo‘nalishdagi nav.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

2011-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: