Sayt test rejimida ishlamoqda!
Ishonch telefoni: 1243
Devonxona: 71 206-70-30

Olxo'ri

AGRO.UZ > Olxo’ri
AGRO.UZ > Olxo’ri

Olxo‘ri raʼnodoshlar oilasiga mansub danakli meva daraxti. 30 dan ortiq turi maʼlum. Eng ko‘p tarqalgan turi oddiy olxo‘ri bo‘lib, tog‘olcha bilan yovvoyi olxo‘rining tabiiy chatishishidan kelib chiqqan deb taxmin qilinadi.

Vatani Kichik Osiyo. O‘zbekistonga Eron orqali kirib kelgan. Yurtimizda ekilish maydoni jihatidan danakli meva daraxtlari orasida o‘rikdan keyin turadi.

Olxo‘ri asosan payvandlab hamda ildiz bachkisidan ko‘paytiriladi, eng yaxshi payvandtag tog‘olcha.

Ko‘chati o‘tqazilgach, 3-5 yilda hosilga kiradi. 20-25 yil yaxshi hosil beradi (30 kg dan 100 kg gacha). 30-35 yil yashaydi. Shaftoli, o‘rik va gilosga qaraganda, sovuqqa chidamli (-30 darajagacha). Bahorgi sovuqlardan kam zararlanadi.

O‘zbekiston hududida 10 ta navi yetishtiriladi. Navlariga qarab, yurtimizning turli mintaqalarida yetishtirish uchun tavsiya qilingan. Dunyoda qora olxo‘ri mevalarini yetishtirish bo‘yicha ilg‘or sanalgan AQSH, Kanada va Chili davlatlari tajribalari o‘rganilib, respublika hududlarida qora olxo‘ri yetishtirishni ko‘paytirish va eksportga yo‘naltirish tizimi yo‘lga qo‘yilmoqda.

Bugungi kunda yurtimizda yetishtirilayotgan olxo‘ri mahsuloti Afg‘oniston, Belorus Respublikasi, Germaniya, Qozog‘iston, Qirg‘iziston, Mongoliya, BAA, Rossiya, Turkmaniston, Ukraina kabi mamlakatlarga eksport qilinmoqda.

Olxo‘ri navlari

Daraxtining bo‘yi uncha katta emas – 3,8 m, shox-shabbasi keng piramidasimon. Nav ekilgandan so‘ng oltinchi yili hosil bera boshlaydi.

Mevasi tuxumsimon, to‘q ko‘k, yirik, o‘rtacha vazni – 52 g bo‘lib, eti oq sariq, sershira, sal tola-tola, xushbo‘y hidi bor.

Nav kechpishar, sentyabrning birinchi o‘n kunligida pishadi.

Qayerda yaratilgan: AQSH.

1959yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Nav kechki, mevasi sentyabrning birinchi o‘n kunligida pishadi. daraxtning bo‘yi baland, ekilgandan keyin beshinchi yili hosilga kiradi.

Mevasi tuxumsimon, to‘q ko‘k, mum g‘uborli, o‘rtacha vazni – 43 g. Eti to‘q sariq, sershira, juda mazali.

Hosildorligi – 170,0 s/ga ni tashkil etadi.

Nav qayerda yaratilgani nomaʼlum.

1975yil Davlat reyestriga kiritilgan.

Mamlakatimiz hududida Toshkent viloyatida ekish uchun tavsiya qilingan.

Daraxtining bo‘yi baland – 4,9 m bo‘lib, shox-shabbasi dumaloq, tarqoq, daraxti ekilgandan so‘ng beshinchi yilda hosilga kiradi.

Mevasi vengerkalarga xos shaklli, to‘q ko‘k, qalin mumsimon g‘ubor bilan qoplangan, mevasi yirik, vazni – 4,6 g. Eti to‘q sariq, sershira, juda ham etli, shirin mazali, xushbo‘y. Danagi etidan yaxshi ajraladi.

Nav o‘rtapishar, avgustning ikkinchi o‘n kunligida yetiladi. Hosildorligi – 319,5 s/ga, eng yuqori hosildorligi – 410,7 s/ga ni tashkil etadi.

Qayerda yaratilgan: G‘arbiy Yevropa. 1967yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtning bo‘yi baland – 5,1 m, shox-shabbasi dumaloq shaklli, olxo‘ri ko‘chati ekilgandan so‘ng oltinchi yili hosil bera boshlaydi.

Mevasining rangi to‘q qizil, yirik, vazni – 34 g. Eti oq sariq, sershira, mazasi nordon-shirin.

Nav ertapishar, mevasi iyulning ikkinchi o‘n kunligida pishadi.

Hosildorligi – 165,8 s/ga, eng yuqori hosildorligi – 331,7 s/ga ni tashkil etadi.

Qayerda yaratilgan: AQSH.

1982yil Davlat reyestriga kiritilgan.

Mamlakatimiz hududida Samarqand viloyatida ekish uchun tavsiya qilingan.

Daraxtning bo‘yi baland – 5,2 m bo‘lib, shox-shabbasi tuxumsimon, qalin. Ko‘chati ekilgandan so‘ng to‘rtinchi yili hosil bera boshlaydi.

Mevasi tuxumsimon, rangi to‘q qizil bo‘lib, mumsimon g‘ubori bor, mevasi yirik, o‘rtacha vazni – 44 g. Eti sariq, o‘rtacha sershira, mazasi nordon-shirin. Danagi etidan yaxshi ajraladi.

Nav kechpishar, mevasi avgustning uchinchi o‘n kunligida pishadi. Hosildorligi – 95,8 s/ga, eng yuqori hosildorligi – 140,0 s/ga ni tashkil etadi.

Qayerda yaratilgan: AQSH.

1959yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Muntazam va mo‘l hosil berishi bilan ajralib turadi.

Mevalari yirik, 55-65 g atrofida, po‘stining asosiy rangi to‘q sariq, qoplovchi rangi to‘q qizil, po‘stining yuzasini tig‘iz mum g‘ubori qoplab oladi.

Meva eti kremsimon-sariq, mayin tolali. Danagi etidan yaxshi ajraladi. Nav o‘zini o‘zi changlay olmaydi, shu bois unga xitoy olxo‘risi navlari yoki tog‘olcha qo‘shib ekiladi.

Hosili iyul oyining ikkinchi yarmida pishib yetiladi.

Hosildorligi – 210-220 s/ga ni tashkil etadi.

Nav Amerikadan keltirilgan bo‘lib, ekilgandan so‘ng 2-3 yili hosil bera boshlaydi.

Daraxtning bo‘yi baland, kichik yoshida piramidasimon, katta yoshida tarqoq. Daraxti ekilgandan so‘ng to‘rtinchi yili hosilga kiradi. Mevasi yirik, o‘rtacha vazni – 43 g. Eti to‘q sariq, o‘rtacha sershira, mazasi nordon-shirin, danagi etidan yaxshi ajraladi.

Nav kechpishar bo‘lib, sentyabrning ikkinchi o‘n kunligida yetiladi. Bir daraxtdan olingan o‘rtacha hosil – 95 kg ni tashkil etadi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot institutining Samarqand ilmiy-tajriba stansiyasi.

Muallif: V.P. Chernovalova.

1973yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtining bo‘yi o‘rtacha 4,8 m bo‘lib, shox-shabbasi o‘rtacha, piramidasimon shaklda, bargi o‘rtacha tuxumsimon, rangi to‘q yashil, silliq. Olxo‘ri ko‘chati ekilgandan so‘ng hosilga beshinchi yili kiradi.

Mevasi yirik, noksimon, silliq, rangi tillasimon sarg‘ish, mevasining o‘rtacha vazni 145-185 g. Eti oq sarg‘ish, sersuv, mevasi shirin, xushbo‘y.

Tarkibida quruq modda – 18,8%, qand miqdori – 10,2% va Vitamin C (askorbin kislotasi) – 2,7% dan iborat.

Kech yozda pishadi, mevasi avgust oyida yetiladi.

Hosildorligi – 169 s/ga ni tashkil etadi.

Qayerda yaratilgan: O‘zbekiston O‘simlikshunoslik ilmiy-tadqiqot instituti.

Mualliflar: K.I. Baymetov, Sh.N. Rajametov.

2003yil Davlat reyestriga kiritilgan.

Mamlakatimiz hududida Toshkent viloyatida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: