Sayt test rejimida ishlamoqda!
Ishonch telefoni: 1243
Devonxona: 71 206-70-30

Chilonjiyda

AGRO.UZ > Chilonjiyda
AGRO.UZ > Chilonjiyda

Chilonjiyda – jumrutdoshlar oilasi, zizifus turkumiga mansub daraxt yoki buta, ekiladigan meva daraxti. Osiyo, Afrika, Shimoliy Amerika, Astraliyaning tropik va subtropik mintaqalarida o‘sadigan 50 dan ortiq turi maʼlum. Madaniylashgan Xitoy chilonjiydasi Yaponiya, Xitoy, Pokiston, Afg‘oniston, O‘zbekiston, Tojikiston, Turkmanistonda ekiladi. 100 yildan ortiq yashaydi.

Qurg‘oqchilik va issiqqa, sovuqqa chidamli, bahorgi qorasovuqlardan zararlanmaydi. 18-20 yoshida bir tup daraxti 40-45 kg meva beradi.

Ayni paytda mamlakatimizning deyarli barcha hududlarida chilonjiydaning 2 ta navi yetishtiriladi.

Chilonjiyda navlari

Daraxtining bo‘yi baland, mevasi sentyabrning ikkinchi o‘n kunligida pishadi.

Mevasi yirik, shakli uzunchoq, noksimon yoki keng tuxumsimon, o‘rtacha vazni – 10 g. Eti sariq, yashil tusli, pishganda zichroq.

Hosildorligi – 88,6 s/ga, eng yuqori hosildorligi – 136,5 s/ga ni tashkil etadi.

Qayerda yaratilgan: Xitoy.

1967-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtining bo‘yi baland, ko‘chati ekilgandan so‘ng ikkinchi yili hosilga kiradi.

Mevasi sentyabrning birinchi o‘n kunligida pishadi. Eti yashilsimon oq, g‘ovakroq, mazasi shirin, o‘rtacha vazni – 6,0 g.

Hosildorligi – 131,7 s/ga, eng yuqori hosildorligi – 211,5 s/ga ni tashkil etadi.

Qayerda yaratilgan: Xitoy.

1973-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: