Sayt test rejimida ishlamoqda!
Ishonch telefoni: 1243
Devonxona: 71 206-70-30

Oltinsimon qorag'at

AGRO.UZ > Oltinsimon qorag’at
AGRO.UZ > Oltinsimon qorag’at

Qorag‘at – ko‘p yillik butasimon o‘simlik. Qishloq xo‘jaligida oltinsimon, qizil va qora qorag‘atlar yetishtiriladi. Qorag‘at tanasi tik o‘sganda asta rivojlanib, diametri 4,5-5 santimetrga kattalashadi va kichikroq daraxtcha ko‘rinishiga ega bo‘ladi. Qorag‘at tuproq namligi va mexanik tarkibiga muvofiq vegetatsiya davrida 6 marotabadan 12 marotabagacha sug‘oriladi. Namlik saqlash xususiyati yaxshi bo‘lgan tuproqlarda sug‘orish miqdori 500–800 m3/ga.

Mavjud tabiiy-iqtisodiy omillar bilan sug‘orishni birga qo‘shib borganda qorag‘atdan yuqori hosil olish imkoniyati mavjud.

Ayni paytda mamlakatimizning deyarli barcha hududlarida oltinsimon qorag‘atning 9 navi yetishtiriladi.

Oltinsimon qorag‘at navlari

Tupining bo‘yi baland, tarqoq. Mevasi iyunning uchinchi o‘n kunligida pishadi. Terib olish davri 25-30 kun. Mevasining shakli dumaloq, to‘q binafsha rangli.

Shingili zich, 7-8 ta mevadan iborat, qorag‘at shingilining uzunligi – 5 sm. Eti yashil, zich va quvroq. Mevasining o‘rtacha vazni 1,7 g bo‘lib, ekilgandan so‘ng ikkinchi yili hosilga kiradi.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot instituti.

Mualliflar: S.I. Yagudina, V.V. Kuznetsov.

1959-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Butasi baland, tarqoq, ko‘chati ekilgandan so‘ng ikkinchi yili hosilga kiradi.

Mevasi dumaloq, eti sariq, sershira, mazasi nordon-shirin, boshqa joylarga tashish uchun yaroqli. Tuplari yakka o‘tkazilganda ham hosil beradi.

Asalarilar yordamida va yaqiniga “Uzbekistanskaya sladkaya” va “Plotnomyasaya” navlari o‘tkazilganda meva tugishi ko‘payadi. Tupi bir joyda o‘n yildan uzoqroq vaqt o‘sishi mumkin. Qurg‘oqchilik, kasallik va zararkunandalarga chidamli. Mevasining o‘rtacha vazni – 2,1 dan 2,4 g gacha. Mevasi iyunning birinchi o‘n kunligida pishadi.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot instituti.

Muallif: S.I. Yagudina.

1959-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Tupi kuchli o‘suvchi, kuchsiz yoyiq. Mevasi qora dumaloq oval shaklida, o‘rtacha massasi – 2,1 g, yirigi – 6 g, bir paytda pishadi (15-25/VI).

Hosildorligi – 120 s/ga. Issiq va qurg‘oqchilikka chidamli, kasallik va zararkunandalar bilan zararlanmaydi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

Mualliflar: R.M. Abdullayev, S.I. Yagudina.

2012-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

O‘suv davri – 215-220 kun, o‘simlik bo‘yi – 2,5-3 m, ertapishar nav.

Tupi kuchli, yarim yoyiq bo‘lib o‘sadi.

Bandi o‘rtacha uzunlikda, yashil. Mevalari qora, dumaloq. Shingilida to‘rt-oltita meva joylashadi. Dastlabki mevalari juda yirik – 6 g gacha.

Nav ertapishar – iyun oyi boshida yetiladi. Taʼmi shirin. Ekilgandan so‘ng ikkinchi yili hosilga kiradi. Har bir tupidan o‘rtacha 5-6 kg dan hosil olinadi. Bir dona meva vazni – 2,1 g.

Hosildorligi – 120-130 s/ga.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

Mualliflar: R.M. Abdullayev, S.I. Yagudina.

2009-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

O‘suv davri – 210-230 kun, o‘simlik bo‘yi – 2,5-3 m. Navning tupi o‘rtacha ixcham.

Mevasi yumaloq-cho‘ziqroq, qora rangda. Shingilida to‘rt-oltita meva bo‘ladi. Dastlabki mevalari yirik – 4-5 g gacha, mevasining o‘rtacha og‘irligi – 1,6 g. Mevasining eti sariq, sersuv. Po‘sti yupqa. Nav o‘z-o‘zidan changlanadi. Taʼmi nordon-shirin. Ekilgandan so‘ng ikkinchi yili hosil bera boshlaydi.

Hosildorligi yuqori, har bir tupdan 7,4 kg gacha meva beradi. Hosildorligi – 120-140 s/ga.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot instituti.

Mualliflar: R.M. Abdullayev, S.I. Yagudina.

2014-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

O‘suv davri – 215-240 kun, o‘simlik bo‘yi – 2-2,5 m. Tupi o‘rtacha kuchli, g‘uj, to‘g‘ri o‘sadi.

Meva bandi qisqa bo‘lib, bir bandda 6-10 tagacha meva bo‘ladi. Mevasining o‘rtacha og‘irligi 0,6 g, eng yirigi 2 g. Nav o‘zini o‘zi changlaydi.

Mevasi ertaki bo‘lib, mayning uchinchi o‘n kunligidan pisha boshlaydi. Pishish davri 16-20 kun. Bir marta terib olinadi. Mevasi shirin-limon hidli.

Bir tupdagi hosil vazni – 6-7 kg. Hosildorligi 100-120 s/ga.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot instituti.

Mualliflar: R.M. Abdullayev, S.I. Yagudina

2016-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

O‘suv davri – 215-240 kun, o‘simlik bo‘yi – 2-2,5 m. Tupi o‘rtacha kuchli, g‘uj, to‘g‘ri o‘sadi. Gullari o‘rtacha, limon-sariq rangda.

Meva bandi qisqa bo‘lib, bir bandda 6-10 tagacha meva tugadi. Mevasining o‘rtacha og‘irligi 0,6 g, eng yirigi 2 g. Nav o‘zini o‘zi changlaydi. Mevasi ertaki bo‘lib, mayning uchinchi o‘n kunligidan pisha boshlaydi. Pishish davri 16-20 kun. Bir marta terib olinadi. Mevasi shirin-limon hidli.

Bir tupdagi hosil vazni – 6-7 kg. Hosildorligi 100-120 s/ga.

Qayerda yaratilgan: Akademik M.Mirzayev nomli bog‘dorchilik, uzumchilik va vinochilik ilmiy-tadqiqot instituti.

Mualliflar: R.M. Abdullayev, X.M. Abdullayeva.

2020-yil Davlat reyestriga kiritilgan.

Mamlakatimiz hududida Andijon, Jizzax, Namangan, Samarqand, Sirdaryo, Toshkent va Farg‘ona viloyatlarida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: