Normativ-huquqiy hujjatlar

O‘zbekiston Respublikasi Prezidentining Qarori

Dorivor o‘simliklarni madaniy holda yetishtirish va qayta ishlash hamda davolashda ulardan keng foydalanishni tashkil etish chora-tadbirlari to‘g‘risida

Dorivor o‘simliklarni madaniy holda yetishtirish hamda qayta ishlashni tashkil etish, dorivor

o‘simliklarning madaniy plantatsiyalarini barpo etishni qo‘llab-quvvatlash, shuningdek, kasalliklarning oldini olish va davolashda dorivor o‘simliklarni keng qo‘llash maqsadida:

1. Quyidagilar:

2022 — 2026-yillarda Qoraqalpog‘iston Respublikasi va viloyatlarda dorivor o‘simliklar plantatsiyalarini barpo etish uchun yer maydonlarini ajratishning yig‘ma maqsadli ko‘rsatkichlari 1-ilovaga muvofiq;

2022 — 2026-yillarda Qoraqalpog‘iston Respublikasi va viloyatlar qishloq xo‘jaligiga mo‘ljallangan yerlarida dorivor o‘simliklar plantatsiyalarini barpo etishning maqsadli ko‘rsatkichlari 1.1-ilovaga muvofiq;

2022 — 2026-yillarda Qoraqalpog‘iston Respublikasi va viloyatlar o‘rmon fondi yerlarida dorivor o‘simliklar plantatsiyalarini barpo etishning maqsadli ko‘rsatkichlari 1.2-ilovaga muvofiq;

2022 — 2026-yillarda Qoraqalpog‘iston Respublikasi va viloyatlar yaylov yer maydonlarida kavrak madaniy plantatsiyalarini barpo etishning maqsadli ko‘rsatkichlari 1.3-ilovaga muvofiq;

“Bir tuman — bir mahsulot” tamoyili asosida dorivor o‘simliklarni yetishtirishga ixtisoslashtiriladigan tumanlar ro‘yxati 2-ilovaga muvofiq;

Dorivor o‘simliklarni madaniy holda yetishtirish va qayta ishlashni kengaytirish hamda aholi o‘rtasida undan foydalanishni targ‘ib qilish bo‘yicha “yo‘l xaritasi” 3-ilovaga muvofiq tasdiqlansin.

Bosh vazir o‘rinbosari Sh.M. G‘aniyev, Qoraqalpog‘iston Respublikasi Vazirlar Kengashi va viloyatlar hokimliklari dorivor o‘simliklar madaniy plantatsiyalarini barpo etish uchun mos bo‘lgan yer uchastkalarini ochiq elektron tanlovga oyma-oy grafik asosida qo‘yib borishni ta’minlasin.

O‘rmon xo‘jaligi davlat qo‘mitasi (N.J. Bakirov) dorivor o‘simliklar madaniy plantatsiyalarini barpo etish uchun mos bo‘lgan, o‘rmon fondining o‘rmon bilan qoplanmagan yer uchastkalarini elektron onlayn-auksionga 2022-yil 1-avgustdan boshlab oyma-oy grafik asosida qo‘yib borishni ta’minlasin.

Jizzax viloyati hokimligi (E.A. Saliyev) 2022 — 2026-yillarda za’faron o‘simligi madaniy plantatsiyalarini barpo etish uchun mos bo‘lgan 2 000 gektar yer uchastkasini qonunchilikda belgilangan tartibda berilishini ta’minlasin hamda 2022-yilda za’faron plantatsiyalarini kamida 2 baravarga ko‘paytirish choralarini ko‘rsin.

2. Innovatsion rivojlanish vazirligi (I.Y. Abduraxmonov) ikki oy muddatda Qishloq xo‘jaligi vazirligi bilan birgalikda sertifikatlangan dorivor o‘simliklarning urug‘chiligi va ko‘chatchiligini yo‘lga qo‘yish bo‘yicha fundamental va amaliy tadqiqotlar hamda innovatsion ilmiy-texnik loyihalar bo‘yicha grant tanlovlarini e’lon qilishni ta’minlasin.
3. Shunday tartib o‘rnatilsinki, unga ko‘ra:

davlat tibbiyot muassasalarida, jumladan har bir poliklinikada, dorivor o‘simliklar vositasida davolashga mo‘ljallangan xalq tabobati xonalari va fitobarlar tashkil qilinadi;

Toshkent tibbiyot akademiyasining klinikasi qoshida Respublika xalq tabobati ilmiy-amaliy markazining 40 o‘rinli davolash bo‘limi va hududlarda filiallari faoliyati yo‘lga qo‘yiladi;

2022-yil 1-sentabrdan boshlab xalq tabobatini keng targ‘ib qilish maqsadida “Ibn Sino ilmining bilimdonlari” tanlovi o‘tkaziladi.

4. Sog‘liqni saqlash vazirligi (B.A. Musayev):

2022-yil 1-iyundan boshlab samarasi isbotlangan dorivor o‘simliklarni bosqichma-bosqich tibbiy yordam ko‘rsatish standartlari va protokollariga kiritish. Bunda, Sog‘liqni saqlash vazirligi tomonidan yangi yaratilgan hamda ishlab chiqarishga joriy etilgan dori vositalarining tibbiyot amaliyotida keng qo‘llanilishini ta’minlash maqsadida klinik protokollar, diagnostika hamda kasalliklarni davolash standartlari har olti oyda qayta ko‘rib chiqiladi;

uch oy muddatda barcha davlat tibbiyot ta’lim muassasalarida dorivor o‘simliklar va xalq tabobati bo‘yicha ta’lim berishga yo‘naltirilgan kafedralarni tashkil etish bo‘yicha taklif kiritish;

shifokorlarni dorivor o‘simliklar va xalq tabobati usullari asosida davolash bo‘yicha qayta tayyorlash va ixtisoslashtirishni hamda terapevt, umumiy amaliyot va oilaviy shifokorlarni tayyorlashda chuqurlashtirilgan o‘qitishni tashkil etish;

davlat tibbiyot muassasalarida, jumladan har bir poliklinikada dorivor o‘simliklar vositasida davolashga mo‘ljallangan xalq tabobati xonalari va fitobarlarni tashkil qilish;

Toshkent tibbiyot akademiyasining klinikasi qoshida Respublika xalq tabobati ilmiy-amaliy markazining 40 o‘rinli davolash bo‘limi va hududlarda filiallari faoliyatini yo‘lga qo‘yish;

2022-yil 1-sentabrdan boshlab xalq tabobatini keng targ‘ib qilish maqsadida “Ibn Sino ilmining bilimdonlari” tanlovini o‘tkazish;

tibbiyot amaliyotida samarasi isbotlangan va asosiy dori vositalari ro‘yxatiga kiritilgan dorivor o‘simliklar va ulardan tayyorlangan dori vositalarining davlat tibbiyot tashkilotlari tomonidan xarid qilinishi choralarini ko‘rsin.

5. Savdo-sanoat palatasi (D.A. Vaxabov) Farmatsevtika tarmog‘ini rivojlantirish agentligi (S.X. Kariyev), Qishloq xo‘jaligi vazirligi (J.A. Xodjayev), O‘rmon xo‘jaligi davlat qo‘mitasi (N.J. Bakirov), Investitsiyalar va tashqi savdo vazirligi (L.Sh. Qudratov), Qoraqalpog‘iston Respublikasi Vazirlar Kengashi va viloyat hokimliklari bilan birgalikda aholining tibbiy madaniyatini oshirish, dorivor o‘simliklarning afzalliklarini aholi va shifokorlar orasida keng targ‘ib qilish, dorivor o‘simliklarni yetishtirish va chuqur qayta ishlashda ilm-fan va ishlab chiqarish korxonalarining kooperatsiya aloqalarini yo‘lga qo‘yish va mustahkamlash uchun har yili “Ibn Sino merosi” xalqaro ko‘rgazmasini tashkil etish choralarini ko‘rsin.
6. Vazirlar Mahkamasining Agrar va oziq-ovqat sohalarini rivojlantirish masalalari kotibiyatiga dorivor o‘simliklarni yetishtirishni kengaytirish, dorivor o‘simliklar yetishtiruvchilarni qo‘llab-quvvatlash vazifalari yuklatilsin.

Bunda, mazkur kotibiyatga O‘rmon xo‘jaligi davlat qo‘mitasi tizimidagi 1 ta shtat birligini qisqartirish hisobidan 1 ta shtat birligi ajratiladi.

7. Farmatsevtika tarmog‘ini rivojlantirish agentligiga quyidagi qo‘shimcha vazifalar yuklatilsin:

dorivor o‘simliklar bozori konyunkturasini o‘rganishni tashkillashtirish, aholi va sog‘liqni saqlash muassasalarining dorivor o‘simliklar mahsulotlari bilan ta’minlanganlik holatini tizimli tahlil qilish va ishlab chiqarishni mahalliylashtirish bo‘yicha takliflarni ishlab chiqish;

dorivor o‘simliklar va ulardan ishlab chiqarilgan mahsulotlarning tibbiy ahamiyati hamda ularni qo‘llashga oid maxsus ko‘rsatuvlar va roliklarni muntazam namoyish etilishini tashkil qilish;

dorivor o‘simliklarga oid ilmiy ishlanmalarni tijoratlashtirishda ko‘maklashish, dorivor o‘simlikshunoslik tarmog‘iga ilg‘or xorijiy amaliyot va xalqaro standartlarni tatbiq etish bo‘yicha ishlarni muvofiqlashtirish;

dorivor o‘simliklar mahsulotlari ishlab chiqaruvchi korxonalar talabini tahlil qilgan holda har yili Qishloq xo‘jaligi vazirligiga dorivor o‘simliklar yetishtirish hajmlari to‘g‘risida taklif kiritish.

Mazkur bandga muvofiq Farmatsevtika tarmog‘ini rivojlantirish agentligiga yuklatilayotgan vazifalarning ijrosini ta’minlash maqsadida Sog‘liqni saqlash vazirligi tizimidagi mavjud shtat birliklari doirasida Agentlikda direktor o‘rinbosari lavozimi joriy etilsin hamda dorivor o‘simliklarni yetishtirish, qayta ishlashni tashkil etish va ilmiy-ishlanmalarni tijoratlashtirish bo‘yicha qo‘shimcha 5 ta shtat birligidan iborat boshqarma tashkil etilsin.

Farmatsevtika tarmog‘ini rivojlantirish agentligi (S.X. Kariyev), Investitsiyalar va tashqi savdo vazirligi (A.B. Voitov) va Moliya vazirligi (T.A. Ishmetov) bilan birgalikda dorivor o‘simliklar sohasini rivojlantirish bo‘yicha tajribali xorijiy mutaxassis va konsultantlarni jalb qilish choralarini ko‘rsin.

8. Monopoliyaga qarshi kurashish qo‘mitasi, Iste’molchilar huquqlarini himoya qilish agentligi:

Axborot texnologiyalari va kommunikatsiyalarini rivojlantirish vazirligi bilan birgalikda biologik faol qo‘shimchalarning reklama to‘g‘risidagi qonunchilik talablariga qat’iy rioya etilgan holda reklama qilinishini tashkil etish choralarini ko‘rsin;

Sog‘liqni saqlash vazirligi bilan birgalikda ikki oy muddatda biologik faol qo‘shimchalar, biologik faol qo‘shimcha sifatida ro‘yxatga olinmagan damlama, o‘tlar, parfyumeriya-kosmetika vositalari reklamasiga oid qonunchilik talablari buzilganda javobgarlik choralarini kuchaytirish yuzasidan Vazirlar Mahkamasiga taklif kiritsin.

9. Investitsiyalar va tashqi savdo vazirligi Qishloq xo‘jaligi vazirligi bilan birgalikda dorivor o‘simliklar sifatini tahlil va nazorat qilish bo‘yicha xalqaro standartlarga javob beruvchi zamonaviy laboratoriya barpo etish maqsadida xalqaro moliya institutlari va xorijiy hukumat moliya tashkilotlaridan grant mablag‘lari jalb etish choralarini ko‘rsin.
10. Farmatsevtika tarmog‘ini rivojlantirish agentligi Qishloq xo‘jaligi vazirligi, O‘rmon xo‘jaligi davlat qo‘mitasi va Fanlar akademiyasi bilan birgalikda uch oy muddatda ilmiy tibbiyotda va farmatsevtika sanoatida foydalaniladigan dorivor o‘simliklar hamda dorivor o‘simliklar yetishtiriladigan hududlar ro‘yxatini o‘z ichiga oluvchi elektron ma’lumotlar bazasini yaratsin.
11. Ushbu qarorda belgilangan chora-tadbirlarning samarali va o‘z vaqtida amalga oshirilishini ta’minlash maqsadida:
12. a) Bosh vazir o‘rinbosari Sh.M. G‘aniyev Farmatsevtika tarmog‘ini rivojlantirish agentligi direktori S.X. Kariyev, Qoraqalpog‘iston Respublikasi Vazirlar Kengashi Raisi, viloyatlar hokimlari bilan birgalikda:

mazkur qarorga 1-ilovaga muvofiq yer maydonlarida dorivor o‘simliklar plantatsiyalarini barpo etish;

2022-yil yakuniga qadar mazkur qarorga 2-ilovaga muvofiq tumanlarni dorivor o‘simliklar yetishtirishga ixtisoslashtirish;

dorivor o‘simliklarni yetishtirish va qayta ishlash bo‘yicha davlat-xususiy sheriklik va investitsiya loyihalari amalga oshirilishini tashkil etish choralarini ko‘rsin;

1. b) Ekologiya va atrof-muhitni muhofaza qilish davlat qo‘mitasi Ipakchilik va jun sanoatini rivojlantirish qo‘mitasining buyurtmalariga asosan yovvoyi holda o‘suvchi kavrak o‘simligi xomashyosini yig‘ish va tayyorlashga kvotalarni ajratish choralarini ko‘rsin;
2. v) Sog‘liqni saqlash vazirligi (B.A. Musayev):

bir oy muddatda yangi yaratilgan hamda ishlab chiqarishga joriy etilgan dori vositalari tibbiyot amaliyotida keng qo‘llanilishini ta’minlash maqsadida klinik protokollar, diagnostika hamda kasalliklarni davolash standartlariga kiritish maqsadida ularni har olti oyda qayta ko‘rib chiqish tizimini joriy etsin;

dorivor o‘simliklardan olinadigan fitopreparatlar iste’mol bozorini yaratish, xususan ularning dorixonalar tizimida sotuvini yo‘lga qo‘yish, fitopreparatlar yaratish texnologiyasida xalq tabobati usullarini keng qo‘llash, sog‘liqni saqlash tizimining birlamchi bo‘g‘inida dorivor o‘simliklardan olinadigan fitopreparatlarni qo‘llash bo‘yicha tashkiliy chora-tadbirlar ishlab chiqsin va amaliyotga joriy etsin;

bir oy muddatda dorivor o‘simliklarni aholi va shifokorlar orasida keng targ‘ibot qilish bo‘yicha 2022 — 2026-yillarga mo‘ljallangan chora-tadbirlar dasturini tasdiqlab, ijroga qaratsin;

ikki oy muddatda barcha tibbiyot oliygohlari, Abu Ali ibn Sino nomidagi Jamoat salomatligi texnikumlari va tibbiyot kollejlarida, hududiy Xalq tabobatini rivojlantirish markazlarida soha uchun mutaxassislar tayyorlash, qayta tayyorlash va ularning malakasini oshirish tizimini joriy qilish bo‘yicha taklif kiritsin;

uch oy muddatda dorivor o‘simliklarga oid ilmiy ishlanmalarni tadbirkorlik subyektlari 50 foizini moliyalashtirgan taqdirda, qolgan qismini Davlat budjetidan ilmiy loyihalarga ajratilgan mablag‘lar hisobidan moliyalashtirish bo‘yicha taklif kiritsin.

12. Dorivor o‘simliklarni aholi xonadonlarida yetishtirish maqsadida:

O‘zbekiston fermer, dehqon ho‘jaliklari va tomorqa yer egalari kengashi (A.A. Xaitov) O‘rmon xo‘jaligi davlat qo‘mitasi (N.J. Bakirov), Qoraqalpog‘iston Respublikasi Vazirlar Kengashi, viloyatlar hokimliklari bilan birga ikki hafta muddatda aholi xonadonlarida dorivor o‘simliklar yetishtirishni yo‘lga qo‘yish bo‘yicha chora-tadbirlarni ishlab chiqsin;

Toshkent viloyati hokimi Z.T. Mirzayev Toshkent viloyatida baxmalgul, Namangan viloyati hokimi Sh.Sh. Abdurazakov Namangan viloyatida na’matak, Farg‘ona viloyati hokimi X.H. Bozarov, Andijon viloyati hokimi Sh.K. Abduraxmanov o‘z hududlarida ola o‘t kabi eksportbop dorivor o‘simliklarni kooperatsiya asosida aholi xonadonlarida yetishtirishni yo‘lga qo‘ysin.

13. Axborot va ommaviy kommunikatsiyalar agentligi (A.A. Xodjayev), O‘zbekiston Milliy axborot agentligi (A.K. Ko‘chimov), O‘zbekiston Milliy teleradiokompaniyasi (A.J. Xadjayev) Qishloq xo‘jaligi vazirligi (J.A. Xodjayev), O‘zbekiston fermer, dehqon ho‘jaliklari va tomorqa yer egalari kengashi (A.A. Xaitov) bilan birgalikda ommaviy axborot vositalarida mazkur qarorning mazmun-mohiyatini aholiga tushuntirishga oid materiallar, turkum teleko‘rsatuvlar namoyish etilishini tashkil etsin.
14. Farmatsevtika tarmog‘ini rivojlantirish agentligi, Qishloq xo‘jaligi vazirligi, Ipakchilik va jun sanoatini rivojlantirish qo‘mitasi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
15. Mazkur qarorning ijrosini tashkil qilishga mas’ul va shaxsiy javobgar etib qishloq xo‘jaligi vaziri J.A. Xodjayev, sog‘liqni saqlash vaziri B.A. Musayev, O‘rmon xo‘jaligi davlat qo‘mitasi raisi N.J. Bakirov, Ipakchilik va jun sanoatini rivojlantirish qo‘mitasi raisi B.Q. Sharipov, O‘zbekiston fermer, dehqon ho‘jaliklari va tomorqa yer egalari kengashi raisi A.A. Xaitov belgilansin.

Qaror ijrosini har chorakda muhokama qilib borish, ijro uchun mas’ul idoralar faoliyatini muvofiqlashtirish va nazorat qilish O‘zbekiston Respublikasi Bosh vazirining o‘rinbosari Sh.M. G‘aniyev zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2022-yil 20-may,

PQ-251-son

O‘zbekiston Respublikasi Prezidentining 2022-yil 20-maydagi PQ-251-son qaroriga
1-ILOVA

2022 — 2026-yillarda Qoraqalpog‘iston Respublikasi va viloyatlarda dorivor o‘simliklar plantatsiyalarini barpo etish uchun yer maydonlarini ajratishning

YIG‘MA MAQSADLI KO‘RSATKIChLARI*

O‘zbekiston Respublikasi Prezidentining 2022-yil 20-maydagi PQ-251-son qaroriga
1.1-ILOVA

Respublikasi va viloyatlar qishloq xo‘jaligiga mo‘ljallangan yerlarida dorivor o‘simliklar plantatsiyalarini barpo etishning

MAQSADLI KO‘RSATKIChLARI*

*Dorivor o‘simliklar plantatsiyalarining maydonlari yillar kesimida o‘sib borish tartibida ko‘rsatilgan.

O‘zbekiston Respublikasi Prezidentining 2022-yil 20-maydagi PQ-251-son qaroriga
1.2-ILOVA

2022 — 2026-yillarda Qoraqalpog‘iston Respublikasi va viloyatlar o‘rmon fondi yerlarida dorivor o‘simliklar plantatsiyalarini barpo etishning

MAQSADLI KO‘RSATKIChLARI*

*Dorivor o‘simliklar plantatsiyalarining maydonlari yillar kesimida o‘sib borish tartibida ko‘rsatilgan.

O‘zbekiston Respublikasi Prezidentining 2022-yil 20-maydagi PQ-251-son qaroriga
1.3-ILOVA

2022 — 2026-yillarda Qoraqalpog‘iston Respublikasi va viloyatlar yaylov yer maydonlarida kavrak madaniy plantatsiyalarini barpo etishning

MAQSADLI KO‘RSATKIChLARI*

*Dorivor o‘simliklar plantatsiyalarining maydonlari yillar kesimida o‘sib borish tartibida ko‘rsatilgan.

O‘zbekiston Respublikasi Prezidentining 2022-yil 20-maydagi PQ-251-son qaroriga
2-ILOVA

“Bir tuman — bir mahsulot” tamoyili asosida dorivor o‘simliklarni yetishtirishga ixtisoslashtiriladigan tumanlar

RO‘YXATI

O‘zbekiston Respublikasi Prezidentining 2022-yil 20-maydagi PQ-251-son qaroriga
3-ILOVA

Dorivor o‘simliklarni madaniy holda yetishtirish va qayta ishlashni kengaytirish hamda aholi o‘rtasida undan foydalanishni targ‘ib qilish bo‘yicha

“YO‘L XARITASI”

O‘zbekiston Respublikasi Prezidentining Qarori

Respublikada kavrak plantatsiyalarini tashkil etish va ularning xomashyosini qayta ishlash hajmlarini ko‘paytirish xamda eksport qilish chora-tadbirlari to‘g‘risida

O‘zbekiston Respublikasi florasida tabiiy xolda o‘suvchi dorivor o‘simliklar zaxiralaridan barqaror foydalanish, jumladan, ayrim dorivor o‘simliklarning plantatsiyalarini tashkil etish va ularning xomashyosini qayta ishlash hajmlarini ko‘paytirish va eksport qilish maqsadida:

1. O‘zbekiston Respublikasi O‘rmon xo‘jaligi davlat qo‘mitasi va “O‘zbekozikovkatxolding” xolding kompaniyasining respublika hududida kavrak (Ferula foetida, Ferula tadshikorum) plantatsiyalarini tashkil etish va ularning xomashyosini qayta ishlash hajmlarini ko‘paytirish xamda eksport qilish maqsadida Kavrak yetishtiruvchilar va eksport qiluvchilar uyushmasini (keyingi o‘rinlarda uyushma deb ataladi) tashkil etish to‘g‘risidagi takliflariga rozilik berilsin.
2. Ma’lumot uchun qabul qilinsinki:

O‘rmon xo‘jaligi davlat qo‘mitasining “Shifobaxsh” dorivor o‘simliklarni yetishtirish va qayta ishlash markazi, “O‘zbekoziqovkatxolding” xolding kompaniyasi tarkibidagi “Qarshi eksport-import biznes” MChJ va “Surxondaryo agrofirmasi” MChJ mas’uliyati cheklangan jamiyati shaklidagi korxonalar hamda kavrak yetishtirish va uni eksport qilish bilan shug‘ullanadigan xo‘jalik yurituvchi subyektlar Uyushma muassislari hisoblanadi;

tashkilotlar, fermer xo‘jaliklari va boshqa xo‘jalik yurituvchi subyektlar shartnoma asosida Uyushmaga mustaqil a’zo bo‘lishlari mumkin va uning tarkibidan chiqish huquqiga egadirlar.

Oldingi tahrirga qarang.

3. Quyidagilar Yaylov xo‘jaligini rivojlantirish uyushmasining qo‘shimcha vazifalari etib belgilansin:

(3-bandning birinchi xatboshisi O‘zbekiston Respublikasi Prezidentining 2022-yil 27-apreldagi PF-116-sonli Farmoni tahririda — Qonunchilik ma’lumotlari milliy bazasi, 28.04.2022-y., 06/22/116/0353-son)

respublika hududlarining tabiiy-iqlim sharoitlariga mos kelishini inobatga olgan holda, kavrakni plantatsiyalarda yetishtirishni tashkil etish va tayyor mahsulotni yetkazib berish bo‘yicha takliflar tayyorlash;

respublika hududlarida kavrakni sanoat usulida yetishtirish hajmini ko‘paytirish choralarini ko‘rish, mahsulotni sotish bozorlarini kengaytirish maqsadida marketing tadqiqotlarini olib borish, eksport hajmini oshirish bo‘yicha takliflar ishlab chiqish;

kavrak urug‘ini tayyorlash va plantatsiya tashkil etuvchi tashkilotlarga yetkazib berish;

kavrak plantatsiyasini tashkil etuvchilarga plantatsiya tashkil etish va xomashyo yetishtirish yuzasidan metodik yordam ko‘rsatish va tavsiyalar ishlab chiqish;

ishlab chiqilgan innovatsion texnologiyalarni kavrak yetishtirish jarayoniga joriy qilish uchun ilmiy-tadqiqot ishlarini olib borish;

kavrak yetishtirishga jalb etiladigan mutaxassislarni plantatsiyalarda agrotexnik tadbirlarni to‘g‘ri amalga oshirish bo‘yicha o‘qitish uchun maxsus tayyorlov kurslarini tashkil etish;

uyushma tarkibiga kiruvchi tashkilotlar uchun normativ-huquqiy bazani takomillashtirishga doir takliflar ishlab chiqish, xorijiy investitsiyalar, jumladan, xalqaro moliya institutlarining mablag‘larini jalb qilish yo‘li bilan har tomonlama ko‘maklashish.

4. Quyidagilar:

Kavrak yetishtiruvchilar va eksport qiluvchilar uyushmasining tashkiliy tuzilmasi 1-ilovaga muvofiq;

Kavrak yetishtiruvchilar va eksport qiluvchilar uyushmasining boshqaruv xodimlarining umumiy cheklangan soni 15 nafardan iborat bo‘lgan ijro etuvchi apparati tuzilmasi 2-ilovaga muvofiq ma’qullansin.

Uyushma raisiga, zarurat bo‘lganda, ijro etuvchi apparatining tuzilmasiga o‘zgartirish kiritish huquqi berilsin.

Uyushmaning ijro etuvchi apparatining joriy ta’minoti xamda faoliyatini moliyalashtirish ularning tarkibiga kiruvchi kavrak yetishtiruvchi tashkilotlarining ajratmalari, kavrak plantatsiyalari tashkil etish va uning xomashyosini eksporti bilan shug‘ullanadigan xo‘jalik yurituvchi subyektlarning a’zolik badallari, xalqaro moliya institutlarining grantlari hamda mahalliy va xorijiy investitsiya mablag‘lari, shuningdek, qonun hujjatlarida taqiqlanmagan boshqa mablag‘lar hisobiga amalga oshiriladi.

5. Belgilab qo‘yilsinki, Uyushma raisi va uning o‘rinbosari Uyush.ma a’zolarining umumiy yig‘ilishi qarori bilan saylanadi va O‘zbekiston Respublikasi Vazirlar Mahkamasi tomonidan lavozimga tasdiqlanadi.
6. Uyushma faoliyatini tashkil etish bilan bog‘lik chora-tadbirlarni muvofiqlashtirish va ularni amalga oshirishga ko‘maklashish bo‘yicha 3-ilovaga muvofiq tarkibda ishchi guruh (keyingi o‘rinlarda Ishchi guruh deb ataladi) tuzilsin.

Ishchi guruh (N.J. Bakirov);

bir oy muddatda Uyushma a’zolarining umumiy yig‘ilishi o‘tkazilishini, Uyushma ustavi tasdiqlanishini va o‘rnatilgan tartibda davlat ro‘yxatidan o‘tkazilishini;

Uyushma ijro etuvchi apparati tasdiqlangan tuzilmaga va shtatlar jadvaliga muvofiq puxta tanlash asosida yuqori malakali mutaxassislar bilan to‘ldirilishini;

hududlarda fermer xo‘jaliklari va boshqa xo‘jalik yurituvchi subyektlar tomonidan kavrak plantatsiyalarini tashkil etish va xomashyosini yetishtirishga amaliy yordam berishni ta’minlasin.

7. 2018 — 2021-yillarda kavrak plantatsiyalarini tashkil etish va uning xomashyosidan tayyor eksportbop mahsulotlar ishlab chiqarish parametrlari 4-ilovaga muvofiq tasdiqlansin.
8. Ishchi guruh (N.J. Bakirov) ikki oy muddatda Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda 2019-yildan respublikaning tabiiy iqlim sharoitiga to‘g‘ri keladigan hududlarida kavrak plantatsiyalari tashkil etish va yetishtirish bo‘yicha “Yo‘l xaritasi”ni ishlab chiqsin va O‘zbekiston Respublikasi Vazirlar Mahkamasiga kiritsin.
9. O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligi korxonalarini tarkibiy qayta tuzish agentligi ikki oy muddatda O‘zbekiston Respublikasi Prezidentining 2015-yil 21-sentabrdagi “Xalqaro tiklanish va taraqqiyot banki ishtirokida “O‘zbekiston Respublikasida meva-sabzavotchilik tarmog‘ini rivojlantirish” loyihasini amalga oshirish chora-tadbirlari to‘g‘risida”gi PQ-2410-son qarori bilan ajratilgan qo‘shimcha kredit hisobidan kavrak plantatsiyalari tashkil etish, yetishtirish, qayta ishlash va eksport qilish loyihalarini moliyalashtirish yuzasidan O‘zbekiston Respublikasi Vazirlar Mahkamasiga taklif kiritsin.

Oldingi tahrirga qarang.

10. O‘zbekiston Respublikasi Ipakchilik va jun sanoatini rivojlantirish qo‘mitasi Qishloq xo‘jaligi vazirligi, “O‘zagroeksport” AJ, Yaylov xo‘jaligini rivojlantirish uyushmasi, Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda zamonaviy logistika tizimini keng joriy etgan holda kavrak xomashyosini eksportga chiqarishga ko‘maklashsin.

(10-band O‘zbekiston Respublikasi Prezidentining 2022-yil 27-apreldagi PF-116-sonli Farmoni tahririda — Qonunchilik ma’lumotlari milliy bazasi, 28.04.2022-y., 06/22/116/0353-son)

11. Qoraqalpog‘iston Respublikasi Vazirlar Kengashi, viloyatlar hokimliklari O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi, O‘zbekiston Respublikasi O‘rmon xo‘jaligi davlat qo‘mitasi hamda O‘zbekiston Fanlar akademiyasi bilan birgalikda ikki oy muddatda:

kavrak o‘sadigan va uning tabiiy zaxiralari mavjud bo‘lgan hududlarni xatlovdan o‘tkazib, ma’lumotlar bazasini shakllantirsin;

xatlov natijasida aniqlangan zaxira yer maydonlari doimiy foydalanish uchun uyushma a’zolariga ajratib berilishini ta’minlasin.

Oldingi tahrirga qarang.

12. Uyushma O‘zbekiston Respublikasi Ipakchilik va jun sanoatini rivojlantirish qo‘mitasi “O‘zagrotexsanoatxolding” aksiyadorlik jamiyati bilan birgalikda kavrak plantatsiyalarini tashkil etish va yetishtirish uchun talab etiladigan maxsus texnika va mini texnologiyalar turlari xamda miqdorini aniqlash, talab etiladigan maxsus texnika va mini texnologiyalar sotib olish va ularni lizing asosida yetkazib berilishini ta’minlash choralarini ko‘rsin.

(12-band O‘zbekiston Respublikasi Prezidentining 2022-yil 27-apreldagi PF-116-sonli Farmoni tahririda — Qonunchilik ma’lumotlari milliy bazasi, 28.04.2022-y., 06/22/116/0353-son)

13. O‘zbekiston Respublikasi Sog‘liqni saqlash vazirligi, Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi, Qoraqalpog‘iston Respublikasi Vazirlar Kengashi va viloyat hokimliklari bilan birgalikda kavrak va boshqa dorivor o‘simliklarni qayta ishlashga mo‘ljallangan maxsus farmatsevtika korxonalarini tashkil etish yuzasidan bir oy muddatda O‘zbekiston Respublikasi Vazirlar Mahkamasiga taklif kiritsin.

Oldingi tahrirga qarang.

14. O‘zbekiston Respublikasi Fanlar akademiyasiga, Sog‘likni saqlash vazirligi, Sog‘likni saqlash vazirligi huzuridagi Farmatsevtika tarmog‘ini rivojlantirish agentligi, Ipakchilik va jun sanoatini rivojlantirish qo‘mitasi bilan birgalikda doimiy ravishda kavrak xomashyosi asosida dori vositalarini ishlab chiqarish, tabiiy zaxiralarining holatini monitoring qilish, o‘simlikning biologik va ekologik xususiyatlarini o‘rganish bo‘yicha ilmiy-tadqiqot ishlarini olib borish vazifasi yuklatilsin.

(14-band O‘zbekiston Respublikasi Prezidentining 2022-yil 27-apreldagi PF-116-sonli Farmoni tahririda — Qonunchilik ma’lumotlari milliy bazasi, 28.04.2022-y., 06/22/116/0353-son)

15. O‘zbekiston Respublikasi O‘rmon xo‘jaligi davlat qo‘mitasi O‘rmon xo‘jaligi ilmiy-tadqiqot instituti, “Shifobaxsh” dorivor o‘simliklarni yetishtirish va qayta ishlash markazi, O‘zbekiston Fanlar akademiyasi, Toshkent davlat agrar universiteti bilan birgalikda:

bir oy muddatda hududlarning tuproq-iqlim sharoitidan kelib chiqib, kavrak plantatsiyasini tashkil egish va yetishtirish bo‘yicha tavsiyalar ishlab chiqilishini;

2018-yilning 1-apreliga kadar fermer, dehqon xo‘jaliklari rahbarlari va tomorqa yer egalari ishtirokida kavrak plantatsiyasini tashkil etish va yetishtirish yuzasidan o‘quv seminarlari o‘tkazilishini;

kavrak xomashyosini qayta ishlash orqali tibbiyot va qishloq xo‘jaligi uchun kerakli dori vositalarini yaratish texnologiyalarini ishlab chiqilishini ta’minlasin.

16. Toshkent davlat agrar universiteti “Dorivor o‘simliklarni yetishtirish va qayta ishlash texnologiyalari” o‘quv yo‘nalishida mutaxassislar tayyorlashda kavrak yetishtirish texnologiyasini chuqurlashtirilgan holda o‘qitishga e’tibor qaratsin.
17. Surxondaryo viloyati hokimligi O‘rmon xo‘jaligi davlat qo‘mitasi bilan birgalikda Uyushmani tekin foydalanish huquqi asosida Termiz shahri Istiqlol ko‘chasi, 64-uyda joylashgan O‘rmon xo‘jaligi boshqarmasining ma’muriy binosiga joylashtirilishini ta’minlasin.

Oldingi tahrirga qarang.

18. O‘zbekiston Respublikasi Ipakchilik va jun sanoatini rivojlantirish qo‘mitasi Ekologiya va atrof-muhitni muhofaza qilish davlat qo‘mitasi hamda O‘zbekiston Fanlar akademiyasi bilan birgalikda Yaylov xo‘jaligini rivojlantirish uyushmasining talabnomasiga asosan kavrak plantatsiyasini tashkil etish maqsadida ekish materiallari (urug‘lari)ni yig‘ish (g‘amlash)ga belgilangan tartibda ruxsatnoma berishni ta’minlasin.

(18-band O‘zbekiston Respublikasi Prezidentining 2022-yil 27-apreldagi PF-116-sonli Farmoni tahririda — Qonunchilik ma’lumotlari milliy bazasi, 28.04.2022-y., 06/22/116/0353-son)

Oldingi tahrirga qarang.

19. Mazkur qaror ijrosini samarali tashkil etish va nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari Sh.M. G‘aniyev hamda O‘zbekiston Respublikasi Ipakchilik va jun sanoatini rivojlantirish qo‘mitasi raisi B.Q. Sharipov zimmasiga yuklansin.

(19-band O‘zbekiston Respublikasi Prezidentining 2022-yil 27-apreldagi PF-116-sonli Farmoni tahririda — Qonunchilik ma’lumotlari milliy bazasi, 28.04.2022-y., 06/22/116/0353-son)

O‘zbekiston Respublikasi Prezidenti Sh. MIRZIYOYEV

Toshkent sh.,

2018-yil 20-mart,

PQ-3617-son

O‘zbekiston Respublikasi Prezidentining 2018-yil 20-martdagi PQ-3617 qaroriga
1-ILOVA

Kavrak yetishtiruvchilar va eksport qiluvchilar uyushmasining

TAShKILIY TUZILMASI

O‘zbekiston Respublikasi Prezidentining 2018-yil 20-martdagi PQ-3617 qaroriga
2-ILOVA

Kavrak yetishtiruvchilar va eksport qiluvchilar uyushmasi ijro etuvchi apparati

TUZILMASI

O‘zbekiston Respublikasi Prezidentining Qarori

Yovvoyi holda o‘suvchi dorivor o‘simliklarni muhofaza qilish, madaniy holda yetishtirish, qayta ishlash va mavjud resurslardan oqilona foydalanish chora-tadbirlari to‘g‘risida

Respublikada so‘nggi yillarda dorivor o‘simliklarni muhofaza qilish, tabiiy resurslardan oqilona foydalanish, dorivor o‘simliklar yetishtiriladigan plantatsiyalar tashkil etish va ularni qayta ishlash borasida izchil islohotlar amalga oshirilmoqda.

Mahalliy floraga mansub 4,3 mingdan ortiq o‘simliklarning 750 ta turi dorivor hisoblanib, ulardan 112 ta turi ilmiy tibbiyotda foydalanish uchun ro‘yxatga olingan, shundan 70 ta turi farmatsevtika sanoatida faol qo‘llanib kelinmoqda.

2019-yilda 48 mln AQSh dollari qiymatidagi qayta ishlangan dorivor o‘simliklardan olingan mahsulotlar eksport qilingan.

Shu bilan birga, tahlillar dorivor o‘simliklarni muhofaza qilish, ularning plantatsiyalarini tashkil etish, qayta ishlash orqali qo‘shimcha qiymat zanjirini yaratish zarurligini ko‘rsatmoqda.

Dorivor o‘simliklar yetishtirish va qayta ishlashni yanada rivojlantirish uchun qulay muhit yaratish, sohaning eksport salohiyatini oshirish, shuningdek, ta’lim, ilm-fan va ishlab chiqarish jarayonlarini integratsiyalash maqsadida:

1. O‘zbekiston Respublikasi Qishloq xo‘jaligi vazirligi, Innovatsion rivojlanish vazirligi, O‘rmon xo‘jaligi davlat qo‘mitasi, Sog‘liqni saqlash vazirligi huzuridagi Farmatsevtika tarmog‘ini rivojlantirish agentligining 2020-yil 1-maydan boshlab dorivor o‘simliklarni yetishtirish, saqlash, birlamchi yoki chuqur qayta ishlash klasterlarini (keyingi o‘rinlarda – dorivor o‘simliklar klasteri) tashkil etish, shuningdek, hududlarni dorivor o‘simliklar yetishtirish bo‘yicha ixtisoslashtirish to‘g‘risidagi takliflari ma’qullansin.
2. Asosiy turdagi dorivor o‘simliklarni yetishtirishga ixtisoslashtiriladigan hududlar ro‘yxati ilovaga muvofiq tasdiqlansin.
3. Belgilab qo‘yilsinki:
4. a) dorivor o‘simliklar klasteriga yer maydoni Qoraqalpog‘iston Respublikasi Vazirlar Kengashi, viloyatlar hokimliklari va tashabbuskorlar o‘rtasida tuziladigan bitim asosida ajratiladi;
5. b) xorijiy investorlar ishtirokida tashkil etiladigan dorivor o‘simliklar klasteriga yer maydoni Qishloq xo‘jaligi vazirligi, o‘rmon fondi yerlarida esa O‘rmon xo‘jaligi davlat qo‘mitasi bilan tuziladigan investitsiya kiritish to‘g‘risidagi shartnoma imzolangandan so‘ng Vazirlar Mahkamasi tomonidan ajratiladi.

Bunda dorivor o‘simliklar klasterlariga yer maydoni dorivor o‘simliklar yetishtirishga mos bo‘lgan, yuridik va jismoniy shaxslarga ajratilmagan va qishloq xo‘jaligi uchun mo‘ljallangan yerlardan, zaxiradagi yerlardan, shuningdek, lalmi va o‘rmon fondi yerlaridan ajratiladi;

1. v) dorivor o‘simliklar klasterini tashkil etadigan tashabbuskor tomonidan tegishli ravishda Qoraqalpog‘iston Respublikasi Vazirlar Kengashi, viloyatlar hokimliklari va O‘zbekiston Respublikasi Qishloq xo‘jaligi vazirligi (o‘rmon fondi yerlarida — O‘rmon xo‘jaligi davlat qo‘mitasi)ga quyidagi hujjatlar taqdim etiladi:

dorivor o‘simliklar klasterini tashkil etish bo‘yicha ariza;

dorivor o‘simliklar klasteri faoliyatini tashkil etishda dorivor o‘simliklarni yetishtirish, muhofaza qilish, qayta ishlash va resurs tejaydigan texnologiyalarni joriy etish bo‘yicha investitsiya loyihalarini amalga oshirish yuzasidan biznes-reja yoki texnik-iqtisodiy asos;

dorivor o‘simliklar klasterining faoliyat yuritishi uchun zarur infratuzilma obyektlari (foydalanish huquqi asosida), shuningdek, mol-mulk va boshqa vositalarning mavjudligi haqida ma’lumotnoma.

Qoraqalpog‘iston Respublikasi Vazirlar Kengashi Raisi, viloyatlar hokimlari dorivor o‘simliklar klasterlarini tashkil etishda iqtisodiy jihatdan barqaror faoliyat yuritayotgan, zarur infratuzilma obyektlari, shuningdek, mol-mulk va boshqa vositalarga ega bo‘lgan salohiyatli yuridik shaxslarni tanlash va shakllantirishga shaxsan mas’ul hisoblanadi.

4. Quyidagilar dorivor o‘simliklar klasterining asosiy vazifalari etib belgilansin:

dorivor o‘simlik yetishtiruvchilar bilan yetishtirilgan mahsulotni xarid qilish bo‘yicha shartnomalar tuzish, ularni urug‘lik, mineral o‘g‘itlar, texnika, yoqilg‘i va boshqa vositalar bilan ta’minlash;

ixtisoslashtirilgan hududlarda dorivor o‘simliklarni yetishtirish, urug‘liklar va ko‘chatlar tayyorlash, bosqichma-bosqich zamonaviy dorivor o‘simliklar plantatsiyalari tashkil etish;

dorivor o‘simliklarni yetishtirish va urug‘chiligini tashkil etishda ilg‘or ilm-fan yutuqlarini qo‘llash;

dorivor o‘simliklar yetishtirish va ularni qayta ishlash bo‘yicha xalqaro tashkilotlar bilan o‘zaro faol hamkorlik qilish va sohaga bosqichma-bosqich innovatsion yechimlar (nou-xau) joriy etish;

dorivor o‘simliklar yetishtirish va ularni qayta ishlashga xorijiy kompaniyalarning investitsiyalari hamda ilg‘or texnologiyalarini jalb qilish;

dorivor o‘simliklar va ulardan olinadigan mahsulotlarga bo‘lgan ichki bozor talabini qondirish hamda ularni eksport qilish;

tajriba va ma’lumotlarning doimiy almashinuvini tashkil etish orqali ushbu yo‘nalishdagi xorijiy ilmiy-tadqiqot markazlari bilan hamkorlikni yo‘lga qo‘yish, xalqaro tadqiqot dasturlari, anjumanlar va simpoziumlarda ishtirok etish.

[OKOZ:

1.09.00.00.00 Tadbirkorlik va xo‘jalik faoliyati / 09.14.00.00 Qishloq xo‘jaligi / 09.14.03.00 Qishloq xo‘jaligi tovar ishlab chiqaruvchilari uchun beriladigan imtiyozlar, dotatsiyalar va kompensatsiyalar]

5. Belgilansinki:
6. a) dorivor o‘simliklar plantatsiyalari resurs tejovchi texnologiyalarni qo‘llagan holda, “Har bir oila — tadbirkor” dasturi doirasida ajratiladigan, Bandlikka ko‘maklashish davlat jamg‘armasi, O‘zbekiston fermer, dehqon xo‘jaliklari va tomorqa yer egalarini qo‘llab-quvvatlash jamg‘armasi, xalqaro moliya institutlari mablag‘lari hisobidan barpo etiladi;
7. b) dorivor o‘simliklar klasterlariga:

yer maydonlarini foydalanishga kiritishda O‘zbekiston Respublikasi Prezidentining 2019-yil 17-iyundagi “Qishloq xo‘jaligida yer va suv resurslaridan samarali foydalanish chora-tadbirlari to‘g‘risida”gi PF-5742-son Farmonida;

qayta tiklanuvchi energiya manbalari qurilmalari, energiya samarador gaz-goryelkali qurilmalar va qozonlar, shuningdek, energiya samarador boshqa uskunalarni xarid qilishda O‘zbekiston Respublikasi Prezidentining 2019-yil 22-avgustdagi “Iqtisodiyot tarmoqlari va ijtimoiy sohaning energiya samaradorligini oshirish, energiya tejovchi texnologiyalarni joriy etish va qayta tiklanuvchi energiya manbalarini rivojlantirishning tezkor chora-tadbirlari to‘g‘risida”gi PQ-4422-son qarorida;

qishloq xo‘jaligi texnikalarini xarid qilishda O‘zbekiston Respublikasi Prezidentining 2019-yil 4-apreldagi “Agrar sektorni qishloq xo‘jaligi texnikalari bilan o‘z vaqtida ta’minlashga oid qo‘shimcha chora-tadbirlar to‘g‘risida”gi PQ-4268-son qarorida nazarda tutilgan imtiyozlar tatbiq etiladi.

6. O‘zbekiston Respublikasi Qishloq xo‘jaligi vazirligi, O‘rmon xo‘jaligi davlat qo‘mitasi, Innovatsion rivojlanish vazirligi, Sog‘liqni saqlash vazirligi huzuridagi Farmatsevtika tarmog‘ini rivojlantirish agentligining dorivor o‘simliklar klasterlari, dorivor o‘simliklar yetishtiruvchilar va ularni qayta ishlovchilar tomonidan 2023-yil 1-yanvarga qadar O‘zbekiston Respublikasida ishlab chiqarilmaydigan ishlab chiqarish ehtiyojlari uchun belgilangan tartibda tasdiqlanadigan ro‘yxat bo‘yicha olib kelinadigan xomashyo, shu jumladan madaniy plantatsiyalar barpo etish uchun urug‘ va ko‘chatlarni, uskunalar hamda maxsus texnikalarni, shuningdek, fitobarlar uchun vending avtomatlarini bojxona bojidan ozod qilish to‘g‘risidagi takliflari ma’qullansin.

Bunda, vending avtomatlari faqat fitobarlar tashkil etish uchun, bojxona imtiyozlari berilishi hisobidan bo‘shaydigan mablag‘lar ishlab chiqarishni texnik qayta jihozlash va modernizatsiya qilishga maqsadli yo‘naltiriladi.

7. O‘zbekiston Respublikasi Fanlar akademiyasi Innovatsion rivojlanish vazirligi bilan birgalikda:

bir oy muddatda kamayib borayotgan tabiiy holda o‘suvchi noyob dorivor o‘simliklar ro‘yxatini shakllantirsin va tasdiqlash uchun Vazirlar Mahkamasiga kiritsin;

ilmiy-tadqiqot va oliy ta’lim muassasalari tomonidan amalga oshirilgan dorivor o‘simliklarga doir ilmiy tadqiqotlar, yangi innovatsion ishlanmalar bo‘yicha ma’lumotlar bazasini shakllantirsin, shuningdek, ularning tizimli ravishda yangilab borilishini ta’minlasin;

tibbiyotda qo‘llaniladigan dorivor o‘simliklar kolleksiyasi uchastkasi va genbankini tashkil etsin;

Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi bilan birgalikda ikki oy muddatda o‘simlik xomashyosini chuqur qayta ishlash asosida dori substansiyalari ishlab chiqarishni tashkil etish mexanizmlarini joriy etish bo‘yicha chora-tadbirlar rejasini tasdiqlash uchun Vazirlar Mahkamasiga kiritsin.

8. O‘zbekiston Respublikasi Sog‘liqni saqlash vazirligi:
9. a) Innovatsion rivojlanish vazirligi bilan birgalikda dori vositalari bilan bir qatorda kimyoviy dori vositalarining organizmga salbiy ta’sirining oldini olish xususiyatlariga qarab dorivor o‘simliklarni minimum standart retseptlariga kiritish bo‘yicha tegishli hujjatlarga o‘zgartirishlar kiritsin;

2020-yilning 1-iyundan boshlab tibbiyot muassasalari, shu jumladan oilaviy poliklinikalar va qishloq (ovul) vrachlik punktlarida fitobarlar tashkil etsin;

1. b) Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi qoshidagi Farmatsevtika tarmog‘ini rivojlantirish va qo‘llab-quvvatlash fondi mablag‘lari hisobidan xalq tabobati usullaridan foydalangan holda tibbiy xizmat ko‘rsatuvchi tashkilotlar va mutaxassislar, ularning ish tajribasi, ko‘rsatadigan xizmat turlari haqidagi ma’lumotlarni o‘z ichiga olgan yagona ma’lumotlar bazasini shakllantirsin.
2. O‘zbekiston Respublikasi Sog‘liqni saqlash vazirligi huzuridagi Farmatsevtika tarmog‘ini rivojlantirish agentligi har yili 1-dekabrga qadar farmatsevtika tarmog‘ining dorivor o‘simliklarga bo‘lgan talabi (turi, hajmi, texnologik talablar va boshqalar)ni Qishloq xo‘jaligi vazirligi, Innovatsion rivojlanish vazirligi va O‘rmon xo‘jaligi davlat qo‘mitasiga kiritsin.

[OKOZ:

1.09.00.00.00 Tadbirkorlik va xo‘jalik faoliyati / 09.14.00.00 Qishloq xo‘jaligi / 09.14.02.00 Agrosanoat ishlab chiqarishning davlat boshqaruvi / 09.14.02.01 Boshqaruv va tartibga solishning umumiy masalalari]

10. O‘zbekiston Respublikasi Qishloq xo‘jaligi vazirligining markaziy apparatida Dorivor va ziravor o‘simliklarni rivojlantirish bo‘limi negizida 5 ta shtat birligidan iborat Dorivor va ziravor o‘simliklarni rivojlantirish boshqarmasi tashkil etilsin.

Mazkur boshqarmaning qo‘shimcha shtat birliklari Qishloq xo‘jaligi vazirligining hududiy bo‘linmalari va tizimidagi 3 ta shtat birligini qisqartirish hisobidan shakllantiriladi.

11. O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligi va oziq-ovqat ta’minoti ilmiy-ishlab chiqarish markazi O‘simlikshunoslik ilmiy-tadqiqot institutida mavjud shtat birliklari doirasida dorivor o‘simliklar seleksiyasi, urug‘chiligi va agrotexnikasi bo‘limini tashkil qilsin.

Bunda, mazkur bo‘limga dorivor o‘simliklarni yetishtirish, ularning seleksiyasi va urug‘chiligi bo‘yicha ilmiy tadqiqotlar olib borish hamda agrokimyokartogrammalar ishlab chiqish vazifalari yuklatilsin.

Oldingi tahrirga qarang.

12. O‘zbekiston Respublikasi Qishloq xo‘jaligi vazirligi Sog‘liqni saqlash vazirligi, Investitsiyalar va tashqi savdo vazirligi, O‘rmon xo‘jaligi davlat qo‘mitasi tijorat banklari bilan birgalikda dorivor o‘simliklarni yetishtirish, qayta ishlash, ularning madaniy plantatsiyalarini yaratish, urug‘chiligi va onalik ko‘chatzorlarini tashkil etish uchun xalqaro tashkilotlar va moliya institutlari, xorijiy hukumat tashkilotlarining mablag‘lari va grantlarini jalb qilish choralarini ko‘rsin.

(12-band O‘zbekiston Respublikasi Prezidentining 2021-yil 20-dekabrdagi PF-36-sonli Farmoni tahririda — Qonunchilik ma’lumotlari milliy bazasi, 21.12.2021-y., 06/21/36/1175-son)

13. Belgilansinki:

kamayib borayotgan tabiiy holda o‘suvchi noyob dorivor o‘simliklarni to‘plash (g‘amlash) va tashqariga olib chiqish uchun ruxsatnomalar ajratiladigan kvotaning kamida 50 foizi hajmida tabiiy plantatsiyalarni barpo etish sharti bilan beriladi;

dorivor o‘simliklarni to‘plash (g‘amlash), ularni olib kirish va tashqariga olib chiqishga ruxsatnomalar uchun, arizalarni ko‘rib chiqqanlik va ruxsatnoma berganlik uchun undirilib, mahalliy budjetga yo‘naltiriladigan to‘lovlar (o‘rmon fondi yerlari bundan mustasno) tabiiy holda o‘suvchi, shu jumladan yo‘qolib borayotgan dorivor o‘simliklarni saqlash, xatlovdan o‘tkazish, ularning madaniy plantatsiyalarini yaratish, onalik ko‘chatzorlarini tashkil etish, dorivor o‘simliklarni yetishtirishga doir texnologik xaritalar ishlab chiqish xarajatlarini qoplash uchun sarflanadi;

Qoraqalpog‘iston Respublikasi Vazirlar Kengashi, viloyatlar hokimliklari tabiiy holda o‘suvchi, shu jumladan yo‘qolib borayotgan dorivor o‘simliklarni saqlash, xatlovdan o‘tkazish, ularning madaniy plantatsiyalarini yaratish, onalik ko‘chatzorlarini tashkil etish, dorivor o‘simliklarni yetishtirishga doir texnologik xaritalar ishlab chiqish xarajatlarini qoplash uchun mahalliy budjetga yo‘naltiriladigan mablag‘larni sarflanishiga shaxsan javobgar hisoblanadi.

14. O‘zbekiston Respublikasi Ekologiya va atrof-muhitni muhofaza qilish davlat qo‘mitasi:
15. a) Fanlar akademiyasi bilan birgalikda:

yo‘qolib ketish xavfi ostida bo‘lgan yovvoyi holda o‘suvchi dorivor o‘simliklar muhofazasini kuchaytirish, ularni tabiiy plantatsiyalar barpo etish yo‘li bilan tiklash choralarini ko‘rsin;

ikki oy muddatda kamayib borayotgan noyob dorivor o‘simliklar mavjud bo‘lgan “maxsus hudud”larni ajratish va ularni muhofazaga olish yuzasidan Vazirlar Mahkamasiga takliflar kiritsin;

1. b) Qishloq xo‘jaligi vazirligi, O‘rmon xo‘jaligi davlat qo‘mitasi viloyatlar hokimliklari bilan birgalikda bir oy muddatda yo‘qolib borayotgan dorivor o‘simliklarni saqlash, xatlovdan o‘tkazish, ularning madaniy plantatsiyalarini, onalik ko‘chatzorlarini tashkil etish, dorivor o‘simliklarni yetishtirishga doir texnologik xaritalarni ishlab chiqish xarajatlarini qoplash tartibini ishlab chiqsin hamda Vazirlar Mahkamasiga kiritsin.
2. O‘zbekiston Respublikasi Innovatsion rivojlanish vazirligi bir oy muddatda:
3. a) Qishloq xo‘jaligi vazirligi bilan birgalikda dorivor o‘simliklar plantatsiyalarini barpo etish bo‘yicha fundamental va amaliy tadqiqotlar hamda innovatsion ilmiy-texnik loyihalar bo‘yicha grant tanlovlarini e’lon qilishni ta’minlasin. Bunda, dorivor o‘simliklar madaniy plantatsiyalarini yaratish, onalik ko‘chatzorlarni tashkil etish va innovatsion texnologiyalarni joriy qilishga alohida e’tibor qaratilsin;

dorivor o‘simliklar madaniy plantatsiyalarini barpo etish va qayta ishlash bo‘yicha “startap” loyihalar shakllantirilishini hamda grant tanlovlari asosida amalga oshirilishini ta’minlasin;

1. b) O‘zbekiston Respublikasi Savdo-sanoat palatasi, O‘rmon xo‘jaligi davlat qo‘mitasi, Fanlar akademiyasi bilan birgalikda davlat-xususiy sheriklik shartlari asosida “O‘zbekiston dorivor o‘simliklari” kichik innovatsion korxonasini tashkil etsin. Bunda ushbu korxonaning asosiy vazifasi etib dorivor o‘simliklarning namunaviy klasterini tashkil etish, dorivor o‘simliklarga oid ilmiy-tadqiqot ishlari natijalarini joriy etish va targ‘ib qilish, hududlarda fitobarlar ochish, dorivor o‘simlik yetishtiruvchilarni qo‘llab-quvvatlash, xalqaro moliya institutlari mablag‘larini, xorijiy investitsiyalarni jalb etish hisoblanadi.

Belgilansinki, “O‘zbekiston dorivor o‘simliklari” kichik innovatsion korxonasi faoliyati Innovatsion rivojlanish vazirligi huzuridagi Innovatsion rivojlanish va novatorlik g‘oyalarini qo‘llab-quvvatlash jamg‘armasi mablag‘lari, bank kreditlari, tashabbuskorlar mablag‘lari, homiylik, xizmat ko‘rsatishdan tushadigan, xalqaro moliya institutlari mablag‘lari va qonun hujjatlarida taqiqlanmagan boshqa manbalar hisobidan moliyalashtiriladi.

16. O‘zbekiston Respublikasi Xalq ta’limi vazirligi hamda Oliy va o‘rta maxsus ta’lim vazirligi:

2020/2021 o‘quv yilidan boshlab 2025/2026 o‘quv yiliga qadar o‘rta, o‘rta maxsus va oliy ta’lim tizimida dorivor o‘simliklarga oid maxsus soatlarni o‘quv rejalariga kiritsin;

2020/2021 o‘quv yili boshlangunga qadar Qishloq xo‘jaligi vazirligi, O‘rmon xo‘jaligi davlat qo‘mitasi, Sog‘liqni saqlash vazirligi bilan birgalikda o‘quv dasturlari, darsliklar va qo‘llanmalarga dorivor o‘simliklar haqida ma’lumotlar kiritilishini ta’minlasin;

2020/2021 o‘quv yilidan boshlab maktab va oliy ta’lim muassasalarida fitobarlar tashkil etsin.

17. O‘zbekiston Respublikasi Vazirlar Mahkamasi 2020-yilning 1-iyunidan boshlab bosqichma-bosqich barcha vazirlik va idoralarda, Islom Karimov nomidagi Toshkent xalqaro aeroporti hamda mahalliy aeroportlarda, barcha turdagi avtovokzal, temir yo‘l vokzallarida, bozorlar, sanatoriy-kurort muassasalarida hamda boshqa aholi gavjum joylarda fitobarlar tashkil etish choralarini ko‘rsin.
18. Belgilab qo‘yilsinki, tadbirkorlik subyektlari tomonidan davlat muassasalarida fitobarlar tashkil etilganda, davlat mulki obyektlaridan foydalanganlik uchun ijara to‘lovi belgilangan miqdorlari 50 foizga kamaytirilgan holda hisoblanadi.

Bunda, fitobarlar vending avtomatlari orqali tashkil qilingan hollarda, davlat mulki obyektlaridan foydalanganlik uchun ijara to‘lovlari hisoblanmaydi.

19. O‘zbekiston Respublikasi Savdo-sanoat palatasi, Innovatsion rivojlanish vazirligi, Qishloq xo‘jaligi vazirligining palata markaziy apparatida mavjud shtat birliklari doirasida Dorivor va ziravor o‘simlik yetishtiruvchilarni qo‘llab-quvvatlash bo‘limini tashkil etish to‘g‘risidagi taklifi ma’qullansin;

Bunda mazkur bo‘limning asosiy vazifalari dorivor va ziravor o‘simlik yetishtiruvchilar manfaatlarini qo‘llab-quvvatlash, xorijiy mamlakatlarda ko‘rgazmalar tashkil etish, yetishtiriladigan dorivor va ziravor o‘simliklarning xususiyatlari, ular yetishtiriladigan hududlar to‘g‘risidagi ma’lumotlarni o‘z ichiga oluvchi elektron axborot tizimni yaratish ekanligi ma’lumot uchun qabul qilinsin.

20. O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari (O‘. Barnoyev):

ikki hafta muddatda 2020-yilda dorivor o‘simliklarni yetishtiruvchi, qayta ishlovchi va eksport qiluvchilar tomonidan tashkil etiladigan klasterlarning manzilli ro‘yxati va dorivor o‘simliklar yetishtirishning prognoz ko‘rsatkichlarini tasdiqlasin;

Qoraqalpog‘iston Respublikasi Vazirlar Kengashi va viloyatlar hokimliklarining taklifiga ko‘ra, har yili 1-oktabrga qadar dorivor o‘simliklar klasterlari tashkil etuvchilarning ro‘yxatini shakllantirsin.

21. O‘zbekiston Respublikasi Vazirlar Mahkamasi huzuridagi O‘simliklar karantini davlat inspeksiyasi Sog‘liqni saqlash vazirligi, manfaatdor vazirlik va idoralar bilan birgalikda ikki hafta muddatda dorivor o‘simliklar madaniy plantatsiyalarini va onalik ko‘chatzorlarini barpo etish uchun olib kelinadigan urug‘ va ko‘chatlar uchun karantin ruxsatnomasini berish tartibini soddalashtirish bo‘yicha Vazirlar Mahkamasiga taklif kiritsin.

Oldingi tahrirga qarang.

22. Qishloq xo‘jaligi vazirligi, O‘rmon xo‘jaligi davlat qo‘mitasi, Innovatsion rivojlanish vazirligi hamda Sog‘liqni saqlash vazirligi huzuridagi Farmatsevtika tarmog‘ini rivojlantirish agentligining buyurtmasiga asosan dorivor o‘simliklar sohasida xalqaro moliya institutlari ishtirokida amalga oshirilayotgan loyihalar doirasida dorivor o‘simliklar yetishtiruvchilar, qayta ishlovchilar va mutaxassislarni xorijiy mamlakatlarga yuborsin.

(22-band O‘zbekiston Respublikasi Prezidentining 2021-yil 20-dekabrdagi PF-36-sonli Farmoni tahririda — Qonunchilik ma’lumotlari milliy bazasi, 21.12.2021-y., 06/21/36/1175-son)

Oldingi tahrirga qarang.

23. Qoraqalpog‘iston Respublikasi Vazirlar Kengashi Raisi, viloyatlar va Toshkent shahar hokimlari “O‘zbekiston dorivor o‘simliklari” kichik innovatsion korxonasi tomonidan namunaviy dorivor o‘simliklar klasterlari va joylarda fitobarlar tashkil etilishini ta’minlasin.

(23-band O‘zbekiston Respublikasi Prezidentining 2021-yil 7-oktabrdagi PF-6320-sonli Farmoni tahririda — Qonunchilik ma’lumotlari milliy bazasi, 08.10.2021-y., 06/21/6320/0940-son)

24. O‘zbekiston Respublikasi Qishloq xo‘jaligi vazirligi Innovatsion rivojlanish vazirligi, O‘rmon xo‘jaligi davlat qo‘mitasi, manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
25. O‘zbekiston milliy teleradiokompaniyasiga dorivor o‘simliklarning tibbiy ahamiyati, tibbiyotda qo‘llanilishi, xalq tabobati, dorivor o‘simliklar tabiiy plantatsiyalarini yaratish, onalik ko‘chatzorlarni tashkil etish, innovatsion texnologiyalarni joriy qilishga oid maxsus ko‘rsatuvlar va roliklarni muntazam namoyish etib borish yuklatilsin.
26. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari O‘.I. Barnoyev zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2020-yil 10-aprel,

PQ-4670-son

O‘zbekiston Respublikasi Prezidentining 2020-yil 10-apreldagi PQ-4670-son qaroriga
ILOVA

Asosiy turdagi dorivor o‘simliklarni yetishtirishga ixtisoslashtiriladigan hududlar

RO‘YXATI

(Qonun hujjatlari ma’lumotlari milliy bazasi, 11.04.2020-y., 07/20/4670/0414-son; Qonunchilik ma’lumotlari milliy bazasi, 08.10.2021-y., 06/21/6320/0940-son; 21.12.2021-y., 06/21/36/1175-son)

O‘zbekiston Respublikasi Prezidentining Qarori

Respublikada mavjud yaylovlardan unumli foydalanish, ipak va junni qayta ishlashni qo‘llab-quvvatlash bo‘yicha qo‘shimcha chora-tadbirlar to‘g‘risida

Hududlarning tabiiy-iqlim sharoitlariga mos jun yo‘nalishlaridagi mayda shoxli mollarni ko‘paytirish, ozuqa bazasini rivojlantirish, teri va junni qayta ishlash, ulardan yarim tayyor va tayyor mahsulotlar ishlab chiqarishni qo‘llab-quvvatlash, yaylov maydonlarida tabiiy ravishda o‘suvchi kavrak plantatsiyalari zaxiralaridan barqaror foydalanish, shuningdek, pillachilik tarmog‘i ozuqa bazasini ko‘paytirish, eksportga mo‘ljallangan mahsulotlar ishlab chiqarish hajmini oshirish maqsadida:

1. Belgilansinki:
2. a) 2022-yil 1-yanvardan boshlab 2025-yil 1-yanvarga qadar:

har yili yetishtiriladigan pilla (ho‘l pilla) hosilining bir kilogrammi uchun 5 ming so‘m miqdorida xonadonlarda pilla yetishtiruvchi jismoniy shaxslarga respublika budjeti hisobidan subsidiya ajratiladi;

tutzorlarni sug‘orish uchun foydalanilgan suv hajmiga suv resurslaridan foydalanganlik uchun soliq stavkasi 50 foiz miqdorda qo‘llaniladi;

1. b) oilaviy tadbirkorlikni rivojlantirish davlat dasturlari doirasida ajratilgan mablag‘lar jun yo‘nalishidagi qo‘ylarni, shuningdek, qo‘lda jun yigirish, ipak matolari, gilam va kigiz to‘qish uskunalarini sotib olishga ham yo‘naltiriladi;

Oldingi tahrirga qarang.

(1-bandning “v” kichik bandi O‘zbekiston Respublikasi Prezidentining 2023-yil 16-fevraldagi PF-24-sonli Farmoniga asosan chiqarilgan — Qonunchilik ma’lumotlari milliy bazasi, 18.02.2023-y., 06/23/24/0096-son)

1. g) O‘zbekiston Respublikasi Prezidentining 2019-yil 28-noyabrdagi “Hunarmandchilikni yanada rivojlantirish va hunarmandlarni qo‘llab-quvvatlash bo‘yicha qo‘shimcha chora-tadbirlar to‘g‘risida”gi PQ-4539-son qarori 9-bandida nazarda tutilgan moliyalashtirish tartibi, istisno tariqasida, qo‘lda jun yigiruvchi, gilam va kigiz to‘quvchi hamda qo‘y va echki terilaridan tayyor mahsulotlarni ishlab chiqaruvchi hunarmandlarga nisbatan ham tatbiq etiladi.
2. O‘zbekiston Respublikasi Prezidentining 2021-yil 9-fevraldagi “Qorako‘lchilik tarmog‘ini yanada rivojlantirish bo‘yicha qo‘shimcha chora-tadbirlar to‘g‘risida”gi PQ-4984-son qarori bilan Moliya vazirligi tomonidan qorako‘lchilik sohasini yanada rivojlantirish maqsadida 200 milliard so‘m mablag‘ ajratilganligi ma’lumot uchun qabul qilinsin.

Belgilab qo‘yilsinki:

1. a) mazkur mablag‘larning 50 milliard so‘m qismi 1-bosqich sifatida jun yo‘nalishidagi mayda shoxli mollarni yetishtirishga ixtisoslashtirilgan tumanlardagi tadbirkorlik subyektlari tomonidan loyihalarni amalga oshirish uchun belgilangan tartibda kredit ajratishga yo‘naltiriladi.

Bunda, ixtisoslashtirilgan tumanlarda mazkur mablag‘lar hisobidan:

respublika iqlimiga mos jun yo‘nalishidagi mayda shoxli mollarni import qilish orqali ularning soni oshiriladi;

yaylovlarda ozuqabop ekinlarni yetishtirish hajmi va yem ishlab chiqarish quvvatlari oshiriladi, jun qirqish va yig‘ish shoxobchalari tashkil etiladi;

junni qayta ishlash quvvatlari tashkil etiladi hamda aholi junni qayta ishlash va undan tayyor mahsulot ishlab chiqarish yo‘nalishida hunarmandchilikka o‘rgatiladi;

1. b) 2-bosqichda — 2022-yil 1-aprelga qadar Tiklanish va taraqqiyot jamg‘armasi mablag‘lari hisobidan 50 million AQSh dollari ekvivalenti miqdoridagi mablag‘lar 1-bosqich mablag‘larining ishlatilishi natijalariga ko‘ra tijorat banklari orqali belgilangan tartibda kredit ajratishga yo‘naltiriladi.
2. Quyidagilar:

Hunarmandchilik asosida qo‘lda shoyi matolar, shu jumladan a’lo baxmal to‘qish hajmini oshirish va to‘qilgan matolarni respublikada keng targ‘ib qilish bo‘yicha chora-tadbirlar dasturi 1-ilovaga muvofiq;

2021 — 2025-yillarda pillachilik klasterlari tomonidan tutzorlarda hamda paxta va g‘alla maydonlari atrofida tut ko‘chatlarini ekish prognoz ko‘rsatkichlari 2-ilovaga muvofiq tasdiqlansin.

Bunda, 2-ilovaga muvofiq ekiladigan tut ko‘chatlari “O‘zbekipaksanoat” uyushmasi tarkibidagi pillachilik klasterlarining mablag‘lari hisobidan ekiladi.

4. 2021 — 2025-yillarda:

O‘rmon xo‘jaligi davlat qo‘mitasi har yili 30 million tup;

Qishloq xo‘jaligida bilim va innovatsiyalar milliy markazi huzuridagi Akademik M. Mirzayev nomidagi Bog‘dorchilik, uzumchilik va vinochilik ilmiy-tadqiqot instituti har yili 10 million tup tut ko‘chatlari yetishtirib berishni ta’minlasin.

5. Pillachilik va qorako‘lchilikni rivojlantirish qo‘mitasi, Respublika “Qorako‘lchilik” uyushmasi va uyushma a’zolarining:

Pillachilik va qorako‘lchilikni rivojlantirish qo‘mitasini Ipakchilik va jun sanoatini rivojlantirish qo‘mitasi (keyingi o‘rinlarda — Qo‘mita) deb qayta nomlash;

Respublika “Qorako‘lchilik” uyushmasini “Yaylov xo‘jaligini rivojlantirish” uyushmasi (keyingi o‘rinlarda — Uyushma) deb qayta nomlash to‘g‘risidagi takliflari ma’qullansin.

6. Belgilansinki, Qo‘mitaning doimiy egaligidagi yaylovlar hududida jismoniy va yuridik shaxslar tomonidan dorivor o‘simliklarni, shu jumladan kavrak o‘simligini yig‘ish, ekish va yetishtirish Qo‘mita bilan tuzilgan ijara shartnomalari asosida va unda belgilangan hududlarda amalga oshiriladi.
7. Quyidagilarga qo‘shimcha vazifalar yuklansin:
8. a) Qo‘mitaga:

junni qayta ishlash sanoatida raqobatni rivojlantirish, jun yetishtirish va uni qayta ishlash yo‘nalishidagi tadbirkorlik subyektlarini qo‘llab-quvvatlash;

junni qayta ishlashga hunarmandlarni keng jalb qilish orqali aholi bandligini ta’minlashga va ularning daromadini oshirishga ko‘maklashish;

xorijiy investitsiyalar, jumladan xalqaro moliya institutlarining mablag‘larini jalb qilish yo‘li bilan sohani rivojlantirish;

1. b) Uyushmaga:

jun yo‘nalishidagi mayda shoxli mollarni ko‘paytirish, jun ishlab chiqarish hajmini oshirish va uni chuqur qayta ishlash;

Qo‘mitaning doimiy egaligidagi yaylovlar hosildorligini oshirish, yaylov o‘simliklari urug‘chiligini yo‘lga qo‘yish va kavrak plantatsiyalarini tashkil etishga ko‘maklashish, shuningdek, tabiiy holda o‘suvchi kavrak o‘simliklaridan samarali foydalanishni yo‘lga qo‘yish;

Oldingi tahrirga qarang.

respublika hududlarining tabiiy-iqlim sharoitlariga mos keladigan ozuqabop o‘simliklar hamda kavrakni plantatsiyalarda yetishtirishni tashkil etish va tayyor mahsulotni yetkazib berish bo‘yicha takliflar tayyorlash;

(7-band “b” kichik bandining to‘rtinchi xatboshisi O‘zbekiston Respublikasi Prezidentining 2022-yil 27-apreldagi PF-116–sonli Farmoni tahririda — Qonunchilik ma’lumotlari milliy bazasi, 28.04.2022-y., 06/22/116/0353-son)

respublika hududlarida kavrakni sanoat usulida yetishtirish hajmini ko‘paytirish choralarini ko‘rish, mahsulotni sotish bozorlarini kengaytirish maqsadida marketing tadqiqotlarini olib borish, eksport hajmini oshirish bo‘yicha amaliy yordam ko‘rsatish.

Oldingi tahrirga qarang.

kavrak plantatsiyasini tashkil etuvchilarga plantatsiya tashkil etish va xomashyo yetishtirish yuzasidan metodik yordam ko‘rsatish va tavsiyalar ishlab chiqish;

ishlab chiqilgan innovatsion texnologiyalarni kavrak yetishtirish jarayoniga joriy qilish uchun ilmiy-tadqiqot ishlarini olib borish;

kavrak yetishtirishga jalb etiladigan mutaxassislarni plantatsiyalarda agrotexnik tadbirlarni to‘g‘ri amalga oshirish bo‘yicha o‘qitish uchun maxsus tayyorlov kurslarini tashkil etish.

(7-band O‘zbekiston Respublikasi Prezidentining 2022-yil 27-apreldagi PF-116-sonli Farmoniga asosan oltinchi — sakkizinchi xatboshilar bilan to‘ldirilgan — Qonunchilik ma’lumotlari milliy bazasi, 28.04.2022-y., 06/22/116/0353-son)

8. Shunday tartib o‘rnatilsinki, unga ko‘ra 2022-yil 1-yanvardan boshlab:

qorako‘lchilik xo‘jaliklariga ular tomonidan yetishtirilib, eksportga sotilgan har bir dona qorako‘l va qorako‘lcha terilari uchun;

yetishtiriladigan pilla (ho‘l pilla) hosilining bir kilogrammi uchun Davlat budjeti hisobidan ajratiladigan subsidiya Qo‘mita tomonidan beriladi.

Moliya vazirligi 2022-yildan boshlab budjet parametrlarini shakllantirishda tegishli mablag‘larning Qo‘mitaga ajratib borilishini ta’minlasin.

9. Investitsiyalar va tashqi savdo vazirligi 2022-yil 1-yanvarga qadar Qo‘mita taklifiga asosan qo‘y va uning go‘shti hamda go‘sht va ipak mahsulotlarini eksport qilishda import bojlarini bekor qilish masalasini shunday import bojlari mavjud bo‘lgan xorijiy davlatlar bilan o‘tkaziladigan hukumatlararo komissiya majlislarining kun tartibiga kiritsin.
10. Qo‘mita:

Bandlik va mehnat munosabatlari vazirligi va Moliya vazirligi bilan birgalikda 2022-yil yakuniga qadar Farg‘ona, Namangan va Andijon viloyatlarida, 2025-yilga qadar respublikaning boshqa hududlarida qo‘l mehnati uchun uskunalar xarid qilishga subsidiya ajratish tizimidan keng foydalangan holda, a’lo baxmal ishlab chiqarish hajmini 1 million metrga yetkazish choralarini ko‘rsin. Bunda, Farg‘ona viloyati hokimligi va tadbirkorlik subyektlarining davlat-xususiy sheriklik asosida Farg‘ona viloyatining tumanlarida Ipakchilik-hunarmandchilik markazlarini tashkil etish tajribasi Namangan va Andijon viloyatlarida ham tatbiq etilishi ta’minlansin;

Madaniyat vazirligi, Oliy va o‘rta maxsus ta’lim vazirligi, Xalq ta’limi vazirligi, Turizm va sport vazirligi hamda Transport vazirligi bilan birgalikda xalqaro tadbirlarda ishtirok etuvchi hamda ta’lim muassasalarida, avia va temir yo‘llar tizimida xizmat ko‘rsatuvchi ayollar kiyimida, shuningdek, respublikaning diqqatga sazovor joylarida milliy ipak matolaridan foydalanish bo‘yicha amaliy choralarni ko‘rsin.

11. Bandlik va mehnat munosabatlari vazirligi Qo‘mitaning asoslangan hisob-kitoblariga muvofiq, har yili 1-oktabrga qadar keyingi yil uchun qo‘l mehnati uchun uskunalar xarid qilish bo‘yicha xarajatlarni qoplashga beriladigan subsidiyalar miqdorini shakllantirsin va belgilangan tartibda ajratib borilishini ta’minlasin.
12. Qoraqalpog‘iston Respublikasi Vazirlar Kengashi Raisi va viloyatlar hokimlari:

tumanlarda zamonaviy pillani qayta ishlashga ixtisoslashgan korxona faoliyatini yo‘lga qo‘yish uchun yetarli bo‘lgan ozuqa bazasining yaratilishini;

Mahalla va oilani qo‘llab-quvvatlash vazirligi bilan birgalikda ishsiz aholi ro‘yxatining shakllantirilishini, ular pillachilik klasterlariga biriktirilishini hamda pilla yetishtirib, daromad topish bo‘yicha targ‘ibot ishlarining olib borilishini ta’minlasin.

13. Innovatsion rivojlanish vazirligi manfaatdor vazirlik va idoralar bilan birgalikda 2022-yil 1-iyulga qadar ilmiy-tadqiqot ishlariga davlat buyurtmasi talablariga muvofiq ipak qurti urug‘chiligi, tutchilik va cho‘l-yaylov ozuqabop ekinlar seleksiyasi, yetishtirish agrotexnikasi sohasidagi mavjud muammolarning ilmiy yechimini ta’minlashga qaratilgan tadqiqot loyihalarining tanlov asosida shakllantirilishini va zarur mablag‘lar ajratilishini ta’minlasin.
14. Davlat bojxona qo‘mitasi Qo‘mita bilan birgalikda qo‘lda to‘qilgan gilamlar eksporti hajmini oshirish maqsadida xorijiy davlatlardan respublika hududiga olib kirilayotgan tayyor va yarim tayyor gilamlarni “bojxona hududida qayta ishlash” bojxona rejimida qayta ishlab, eksport qilishda tadbirkorlik subyektlariga barcha zaruriy sharoitlarni yaratsin.
15. Qo‘mita, “O‘zbekipaksanoat” uyushmasi va uning tarkibidagi korxonalarning 2022-yilda yetishtiriladigan pilla (tirik pilla) xarid narxini 10 foizga oshirish to‘g‘risidagi taklifi ma’qullansin.
16. Qo‘mita manfaatdor vazirlik va idoralar bilan birgalikda ikki oy muddatda:

qorako‘lchilik xo‘jaliklariga ularda yetishtirilib eksportga sotilgan har bir dona qorako‘l va qorako‘lcha terilari hamda yetishtiriladigan pilla (tirik pilla) hosili uchun subsidiyalar ajratish tartibini ishlab chiqsin va tasdiqlash uchun Vazirlar Mahkamasiga kiritsin;

qonunchilik hujjatlariga mazkur qarordan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.

17. Mazkur qaror ijrosini samarali tashkil etishga mas’ul va shaxsiy javobgar etib Ipakchilik va jun sanoatini rivojlantirish qo‘mitasi raisi hamda Qoraqalpog‘iston Respublikasi Vazirlar Kengashi Raisi va viloyatlar hokimlari belgilansin.

Qaror ijrosi uchun mas’ul idoralar faoliyatini muvofiqlashtirish va nazorat qilish Bosh vazir o‘rinbosari Sh.M. G‘aniyev zimmasiga yuklansin.

Amalga oshirilayotgan chora-tadbirlar natijadorligi yuzasidan O‘zbekiston Respublikasi Prezidentiga har chorak yakuni bo‘yicha axborot kiritib borilsin.

O‘zbekiston Respublikasi Prezidenti Sh. MIRZIYOYEV

Toshkent sh.,

2021-yil 8-iyul,

PQ-5178-son

O‘zbekiston Respublikasi Prezidentining 2021-yil 8-iyuldagi PQ-5178-son qaroriga

1-ILOVA

Hunarmandchilik asosida qo‘lda shoyi matolar, shu jumladan a’lo baxmal to‘qish hajmini oshirish va to‘qilgan matolarni respublikada keng targ‘ib qilish bo‘yicha

ChORA-TADBIRLAR DASTURI

O‘zbekiston Respublikasi Prezidentining 2021-yil 8-iyuldagi PQ-5178-son qaroriga

2-ILOVA

2021 — 2025-yillarda pillachilik klasterlari tomonidan tutzorlarda hamda paxta va g‘alla maydonlari atrofida tut ko‘chatlarini ekish

PROGNOZ KO‘RSATKIChLARI

(Qonunchilik ma’lumotlari milliy bazasi, 09.07.2021-y., 07/21/5178/0652-son, 28.04.2022-y., 06/22/116/0353-son; 18.02.2023-y., 06/23/24/0096-son)

O‘zbekiston Respublikasi Prezidentining Farmoni

Respublikada kavrak yetishtirishni rivojlantirish va sanoatlashtirishni rag‘batlantirishga doir qo‘shimcha chora-tadbirlar to‘g‘risida

Respublikada yovvoyi holda o‘suvchi kavrak o‘simligi tabiiy zaxiralarini saqlash, ularning qayta tiklanishini ta’minlash, madaniy usulda kavrak plantatsiyalarini yaratish hamda qayta ishlash korxonalari va uy ho‘jaliklari o‘rtasida kooperatsiyani yo‘lga qo‘yish, kavrakdan olinadigan xomashyoni qayta ishlash hamda tayyor va yarim tayyor mahsulot sifatida eksportga chiqarishni rag‘batlantirish, shuningdek, sohaga investitsiyalarni keng jalb qilish maqsadida:

1. Ipakchilik va jun sanoatini rivojlantirish qo‘mitasiga (keyingi o‘rinlarda — Qo‘mita) kavrak yetishtirishni jadal rivojlantirishni ta’minlash bo‘yicha quyidagi qo‘shimcha vazifalar yuklatilsin:

o‘ziga tegishli yaylov yer maydonlarida faoliyat olib borayotgan xo‘jalik yurituvchi subyektlarga yovvoyi holda o‘suvchi kavrak o‘simligini saqlab qolish, muhofaza qilish, samarali tiklanishini va takror ko‘paytirishni tashkil qilishda ko‘maklashish;

respublika hududlarining tabiiy-iqlim sharoitlariga mos bo‘lgan madaniy kavrak plantatsiyalari tashkil etilishini monitoring qilish;

respublika hududlarida kavrakni sanoat usulida qayta ishlash hajmini ko‘paytirish va tayyor mahsulot holida eksport qilish hamda mahsulotni sotish bozorlarini kengaytirish bo‘yicha sharoitlar yaratish.

2. “Yaylov xo‘jaligini rivojlantirish” uyushmasiga (keyingi o‘rinlarda — Uyushma) kavrak yetishtirishni rivojlantirish bo‘yicha quyidagi qo‘shimcha vazifalar yuklatilganligi ma’lumot uchun qabul qilinsin:

kavrak yetishtirish va uni eksport qilish bilan shug‘ullanadigan xo‘jalik yurituvchi subyektlar faoliyatini muvofiqlashtirish, sohadagi qonunchilik bazasini takomillashtirish, kavrak mahsulotlarining raqobatbardoshligini va sifatini oshirish bo‘yicha tizimli va maqsadli chora-tadbirlarni amalga oshirish;

sanoat usulida yetishtirilgan kavrakning sotuv bozorlarini kengaytirish maqsadida marketing tadqiqotlarini olib borish, eksport hajmini oshirish bo‘yicha takliflar ishlab chiqish;

kavrak yetishtirish sohasiga xorijiy mutaxassis va investitsiyalarni jalb qilish uchun shart-sharoitlar yaratish;

kavrak o‘simligini madaniy usullarda ko‘paytirish, uni chuqur qayta ishlash va tayyor mahsulot ishlab chiqarish jarayonlariga ilmiy ishlanmalarni keng joriy qilish;

kavrak o‘simligining texnik xomashyosini yig‘ish, uni qayta ishlash va eksport qilishgacha bo‘lgan jarayonlarda jismoniy shaxslar va qayta ishlovchi korxonalar o‘rtasida kooperatsiyani tashkil qilish orqali kavrak yetishtirish subyektlari faoliyatini muvofiqlashtirish va qonunchilikda belgilangan boshqa vazifalarni amalga oshirish.

3. Qo‘mita, “Kavrak yetishtiruvchilar va eksport qiluvchilar” hamda “Yaylov xo‘jaligini rivojlantirish” uyushmalarining “Kavrak yetishtiruvchilar va eksport qiluvchilar” uyushmasini “Yaylov xo‘jaligini rivojlantirish” uyushmasiga qo‘shib olish to‘g‘risidagi taklifi ma’qullansin.
4. 2022 — 2026-yillarda yaylov yer maydonlarida kavrak plantatsiyalarini barpo etishning prognoz ko‘rsatkichlari 1-ilovaga muvofiq tasdiqlansin.

Bosh vazir o‘rinbosari Sh. G‘aniyev, Qo‘mita (B.Q. Sharipov), Jizzax, Qashqadaryo, Navoiy, Samarqand, Surxondaryo va Farg‘ona viloyatlari hokimliklari tadbirkorlik subyektlarini keng jalb qilgan holda, mazkur prognoz ko‘rsatkichlarining o‘z vaqtida bajarilishini ta’minlasin.

5. Qo‘mita Uyushma bilan birgalikda 2022-yil 1-iyunga qadar Buxoro, Jizzax, Qashqadaryo, Navoiy, Samarqand va Surxondaryo viloyatlarining kavrak o‘sishi uchun qulay iqlim sharoitlariga ega hududlarida kavrakni qayta ishlovchi korxonalar, kavrak yig‘ish va yetishtirish bilan shug‘ullanuvchi uy ho‘jaliklari (jismoniy shaxslar) va kavrak ko‘chatchiligi ho‘jaliklari kooperatsiyasiga asoslangan kavrak yetishtirish klasterlari (keyingi o‘rinlarda — kavrak yetishtirish klasterlari) tashkil etilishini ta’minlasin.
6. Belgilansinki, kavrak yetishtirish klasterlarini tashkil etish quyidagi shartlar asosida amalga oshiriladi:

Qo‘mita, Uyushma va tashabbuskorlar o‘rtasida tomonlarning huquq va majburiyatlarini nazarda tutuvchi shartnoma tuziladi;

tashabbuskorga yaylovlardan samarali foydalanish, ularning holatini yaxshilash, yovvoyi holda o‘suvchi kavrak o‘simligini saqlab qolish, uni madaniy usullarda ko‘paytirish, klaster ishtirokchilari o‘rtasida kooperatsiya usulida kavrak xomashyosini yig‘ish, uni qayta ishlash va tayyor mahsulotga aylantirishga oid majburiyatlar yuklanadi.

Qo‘mita mazkur talablar asosida salohiyatli investorlarni jalb etishga shaxsan mas’ul hisoblanadi.

7. Shunday tartib o‘rnatilsinki, unga ko‘ra 2022-yil 1-maydan boshlab:

Oldingi tahrirga qarang.

1. a) Qo‘mitaning doimiy egaligidagi yer maydonlarida:

yovvoyi holda o‘suvchi kavrak o‘simligining O‘zbekiston Respublikasi Qizil kitobiga kiritilgan hamda kiritilmagan barcha turlarini g‘amlash (yig‘ish) uchun kvotalar Qo‘mitaning buyurtmasiga ko‘ra, to‘lov evaziga O‘zbekiston Respublikasi Fanlar akademiyasining xulosasi asosida Tabiat resurslari vazirligi tomonidan tasdiqlanadi;

mazkur kvotalar doirasida yovvoyi holda o‘suvchi kavrak o‘simligi xomashyosidan maxsus foydalanish uchun hamda yovvoyi holda o‘suvchi kavrak o‘simligining O‘zbekiston Respublikasi Qizil kitobiga kiritilgan hamda kiritilmagan barcha turlarini chetga olib chiqish uchun ruxsatnomalar Qo‘mita tomonidan beriladi. Bunda yovvoyi holda o‘suvchi kavrak o‘simligini g‘amlash (yig‘ish) va chetga olib chiqish uchun ruxsatnomalar ajratiladigan kvotaning kamida 50 foizi hajmida madaniy plantatsiyalarni barpo etish sharti bilan beriladi;

(7-bandning “a” kichik bandi O‘zbekiston Respublikasi Prezidentining 2023-yil 16-fevraldagi PF-24-sonli Farmoni tahririda — Qonunchilik ma’lumotlari milliy bazasi, 18.02.2023-y., 06/23/24/0096-son)

1. b) Qo‘mita kavrak mahsulotlari bozor konyunkturasi va ishlab chiqarish xarajatlarini tahlil qiladi, shuningdek, eksport hajmlari monitoringini yuritadi va ushbu mahsulotlarni ishlab chiqarish va ularning eksport hajmini oshirish uchun mas’ul hisoblanadi.

Qo‘mita Ekologiya va atrof-muhitni muhofaza qilish davlat qo‘mitasi bilan birgalikda mazkur band talablaridan kelib chiqib bir oy muddatda O‘zbekiston Respublikasining “O‘simlik dunyosini muhofaza qilish va undan foydalanish to‘g‘risida”gi Qonuniga o‘zgartirish va qo‘shimchalar kiritish yuzasidan Vazirlar Mahkamasiga takliflar kiritsin.

Bunda, yovvoyi holda o‘suvchi o‘simliklarni asrab-avaylash, ularni qayta tiklash va populatsiyasini kengaytirish hamda noqonuniy yo‘l bilan yig‘ishning oldini olish choralari ham nazarda tutiladi.

Oldingi tahrirga qarang.

Ekologiya va atrof-muhitni muhofaza qilish davlat qo‘mitasi Fanlar akademiyasi bilan birgalikda yovvoyi holda o‘suvchi kavrak o‘simligini g‘amlash (yig‘ish) uchun kvotalar Qo‘mitaning buyurtmasiga ko‘ra 2022-yilda 10-maygacha, kelgusi yildan har yilning 1-apreligacha tasdiqlanishini ta’minlasin.

(7-band “b” kichik bandining to‘rtinchi xatboshisi O‘zbekiston Respublikasi Prezidentining 2023-yil 16-fevraldagi PF-24-sonli Farmoni tahririda — Qonunchilik ma’lumotlari milliy bazasi, 18.02.2023-y., 06/23/24/0096-son)

8. Qo‘mita va Uyushmaning:

Oldingi tahrirga qarang.

1. a) Qo‘mitaning doimiy foydalanishida bo‘lgan yer maydonlaridagi kavrak o‘simligidan foydalanganlik uchun xorijiy fuqarolar va yuridik shaxslardan olinadigan to‘lov miqdorini:

(8-band “a” kichik bandining birinchi xatboshisi O‘zbekiston Respublikasi Prezidentining 2023-yil 16-fevraldagi PF-24-sonli Farmoni tahririda — Qonunchilik ma’lumotlari milliy bazasi, 18.02.2023-y., 06/23/24/0096-son)

“O‘zbekiston Respublikasining Qizil kitobi”ga kiritilmagan kavrak shirasining (yelim) 1 kilogrammi uchun to‘rt baravarga oshirish;

“O‘zbekiston Respublikasining Qizil kitobi”ga kiritilgan kavrak shirasining (yelim) 1 kilogrammi uchun ikki baravarga oshirish;

1. b) amaldagi tartibga ko‘ra, kavrak o‘simligidan foydalanganlik uchun xorijiy fuqarolar va yuridik shaxslardan undirilib, tegishincha taqsimlanadigan summalarni saqlab qolish;
2. v) mazkur bandga muvofiq kavrak o‘simligidan foydalanganlik uchun oshirilayotgan to‘lov undirishdan olingan mablag‘larni Qorako‘lchilikni rivojlantirish jamg‘armasi maxsus hisob raqamiga o‘tkazish, ulardan 50 foizini Qoraqalpog‘iston Respublikasi Mo‘ynoq tumanini rivojlantirish jamg‘armasiga yo‘naltirish hamda 50 foizini Qorako‘lchilikni rivojlantirish jamg‘armasida qoldirish to‘g‘risidagi takliflariga rozilik berilsin.
3. Belgilansinki, Qorako‘lchilikni rivojlantirish jamg‘armasi kavrak o‘simligidan foydalanganlik uchun oshirilayotgan to‘lov undirishdan olingan mablag‘larni:

kavrak yetishtirish klasterlari ishtirokchilariga hududlarda shaxtali va tik quduqlar, shuningdek, suv tortish uchun nasos stansiyalarini yangidan qurish va rekonstruksiya qilishga subsidiyalar berish;

tashkil etiladigan madaniy plantatsiyalar uchun yer maydonlarini tayyorlash, kavrak ko‘chatini xarid qilish va ekish xarajatlarining bir qismini qoplashga subsidiyalar berish;

kavrak yetishtirish bilan shug‘ullanuvchi tadbirkorlik subyektlariga yangi zamonaviy texnologiyalar, innovatsion g‘oyalar va ishlanmalarni joriy etish uchun subsidiyalar berish;

Qo‘mitaning moddiy-texnika bazasini mustahkamlash, ishchi xodimlarni moddiy va ijtimoiy rag‘batlantirishga yo‘naltiradi.

Qo‘mita ikki oy muddatda kavrak yetishtirish bilan shug‘ullanuvchi tadbirkorlik subyektlariga subsidiyalar berish tartibini ishlab chiqib, Vazirlar Mahkamasiga kiritsin.

10. Belgilansinki:
11. a) 2022-yil 1-maydan boshlab uch yil davomida:

kavrak yetishtirishdan olgan daromadlari joriy hisobot (soliq) davri yakunlari bo‘yicha jami daromadning kamida 80 foizini tashkil etadigan tadbirkorlik subyektlaridan olinadigan foyda solig‘i, mol-mulk solig‘i, yer solig‘i va suv resurslaridan foydalanganlik uchun soliq stavkalari 50 foiz miqdorida qo‘llaniladi;

kavrak o‘simligini yetishtiruvchilar va uning xomashyosini qayta ishlovchi korxonalar tomonidan belgilangan tartibda shakllantiriladigan ro‘yxatlar bo‘yicha xorijdan import qilinadigan, O‘zbekiston Respublikasida ishlab chiqarilmaydigan xomashyo, materiallar va furnituralar bojxona bojidan ozod etiladi. Bunda, import qilinadigan tovarlarning O‘zbekiston Respublikasida ishlab chiqarilishi to‘g‘risida ekspertiza xulosasi Iqtisodiy taraqqiyot va kambag‘allikni qisqartirish vazirligi huzuridagi “Loyihalar va import kontraktlarini kompleks ekspertiza qilish markazi” DUK tomonidan beriladi;

Oldingi tahrirga qarang.

1. b) Qo‘mita Uyushma bilan birgalikda qorako‘l va qorako‘lcha teri, jun va kavrak mahsulotlari (TIF TN bo‘yicha 4302197500, 0504000000, 5101 — 5109, 5602, 570110, 5701109, 1301 90 0000 kodlari) eksport hajmlari monitoringini yuritadi va ushbu mahsulotlarning eksport hajmini oshirish choralarini ko‘radi.

(10-bandning “b” kichik bandi O‘zbekiston Respublikasi Prezidentining 2023-yil 16-fevraldagi PF-24-sonli Farmoni tahririda — Qonunchilik ma’lumotlari milliy bazasi, 18.02.2023-y., 06/23/24/0096-son)

11. Ekologiya va atrof-muhitni muhofaza qilish davlat qo‘mitasi, Qo‘mita va Uyushmaning 2022-yil 1-maydan 5 yil muddatga kavrak o‘simligi urug‘larining respublikadan olib chiqilishiga ruxsatnomalar berilishini to‘xtatish to‘g‘risidagi taklifiga rozilik berilsin.
12. Ipakchilik va jun sanoatini rivojlantirish qo‘mitasi bir oy muddatda manfaatdor vazirlik va idoralar bilan birgalikda O‘zbekiston Respublikasining chegarasiga yaqin hududlarda kavrak yetishtirish klasterlari tomonidan kavrak shirasi va urug‘ini yig‘ib olish uchun sharoit yaratish yuzasidan taklif kiritsin.
13. Qo‘mita, Moliya vazirligi hamda Bandlik va mehnat munosabatlari vazirligining:

Uyushma tizimidagi subyektlarda mavsumiy ishchilarning to‘liq bir mavsum ishlagan davrini ularga pensiya tayinlash uchun qonunchilik hujjatlarida tasdiqlangan, bir yillik mehnat stajiga o‘tadigan mavsumiy ishlar ro‘yxatiga kiritish;

2022-yil 1-iyuldan 2025-yil 1-yanvargacha Uyushma tizimidagi subyektlarda faoliyat olib borayotgan mavsumiy ishchilar uchun ijtimoiy soliq stavkasini 1 foiz miqdorda undirish to‘g‘risidagi takliflari ma’qullansin.

Vazirlar Mahkamasi bir oy muddatda O‘zbekiston Respublikasi Soliq kodeksiga mazkur bandning uchinchi xatboshisidan kelib chiqadigan o‘zgartirish va qo‘shimchalar bo‘yicha qonun loyihasini Oliy Majlis Qonunchilik palatasiga kiritsin.

14. Qo‘mita Ekologiya va atrof-muhitni muhofaza qilish davlat qo‘mitasi, Bosh prokuratura, Ichki ishlar vazirligi bilan birgalikda yovvoyi holda o‘suvchi kavrak o‘simligini asrab-avaylash, ularni qayta tiklash va populatsiyasini kengaytirish hamda noqonuniy yo‘l bilan kavrak yig‘ishning oldini olish choralarini ko‘rib borsin.
15. O‘zbekiston Respublikasi Prezidentining ayrim qarorlariga 2-ilovaga muvofiq o‘zgartirish va qo‘shimchalar kiritilsin.
16. O‘zbekiston Respublikasi Prezidentining ayrim hujjatlari 3-ilovaga muvofiq o‘z kuchini yo‘qotgan deb hisoblansin.
17. Qo‘mita ikki oy muddatda manfaatdor vazirlik va idoralar bilan birgalikda qonunchilik hujjatlariga ushbu Farmondan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
18. Mazkur Farmonning ijrosini tashkil qilishga mas’ul va shaxsiy javobgar etib Ipakchilik va jun sanoatini rivojlantirish qo‘mitasining raisi B.Q. Sharipov belgilansin.

Farmon ijrosini har chorakda muhokama qilib borish, ijro uchun mas’ul idoralar faoliyatini muvofiqlashtirish va nazorat qilish O‘zbekiston Respublikasi Bosh vazirining o‘rinbosari Sh.M. G‘aniyev zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2022-yil 27-aprel,

PF-116-son

O‘zbekiston Respublikasi Prezidentining 2022-yil 27-apreldagi PF-116-son Farmoniga
1-ILOVA

2022 — 2026-yillarda yaylov yer maydonlarida kavrak plantatsiyalarini barpo etishning

prognoz ko‘rsatkichlari

Oldingi tahrirga qarang.

Izoh: kavrak plantatsiyalari maydonlari hajmi yillar kesimida o‘sib borish tartibida ko‘rsatilgan.

(1-ilova O‘zbekiston Respublikasi Prezidentining 2023-yil 16-fevraldagi PF-24-sonli Farmoniga asosan izoh bilan to‘ldirilgan — Qonunchilik ma’lumotlari milliy bazasi, 18.02.2023-y., 06/23/24/0096-son)

O‘zbekiston Respublikasi Prezidentining 2022-yil 27-apreldagi PF-116-son Farmoniga
2-ILOVA

O‘zbekiston Respublikasi Prezidentining ayrim qarorlariga kiritilayotgan o‘zgartirish va qo‘shimchalar

1. O‘zbekiston Respublikasi Prezidentining 2018-yil 20-martdagi “Respublikada kavrak plantatsiyalarini tashkil etish va ularning xomashyosini qayta ishlash hajmlarini ko‘paytirish hamda eksport qilish chora-tadbirlari to‘g‘risida”gi PQ-3617-son qarorida:
2. a) 3-bandning birinchi xatboshisidagi “Uyushmaning asosiy vazifalari” so‘zlari “Yaylov xo‘jaligini rivojlantirish uyushmasining qo‘shimcha vazifalari” so‘zlari bilan almashtirilsin;
3. b) 10-band quyidagi tahrirda bayon etilsin:

“10. O‘zbekiston Respublikasi Ipakchilik va jun sanoatini rivojlantirish qo‘mitasi Qishloq xo‘jaligi vazirligi, “O‘zagroeksport” AJ, Yaylov xo‘jaligini rivojlantirish uyushmasi, Qoraqalpog‘iston Respublikasi Vazirlar Kengashi va viloyatlar hokimliklari bilan birgalikda zamonaviy logistika tizimini keng joriy etgan holda kavrak xomashyosini eksportga chiqarishga ko‘maklashsin”;

1. v) 12 va 14-bandlardagi “O‘rmon xo‘jaligi davlat qo‘mitasi” so‘zlari “Ipakchilik va jun sanoatini rivojlantirish qo‘mitasi” so‘zlari bilan almashtirilsin;
2. g) 18 va 19-bandlar quyidagi tahrirda bayon etilsin:

“18. O‘zbekiston Respublikasi Ipakchilik va jun sanoatini rivojlantirish qo‘mitasi Ekologiya va atrof-muhitni muhofaza qilish davlat qo‘mitasi hamda O‘zbekiston Fanlar akademiyasi bilan birgalikda Yaylov xo‘jaligini rivojlantirish uyushmasining talabnomasiga asosan kavrak plantatsiyasini tashkil etish maqsadida ekish materiallari (urug‘lari)ni yig‘ish (g‘amlash)ga belgilangan tartibda ruxsatnoma berishni ta’minlasin.

19. Mazkur qaror ijrosini samarali tashkil etish va nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari Sh.M. G‘aniyev hamda O‘zbekiston Respublikasi Ipakchilik va jun sanoatini rivojlantirish qo‘mitasi raisi B.Q. Sharipov zimmasiga yuklansin”.
20. O‘zbekiston Respublikasi Prezidentining 2019-yil 31-iyuldagi “Pillachilik tarmog‘ida chuqur qayta ishlashni rivojlantirish bo‘yicha qo‘shimcha chora-tadbirlar to‘g‘risida”gi PQ-4411-son qarori 2-bandining ikkinchi xatboshisi quyidagi tahrirda bayon etilsin:

“2022-yil 1-avgustga qadar pillachilik tarmog‘i korxonalariga (ularning vakolatli vakillariga) 6-ilovaga muvofiq ro‘yxat bo‘yicha mahsulotlarni AQSh, Xitoy, Hindiston va Turkiyaga eksport qilishda havo va temir yo‘llari transportida tashish xarajatlarining 50 foizigacha miqdorini, Yevropa Ittifoqi davlatlariga eksport qilishda havo va temir yo‘llari transportida tashish xarajatlarining 70 foizigacha miqdorini O‘zbekiston Respublikasi Davlat budjeti mablag‘lari hisobidan kompensatsiya qilishga subsidiyalar taqdim etiladi”.

3. O‘zbekiston Respublikasi Prezidentining 2019-yil 16-avgustdagi “Qorako‘lchilik tarmog‘ini kompleks rivojlantirish chora-tadbirlari to‘g‘risida”gi PQ-4420-son qarorining 7-bandida:
4. a) quyidagi mazmundagi o‘ninchi — o‘n ikkinchi xatboshilar bilan to‘ldirilsin:

“kavrak yetishtirish bilan shug‘ullanadigan xo‘jalik yurituvchi subyektlar tomonidan qishloq xo‘jaligi texnikalari va agregatlari, resurs tejovchi uskunalar va zamonaviy texnologiyalar xarid qilinishini moliyalashtirish;

kavrak o‘simligi ko‘chati va urug‘ini sotib olish;

suv chiqarish inshootlarini barpo etish”;

1. b) o‘ninchi xatboshi o‘n uchinchi xatboshi deb hisoblansin.
2. O‘zbekiston Respublikasi Prezidentining 2020-yil 8-iyundagi PQ-4742-son qarori bilan tasdiqlangan o‘zini o‘zi band qiladigan shaxslar uchun faoliyat (ishlar, xizmatlar) turlari ro‘yxatida:
3. a) 11-band quyidagi tahrirda bayon etilsin:

“11. Fermer ho‘jaliklari egalari, pilla yetishtirish va ipak qurti urug‘chiligi tashkilotlari buyurtmasi bo‘yicha qishloq xo‘jaligi ishlari (qishloq xo‘jaligi o‘simliklari, ipak qurtini va hayvonlarni parvarish qilish, qishloq xo‘jaligi ekinlari hosilini yig‘ish, tut ko‘chatlarini ekish va boshqa qishloq xo‘jaligi ishlari)”;

1. b) 14-band quyidagi tahrirda bayon etilsin:

“14. Chorva mollarini o‘tlatish, ularni parvarish qilish, shu jumladan urug‘lantirish, qo‘zilatish, qirqish va dag‘al xashak jamg‘arish ishlari”.

5. O‘zbekiston Respublikasi Prezidentining 2021-yil 9-fevraldagi “Qorako‘lchilik tarmog‘ini yanada rivojlantirish bo‘yicha qo‘shimcha chora-tadbirlar to‘g‘risida”gi PQ-4984-son qarorining 2-bandida:
6. a) beshinchi xatboshidagi “qorako‘lchilik subyektlari” so‘zlari “qorako‘lchilik va kavrak yetishtirish bilan shug‘ullanadigan xo‘jalik yurituvchi subyektlar” so‘zlari bilan almashtirilsin;
7. b) kuyidagi mazmundagi oltinchi xatboshi bilan to‘ldirilsin:

“kavrak o‘simligi ko‘chati va urug‘ini sotib olish”;

1. v) oltinchi — o‘ninchi xatboshilar tegishincha yettinchi — o‘n birinchi xatboshilar deb hisoblansin.
2. O‘zbekiston Respublikasi Prezidentining 2021-yil 8-iyuldagi “Respublikada mavjud yaylovlardan unumli foydalanish, ipak va junni qayta ishlashni qo‘llab-quvvatlash bo‘yicha qo‘shimcha chora-tadbirlar to‘g‘risida”gi PQ-5178-son qarori 7-bandining “b” kichik bandida:
3. a) to‘rtinchi xatboshi “ozuqabop o‘simliklar” so‘zlaridan keyin “hamda kavrakni plantatsiyalarda” so‘zlari bilan to‘ldirilsin;
4. b) kuyidagi mazmundagi oltinchi — sakkizinchi xatboshilar bilan to‘ldirilsin:

“kavrak plantatsiyasini tashkil etuvchilarga plantatsiya tashkil etish va xomashyo yetishtirish yuzasidan metodik yordam ko‘rsatish va tavsiyalar ishlab chiqish;

ishlab chiqilgan innovatsion texnologiyalarni kavrak yetishtirish jarayoniga joriy qilish uchun ilmiy-tadqiqot ishlarini olib borish;

kavrak yetishtirishga jalb etiladigan mutaxassislarni plantatsiyalarda agrotexnik tadbirlarni to‘g‘ri amalga oshirish bo‘yicha o‘qitish uchun maxsus tayyorlov kurslarini tashkil etish”.

O‘zbekiston Respublikasi Prezidentining 2022-yil 27-apreldagi PF-116-son Farmoniga
3-ILOVA

O‘zbekiston Respublikasi Prezidentining o‘z kuchini yo‘qotgan deb e’tirof etilayotgan ayrim hujjatlari

RO‘YXATI

1. O‘zbekiston Respublikasi Prezidentining 2021-yil 30-apreldagi “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF-6217-son Farmoniga 1-ilovaning 14-bandi “a” va “v” kichik bandlari.
2. O‘zbekiston Respublikasi Prezidentining 2022-yil 11-fevraldagi “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba’zilarini o‘z kuchini yo‘qotgan deb hisoblash to‘g‘risida”gi PF-67-son Farmoniga 1-ilovaning 21-bandi.
3. O‘zbekiston Respublikasi Prezidentining 2018-yil 20-martdagi “Respublikada kavrak plantatsiyalarini tashkil etish va ularning xomashyosini qayta ishlash hajmlarini ko‘paytirish hamda eksport qilish chora-tadbirlari to‘g‘risida”gi PQ-3617-son qarorining 1-2, 4 — 9-bandlari va qarorga 1 — 4-ilovalar.

(Qonunchilik ma’lumotlari milliy bazasi, 28.04.2022-y., 06/22/116/0353-son; 18.02.2023-y., 06/23/24/0096-son)

O‘zbekiston Respublikasi Prezidentining Farmoni

Dorivor o‘simliklar xomashyo bazasidan samarali foydalanish, qayta ishlashni qo‘llab-quvvatlash orqali qo‘shimcha qiymat zanjirini yaratish chora-tadbirlari to‘g‘risida

Dorivor o‘simliklar xomashyo bazasidan samarali foydalanish, kasalliklarning oldini olish va davolashda dorivor o‘simliklarni keng qo‘llash, dorivor o‘simliklarning madaniy plantatsiyalarini barpo etayotgan tadbirkorlik subyektlarini qo‘llab-quvvatlash orqali chuqur qayta ishlashni tashkil etish hamda qo‘shimcha qiymat zanjirini yaratish maqsadida:

1. Belgilansinki:

tumanlar qizilmiya, za’faron, kavrak, lavanda, steviya, moychechak, na’matak, ravoch, mavrak, dalachoy, tog‘rayhon, bo‘ymadaron, kiyik o‘ti, kovul, qalampir yalpiz va boshqa dorivor o‘simliklar yetishtirish bo‘yicha hududlar kesimida ixtisoslashtiriladi. Bunda, 2022-yildan 2026-yilgacha 36 000 gektar maydonda yangi dorivor o‘simliklar plantatsiyalari tashkil etiladi;

yaratilayotgan har 10 gektar yer maydonidagi dorivor o‘simliklarning madaniy plantatsiyalariga suv chiqarish uchun burg‘ilangan quduq qazish, shuningdek, daryolar, kanallar hamda boshqa suv havzalaridan suvni tortish maqsadida nasos stansiyasini qurishga suv tejovchi texnologiyalarni qo‘llash sharti bilan har bir metri uchun 600 ming so‘mdan, ammo 120 million so‘mdan oshmaydigan miqdorda Davlat geologiya va mineral resurslar qo‘mitasining tegishli dalolatnomasiga asosan respublika budjetidan tegishincha Bog‘dorchilik va issiqxona xo‘jaligini rivojlantirish jamg‘armasi orqali subsidiya ajratiladi;

dorivor o‘simliklarni madaniy plantatsiya tashkil qilish orqali yetishtirish uchun belgilangan tartibda ajratilgan yer uchastkalariga boshqa turdagi qishloq xo‘jaligi ekinlarini joylashtirishga yo‘l qo‘yilmaydi;

eksportbop dorivor o‘simliklar yetishtirishni kengaytirish maqsadida, O‘zbekiston Respublikasi Prezidentining 2021-yil 5-avgustdagi “Mahallalarda tadbirkorlikni yanada qo‘llab-quvvatlash va tadbirkorlik subyektlari bilan aholi o‘rtasida kooperatsiyani rivojlantirishning qo‘shimcha chora-tadbirlari to‘g‘risida”gi PQ-5214-son qarori 4-bandida nazarda tutilgan imtiyoz va moliyalashtirish tartiblari dorivor o‘simliklarni yetishtirish bilan shug‘ullanuvchi tadbirkorlik subyektlariga ham tatbiq etiladi.

2. Shunday tartib o‘rnatilsinki, unga ko‘ra 2022-yil 1-iyundan boshlab Qishloq xo‘jaligini davlat tomonidan qo‘llab-quvvatlash jamg‘armasining 100 milliard so‘m mablag‘lari hisobidan tijorat banklari orqali quyidagilarga:

fermer, dehqon ho‘jaliklari va boshqa mahsulot yetishtiruvchilarga — dorivor o‘simliklarni yetishtirish uchun yillik 14 foiz (shundan 2 foizi bank marjasi) stavkada 6 oylik imtiyozli davr bilan 12 oy muddatga kreditlar ajratiladi;

dorivor o‘simliklarni qayta ishlovchi, saqlovchi va eksport qiluvchilarga — yetishtirilgan mahsulotni xarid qilishga talab etiladigan aylanma mablag‘larni to‘ldirish uchun yillik 14 foiz (shundan 2 foizi bank marjasi) stavkada 12 oylik “revolver” kreditlar ajratiladi. Bunda, ushbu kredit hisobidan klaster va kooperatsiyalarning tijorat banklaridan olingan boshqa kreditlarini so‘ndirishga yo‘l qo‘yilmaydi.

3. Qishloq xo‘jaligi vazirligi (J.A. Xodjayev) Moliya vazirligi (T.A. Ishmetov) bilan birgalikda dorivor o‘simliklarni chuqur qayta ishlashni (dorivor o‘simliklarni qayta ishlash asosida tayyor mahsulotlar ishlab chiqarishni) moliyalashtirish uchun Jahon bankining “Qishloq xo‘jaligini modernizatsiya qilish”, “Farg‘ona vodiysida qishloq tadbirkorligini rivojlantirish” loyihalari va Qishloq xo‘jaligini rivojlantirish xalqaro jamg‘armasining “Qishloq xo‘jaligini diversifikatsiya va modernizatsiya qilish” loyihasi doirasida 20 million AQSh dollari miqdoridagi mablag‘larni tijorat banklariga ajratish choralarini ko‘rsin. Bunda:

ushbu mablag‘lar milliy valyutada yillik 14 foiz stavkada tijorat banklariga resurs sifatida joylashtiriladi;

tijorat banklari 5 yillik imtiyozli davr bilan 10 yil muddatga yillik 17 foiz stavkada (shundan 3 foizi bank marjasi) tijorat krediti ajratadi.

Qishloq xo‘jaligi vaziri J.A. Xodjayev, O‘rmon xo‘jaligi davlat qo‘mitasi raisi N.J. Bakirov, Farmatsevtika tarmog‘ini rivojlantirish agentligi direktori S.X. Kariyev Qoraqalpog‘iston Respublikasi Vazirlar Kengashi Raisi, viloyat hokimlari bilan birgalikda ikki oy muddatda har bir hududda kamida bittadan dorivor o‘simliklar klasterini tashkil etish bo‘yicha loyiha takliflarini ishlab chiqsin.

Vazirlar Mahkamasi bir oy muddatda 2022-2023-yillarda dorivor o‘simliklarni qayta ishlash bo‘yicha amalga oshiriladigan loyihalarning manzilli ro‘yxatini tasdiqlasin.

4. Belgilansinki:

2025-yil 1-yanvarga qadar dorivor o‘simliklarni yetishtirishdan olgan daromadlari joriy hisobot (soliq) davri yakunlari bo‘yicha jami daromadning kamida 80 foizini tashkil etadigan tadbirkorlik subyektlaridan olinadigan yer solig‘i, foyda solig‘i va mol-mulk solig‘i stavkalari 50 foizga kamaytiriladi. Bunda, mazkur xatboshiga asosan soliqlardan ozod qilinadigan mablag‘lar dorivor o‘simliklar plantatsiyalarini kengaytirishga yo‘naltirilishi shart;

dorivor o‘simliklar xomashyosidan biologik faol qo‘shimchalar, essensiyalar va ekstraktlar ishlab chiqaruvchilar tomonidan o‘z ehtiyojlari uchun olib kelinadigan O‘zbekiston Respublikasida ishlab chiqarilmaydigan texnologik va laboratoriya uskunalari, ularning butlovchi va ehtiyot qismlari, sendvich-panellar va ventilatsiya tizimlari hamda biologik faol qo‘shimchalar ishlab chiqarish uchun ishlatiladigan xomashyo va materiallar, qadoqlash materiallari belgilangan tartibda shakllantiriladigan ro‘yxatlar bo‘yicha 2025-yil 1-yanvarga qadar bojxona bojidan ozod qilinadi;

dorivor o‘simliklarni yetishtirish va qayta ishlash uchun foydalaniladigan texnologik va laboratoriya uskunalari, ularning butlovchi va ehtiyot qismlari, sendvich-panellar va ventilatsiya tizimlari, asbob-uskunalar, xomashyo, materiallar, kimyoviy preparatlar hamda himoya vositalarini olib kirishda qo‘shimcha qiymat solig‘ini 180 kunga kechiktirib to‘lash imkoniyati beriladi;

dorivor o‘simliklar xomashyosi hamda undan tayyorlangan biologik faol qo‘shimchalar, essensiyalar va ekstraktlarni eksport qiluvchi tadbirkorlik subyektlarining eksport uchun sarflangan avtomobil, temir yo‘l va havo transportida tashish xarajatlarining 50 foizigacha qismi Eksportni rag‘batlantirish agentligi tomonidan qoplanadi.

5. Sog‘liqni saqlash vazirligi Farmatsevtika tarmog‘ini rivojlantirish agentligi bilan birgalikda 2022-yil 1-sentabrdan boshlab dorixona sotuv zali peshtaxtalarining kamida 10 foiziga dorivor o‘simliklar xomashyosidan tayyorlangan biologik faol qo‘shimchalar va dori vositalarini joylashtirishni dori vositalari va tibbiy buyumlarni chakana realizatsiya qilishning litsenziya talablari va shartlariga kiritish choralarini ko‘rsin.
6. Bosh prokuratura (Sh.J. Raximov) va Hisob palatasi (B.T. Turabov) dorivor o‘simliklarni qayta ishlash bo‘yicha amalga oshiriladigan loyihalar doirasidagi mablag‘larning maqsadli ajratilishi va sarflanishi ustidan doimiy nazorat o‘rnatsin hamda har yarim yilda O‘zbekiston Respublikasi Prezidenti Administratsiyasiga axborot kiritib borsin.
7. O‘zbekiston Respublikasi Oliy Majlis palatalariga dorivor o‘simliklarni tabiiy muhitdan terib olishga kvota ajratish va uning shartlariga qat’iy rioya qilinishi ustidan parlament va jamoatchilik nazoratini o‘rnatish tavsiya etilsin.
8. Axborot va ommaviy kommunikatsiyalar agentligi (A.A. Xodjayev), O‘zbekiston Milliy axborot agentligi (A.K. Ko‘chimov), O‘zbekiston Milliy teleradiokompaniyasi (A.J. Xadjayev) Qishloq xo‘jaligi vazirligi (J.A. Xodjayev), O‘zbekiston fermer, dehqon ho‘jaliklari va tomorqa yer egalari kengashi (A.A. Xaitov) bilan birgalikda ommaviy axborot vositalarida mazkur Farmonning mazmun-mohiyatini aholiga tushuntirishga oid materiallar, turkum teleko‘rsatuvlar namoyish etilishini tashkil etsin.
9. Farmatsevtika tarmog‘ini rivojlantirish agentligi, Qishloq xo‘jaligi vazirligi, Ipakchilik va jun sanoatini rivojlantirish qo‘mitasi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu Farmondan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
10. Mazkur Farmonning ijrosini tashkil qilishga mas’ul va shaxsiy javobgar etib qishloq xo‘jaligi vaziri J.A. Xodjayev, sog‘liqni saqlash vaziri B.A. Musayev, O‘rmon xo‘jaligi davlat qo‘mitasi raisi N.J. Bakirov, Ipakchilik va jun sanoatini rivojlantirish qo‘mitasi raisi B.Q. Sharipov, O‘zbekiston fermer, dehqon ho‘jaliklari va tomorqa yer egalari kengashi raisi A.A. Xaitov belgilansin.

Farmon ijrosini har chorakda muhokama qilib borish, ijro uchun mas’ul idoralar faoliyatini muvofiqlashtirish va nazorat qilish O‘zbekiston Respublikasi Bosh vazirining o‘rinbosari Sh.M. G‘aniyev zimmasiga yuklansin.

O‘zbekiston Respublikasi Prezidenti Sh. MIRZIYOYEV

Toshkent sh.,

2022-yil 20-may,

PF-139-son

(Qonunchilik ma’lumotlari milliy bazasi, 21.05.2022-y., 06/22/139/0442-son)