Qoraqalpog‘iston qishloq xo‘jaligi va agrotexnologiyalar instituti

• qishloq xo‘jaligida innovatsion resurs tejaydigan ilg‘or texnologiyalarni qo‘llash, “Aqlli qishloq xo‘jaligi»” (Smart agriculture) va raqamlashtirilgan agrotexnologiyalarni joriy qilish bo‘yicha zamonaviy bilim va ko‘nikmalarga ega bo‘lgan kadrlarni tayyorlash;
• professor-o‘qituvchilar, ilmiy tadqiqotchilar, talabalarning innovatsion texnologiyalarni yaratish hamda joriy etish borasidagi tashabbuskorligini va moddiy manfaatdorligini oshirish maqsadida davlat-xususiy sheriklik shartlari asosida “kichik innovatsion korxonalar”ni tashkil etish;
• kafedralar ixtisosligi bo‘yicha talabalar va yosh olimlarni ilmiy faoliyatga keng jalb qilish maqsadida ilmiy to‘garaklarni, shuningdek, “Yosh olimlar klubi”ni (Young Scholars Club) tashkil etish hamda keyinchalik eng iqtidorli yosh olimlarni xorijiy davlatlarga o‘qishga va stajirovkaga yuborish;
• xorijiy hamkorlar bilan birgalikda qishloq xo‘jaligi sohasi uchun kadrlar tayyorlash bo‘yicha qo‘shma ta’lim (double degree) dasturlarini amalga oshirish, o‘quv-ta’lim jarayoniga xorijiy olimlar va mutaxassislarni faol jalb qilish;

Institut professor-o‘qituvchilari tomonidan 2020-yilda 7 ta darslik chop etildi, 11 ta tayyorlangan o‘quv qo‘llanmalarni chop etish uchun 7 ta guvohnoma olindi va 4 ta o‘quv qo‘llanma chop etildi.

Fan, ta’lim va ishlab chiqarish integratsiyasini ta’minlash maqsadida yirik qishloq xo‘jalik korxonalari, ilg‘or fermer xo‘jaliklari hamda klasterlarda 11 ta mutaxassislik kafedralarining filiallari tashkil etildi.

Hozirgi kunda institut qoshidagi Chimboy akademik litseyida 254 nafar o‘quvchilarga 26 nafar malakali o‘qituvchilar o‘quv mashg‘ulotlarini olib bormoqda. Institut qoshidagi akademik litseyga ilmiy-metodik yordam ko‘rsatish, o‘quv-tarbiya jarayonini sifatli tashkil etish, ta’lim sifatini tubdan yaxshilash, ilg‘or pedagogik texnologiyalarni joriy etish maqsadida Fizika va kimyo, Horijiy tillar, O‘zbek tili, Axborot texnologiyalari va matematika fanlaridan tasdiqlangan jadval asosida haftaning ma’lum bir kunlari kafedralar professor-o‘qituvchilari akademik litsey o‘quvchilariga mahorat darslari o‘tishlari yo‘lga qo‘yildi.

Shuningdek, institutda xorijiy (Rossiya, Germaniya, Isroil) mutaxassislar ishtirokida vebinarlar tashkil etildi.

2020-yilning mart oyiga qadar 2 nafar talaba Germaniyaning PRAXX dasturi doirasida Germaniyaning qishloq xo‘jaliklarida o‘quv amaliyot ishlarini olib bordi. 1 nafar magistrant va 2 nafar talaba ushbu dastur doirasida 2020-yilning dekabr oyidan boshlab 6 oy muddatga o‘quv amaliyoti olib borish uchun jo‘natildi.

2020-yilning 25 yanvar kuni institut va Rossiya Federatsiyasining Perm davlat agrar-texnologik universiteti o‘rtasida 5 yil muddatga, 2020 yilning 2 fevral kuni  Qozog‘iston Respublikasining Taraz innovatsion-gumanitar universiteti bilan 5 yil muddatga o‘zaro hamkorlik shartnomasi imzolandi.

Professor-o‘qituvchilarining 6 ta darslik va 18 ta o‘quv qo‘llanmalarini chop etish.

Jahonning ta’lim sohasi rivojlangan mamlakatlari OTMlari tajribasini o‘rganish maqsadida 9 nafar xorijiy professor-o‘qituvchilarni jalb etish.

Yevropa qishloq xo‘jaligi universitetlari bilan o‘zaro tajriba almashish maqsadida hamkor universitetlarga 6 nafar professor-o‘qituvchilarni qisqa va uzoq muddatli malaka oshirish va stajirovkalarga jo‘natish.

Sohalar buyurtmachilari tomonidan o‘tkazilgan ilmiy tadqiqotlarning ko‘lamini kengaytirish, ilmni tijoratlashtirishni keng yo‘lga qo‘yish.

Xitoyning Xenan qishloq xo‘jaligi universiteti bilan va Buyuk Britaniyaning Bangor universiteti bilan imzolangan o‘zaro hamkorlik shartnomalariga muvofiq institut talaba va magistrantlarini hamkorlik doirasida magistratura va doktoranturada tahsil olishga yuborish.

Tokio agrar va texnologiya universiteti bilan hamkorlik shartnomasi asosida 5 nafar kafedra mudirlarini ushbu davlatga yuborish rejalashtirilmoqda.

Rektor: Toreniyazov Elmurat Sherniyazovich
Manzil: Qoraqalpog‘iston Respublikasi, Nukus shahri, Abdambetova ko‘chasi
Telefon: +998 61 2292701, +998 61 2292523
Faks: +998 61 2292523
E-mail: e.toreniyzov@gmail.com