Sayt test rejimida ishlamoqda!
Ishonch telefoni: 1243
Devonxona: 71 206-70-30

Andijon qishloq xo‘jaligi va agrotexnologiyalar instituti

AGRO.UZ > Andijon qishloq xo‘jaligi va agrotexnologiyalar instituti
AGRO.UZ > Andijon qishloq xo‘jaligi va agrotexnologiyalar instituti

Taʼlim muassasasi 1964-yil iyun oyida sobiq Toshkent irrigatsiya va qishloq xo‘jaligini mexanizatsiyalash injenerlari institutining Andijon filiali bazasida Andijon paxtachilik instituti nomi bilan tashkil etilgan. O‘tgan davr davomida Respublikamiz qishloq xo‘jaligi korxona va tashkilotlari uchun 23000 dan yuqori malakali olim-agronomlar, injener–mexaniklar va injener-gidromelioratorlar tayyorlagan.

2018-yilda Andijon qishloq xo‘jalik instituti negizida Toshkent davlat agrar universiteti Andijon filiali tashkil etildi.

«Agrar taʼlim tizimini yana-da takomillashtirish chora-tadbirlari to‘g‘risida”gi Prezident Qaroriga muvofiq, 2020/2021-o‘quv yilidan Toshkent davlat agrar universitetining Andijon filiali negizida Andijon qishloq xo‘jaligi va agrotexnologiyalar instituti tashkil etildi.

Andijon qishloq xo‘jaligi va agrotexnologiyalar institutida qishloq xo‘jaligini raqamlashtirish va axborot-kommunikatsiya texnologiyalari masalalari hamda professional taʼlim muassasalari bilan ishlash bo‘yicha prorektor lavozimi joriy etildi.

Ushbu dargoh qishloq xo‘jaligi sohasida yuqori malakali raqobatbardosh kadrlarni tayyorlaydigan, agrar sohada energiya va resurstejamkor texnologiyalarni keng qo‘llaydigan va joriy etadigan yetakchi va istiqbolli oliy taʼlim maskanidir.

2020-2021-o‘quv yilidan boshlab institutda Agrobiznes, Agroturizm, Veterinariya meditsinasi, Zooinjeneriya (asalarichilik), Zooijeneriya  (turlar bo‘yicha), Agrologistika, Qishloq xo‘jaligini mexanizatsiyalashtirish hamda Suv xo‘jaligi va melioratsiya kabi yangi taʼlim yo‘nalishlarida kadrlar tayyorlash yo‘lga qo‘yildi.

O‘zbekiston Respublikasi Qishloq xo‘jaligi vazirligi tasarrufidagi qishloq xo‘jaligi kasb-hunar kollejlari negizida oliy maktablar o‘rniga agrotexnologiyalar texnikumlari tashkil etildi va Marhamat, Shaxrixon va To‘raqo‘rg‘on agrotexnologiyalar texnikumlari institutga biriktirildi.

2020-2021-o‘quv yili uchun texnikumlarga kirish imtixonlari natijalariga ko‘ra jami 509 nafar talaba o‘quvchi o‘qishga qabul qilindi.

2019-2020-o‘quv yilidan boshlab institutda Belarus Respublikasining Grodno davlat agrar universiteti bilan 2+2 qo‘shma taʼlim dasturi doirasida O‘simliklarni himoya qilish (ekin turlari bo‘yicha) hamda Chorvachilik mahsulotlarini qayta ishlash texnologiyasi taʼlim yo‘nalishlarida kadrlar tayyorlash yo‘lga qo‘yildi.

2020-2021-o‘quv yilida esa Rossiya Federatsiyasining Boshqirdiston davlat agrar universiteti bilan xamkorlikda “Qishloq va suv xo‘jaligida texnik servis” taʼlim yo‘nalishi bo‘yicha qo‘shma taʼlim dasturlari doirasida talabalar tahsil olmoqda.

Fan, taʼlim va ishlab chiqarish integratsiyasini taʼminlash maqsadida Andijon, Farg‘ona va Namangan viloyatlarida joylashgan yirik qishloq xo‘jalik korxonalari, ilg‘or fermer xo‘jaliklari hamda  klasterlarda 15 ta mutaxassislik kafedralarining filiallari tashkil etildi.

2020-yilda jami 16 nafar, shundan 12 nafar professor-o‘qituvchilar falsafa fanlari doktori (PhD) va 4 nafar professor-o‘qituvchilar fan doktori (DSc) doktorlik dissertatsiya ishlarini muvaffaqiyatli himoya qildilar.

Institutda Koreyaning KOPIA markazi bilan hamkorlikda Axborot maslahat markazi (extension center) tashkil qilindi.

Germaniyaning Xalqaro hamkorlik jamiyatining GIZ xalqaro loyihalari doirasida 2 gektar yer maydonda Italiya texnologiyasi bo‘yicha 60 bosh qoramollarga mo‘ljallangan zamonaviy chorva kompleksi barpo etildi va Avstriya davlatidan 30 bosh qoramol olib kelindi.

2020-yilda institut “EKOFISH” MCHJ bilan hamkorlikda 2,5 gektar maydonda Xitoy texnologiyasi asosida “Intensiv usulda baliq yetishtirish” yo‘lga qo‘yildi.

Amerika Qo‘shma Shtatining USAID xalqaro tashkiloti bilan 6,5 ga maydondagi intensiv bog‘da, shuningdek 1,1 ga maydonda tokzorlar tashkil qilindi.

  1. Institut professor-o‘qituvchilari tomonidan 10 ta darslik va 40 ta o‘quv qo‘llanmalarini chop etishga guvohnomalar olinadi va chop etiladi.
  2. Jahonning taʼlim sohasi rivojlangan mamlakatlari OTM lari tajribasini o‘rganish maqsadida 25 nafar xorijiy professor-o‘qituvchilar o‘quv jarayoniga jalb etiladi.
  3. Yevropa qishloq xo‘jaligi universitetlari bilan o‘zaro tajriba almashish maqsadida, hamkor universitetlarga 18 nafar professor-o‘qituvchilar qisqa va uzoq muddatli malaka oshirish va stajirovkalarga jo‘natiladi. Professor-o‘qituvchilar tomonidan talabalarga maʼruza, tajriba va amaliy mashg‘ulotlarni sifatli olib borish uchun  zamonaviy uskunalar bilan taʼminlanadi.
  4. Germaniyaning PRAXX, AZ Germany, LOGO, Ge-Tec Solutions, Ferienjob kompaniyalari bilan shartnomalar doirasida 100 nafar 2-3-bosqich talabalari Germaniya fermer xo‘jaliklariga ishlab chiqarish amaliyotini o‘tash uchun yuboriladi.

Rektor: Komilov Komiljon Sobirovich
Manzil: 170600, Andijon tumani, Kuyganyor shaharchasi, Oliygoh ko‘chasi, 1-uy
Telefon: (0374) 373-13-63
Faks: (0374) 223-90-69
E-mail: and.kxi@agro.uz
Sayt: andqxi.uz

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: