Sayt test rejimida ishlamoqda!
Ishonch telefoni: 1243
Devonxona: 71 206-70-30

Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti

AGRO.UZ > Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti
AGRO.UZ > Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti

1922-yilda “Yalang‘och” qishlog‘ida hukumat qaroriga binoan seleksiya stansiyasi tashkil etilgan.

Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti 1929-yil Butunittifoq Paxtachilik ilmiy-tadqiqot instituti (SoyuzNIXI) nomi bilan tashkil etilgan.

O‘zbekiston Respublikasi Prezidentning PQ-2125 qaroriga binoan O‘zbekiston paxtachilik ilmiy-tadqiqot instituti, O‘zbekiston g‘o‘za seleksisi va urug‘chiligi ilmiy-tadqiqot instituti va Respublika qishloq xo‘jalik ekinlari birlamchi urug‘chilik va urug‘shunoslik stansiyasi birlashtirilib, ularning negizida Paxta seleksiyasi, urug‘chiligi va yetishtirish agrotexnologiyalari ilmiy-tadqiqot instituti tashkil etildi.

Institut paxtachilik sohasini rivojlantirishda bosh tashkilot hisoblanadi.

G‘o‘za genetikasi, seleksiyasi, urug‘chiligi, urug‘shunosligi, paxta va unga izdosh ekinlarni yetishtirish agrotexnologiyalarining ilmiy-amaliy asoslarini takomillashtirish yuzasidan ilmiy tadqiqotlar olib borish hamda shu asosda ilmiy-texnik mahsulotlar ishlab chiqish institutning asosiy vazifasi hisoblanadi.

– ilmiy tadqiqot ishlarining strategik yo‘nalishlari va istiqbolli mavzularini belgilash, qishloq xo‘jaligini intensiv rivojlantirish va sohada mavjud muhim muammolar bo‘yicha ilmiy izlanishlar o‘tkazishni tashkil etish yuzasidan uslubiy va amaliy tavsiyalarni ishlab chiqish;

– g‘o‘za va bedaning yangi raqobatbardosh navlarini yaratish, seleksiya yutuqlarini keng sinovlardan o‘tkazish, qishloq xo‘jalik ekinlarining birlamchi urug‘chiligini rivojlantirish, hududlarning tuproq-iqlim sharoitlarini hisobga olgan holda ilg‘or ilmiy ishlanmalar va intensiv agrotexnologiyalarni ishlab chiqish va joriy etish;

– ilmiy muassasalar xodimlarining kasbiy malakasini doimiy ravishda oshirish va takomillashtirib borish, seminarlar va treninglarni o‘tkazish, maʼruzalar, videoroliklar va internet axborot resurslarini tashkil etish, soha mazmunidagi kitoblar, varaqalar, plakatlar, monografiya va to‘plamlar chop etish;

– ilmiy yo‘nalishda fan doktorlari tayyorlash, mos yo‘nalishlardagi yetakchi xorijiy ilmiy muassasalar, oliy o‘quv yurtlari, markazlar bilan xalqaro hamkorlikni kengaytirish va mustahkamlash, belgilangan tartibda xorijiy grantlarni jalb etish, mutaxassislar, to‘plangan tajribalar va axborotlar almashuvini taʼminlash kabilar amalga oshirilmoqda.

Institut olimlarining ilmiy natijalarini keng targ‘ib qilish maqsadida, ilmiy faoliyat doirasida 13 ta monografiya, 60 ta maqola xorijiy jurnallarda, shundan 14 tasi “Web of Sciense” va “Scopus” bazasidagi xalqaro nashrlarda, 114 ta maqola mahalliy jurnallarda, 46 ta maqola xalqaro va 84 ta maqola mahalliy konferensiyalarda chop etildi.

PSUYEAITI ishchi guruh olimlari tomonidan 3,0 mlrd. so‘mlik shartnoma asosida Toshkent viloyatining paxta va g‘alla yetishtiruvchi fermer va agroklaster xo‘jaliklarida, g‘o‘za parvarishida olib borilayotgan agrotexnik tadbirlarni monitoring qilish va tegishli ilmiy-amaliy tavsiyalar berish bo‘yicha ishlar amalga oshirildi.

G‘o‘za parvarishida intensiv, resurstejovchi agrotexnologiyalarni qo‘llash bo‘yicha Sirdaryo viloyati Sayxunobod tumanida joylashgan “POLYTEX SIRDARYA” MCHJ agroklasteri bilan 100,0 mln so‘mlik shartnoma tuzilib, institut olimlari tomonidan g‘o‘za vegetatsiya davrida ilmiy-amaliy tavsiyalar berib borildi.

Ilmiy ishlanmalarni tijoratlashtirishda xizmat ko‘rsatish bo‘yicha (KMK, SHMK, standart, yo‘riqnomalar ishlab chiqish) 1076,4 mln. so‘mlik 20 ta loyihalar amalga oshirildi.

G‘o‘za navlari urug‘larini eksport qilish maqsadida Respublika urug‘chilikni rivojlantirish markazi, Intellektual mulk agentligi va institut o‘rtasida g‘o‘zaning rayonlashgan Sulton (shartnoma № SNP 2020002) va Namangan-77 (shartnoma № SNP 2020003) navlari bo‘yicha 3 tomonlama litsenzion shartnomalar tuzildi va Adliya vazirligi huzuridagi intellektual mulk agentligi tomonidan ro‘yxatdan o‘tkazildi.

2019-2020-yillarda institut va uning ilmiy-tajriba stansiyalari seleksioner olimlari tomonidan yaratilgan g‘o‘zaning S-8290 navi Farg‘ona viloyati bo‘yicha, Buxoro-10 navi Buxoro viloyati bo‘yicha, S-8294 navi Xorazm viloyati bo‘yicha va Guliston navi Sirdaryo viloyati bo‘yicha hamda ingichka tolali Surxon-14, Surxon-16 va Surxon-103 g‘o‘za navlari Surxondaryo viloyati bo‘yicha rayonlashtirildi. G‘o‘zaning S-6560 navi Toshkent viloyati bo‘yicha, SP-1303 va Mang‘it-1 navlari Qoraqalpog‘iston Respublikasi bo‘yicha, Paxtakor-3 navi Jizzax viloyati bo‘yicha, S-8295 navi Namangan viloyati bo‘yicha, S-6570 navi Farg‘ona viloyati bo‘yicha va SP-38 navi Xorazm viloyati bo‘yicha istiqbolli deb topildi.

– Qishloq xo‘jaligini intensiv rivojlantirish va sohada mavjud muhim muammolar bo‘yicha ilmiy izlanishlar o‘tkazishni tashkil etish yuzasidan uslubiy va amaliy tavsiyalarni ishlab chiqish;

– g‘o‘za va bedaning yangi raqobatbardosh navlarini yaratish, qishloq xo‘jalik ekinlarining birlamchi urug‘chiligini rivojlantirish, hududlarning tuproq-iqlim sharoitlarini hisobga olgan holda ilg‘or ilmiy ishlanmalar va intensiv agrotexnologiyalarni ishlab chiqish va joriy etish va boshqalar

Direktor: Ravshanov Aʼzam Erkinovich
Manzil: O‘zbekiston Respublikasi, Toshkent viloyati, Qibray tumani, “Salar” shaharchasi, “Universitet” ko‘chasi 1-uy
Telefon: +998 78 150-61-37
Elektron pochta: paxta.uz@mail.ru
Sayt: www.psuyaiti.uz

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: