Murojaatlar bilan ishlash bo‘limi

Boshqarmaning vazifalari va funksiyalari:

a) vazirlik markaziy apparati, hududiy bo‘linmalar, tizimdagi tashkilotlar va muassasalarda ichki auditni amalga oshirish, aniqlangan qonun buzilishi holatlarini bartaraf etish choralarini ko‘rish sohasida:

– vazirlik markaziy apparati, xududiy va tizim tashkilotlarida qonun xujjatlariga amal qilinishini o‘rganadi va baholaydi;

– ichki auditni o‘tkazish bo‘yicha qabul qilingan jarayonlarning taʼsirchanligini tahlil qiladi va baholaydi;

– tavakkalchiliklarni boshqarish jarayonlari va tavakkalchiliklarni baholash uslubiyotining samaradorligi va qo‘llanilishini o‘rganadi;

– moliyaviy axborot tizimini, shuningdek elektron axborot tizimini kuzatadi;

– vazirlik rahbariyati talabiga binoan maxsus tekshirishlarni o‘tkazadi yoki o‘tkazishda amaliy yordam beradi.

– vazirlik byudjet tizimi byudjetlari mablag‘lari va davlatdan qarz olish hisobidan amalga oshirilayotgan investitsiya loyihalarining maqsadga muvofiqligini va asosliligini baholaydi.

– naqd pul mablag‘lari, tovar-moddiy boyliklari hamda boshqa aktivlarni saqlanishi va holatini monitoring qiladi;

– vazirlikning meʼyoriy hujjatlari loyihalarini tayyorlash hamda amaldagi meʼyoriy hujjatlarga o‘zgartirish kiritish bo‘yicha hujjat loyihalarini ishlab chiqish yuzasidan takliflar tayyorlaydi;

davlat xaridlarini amalga oshirishda moliyaviy mablag‘lardan oqilona, asoslanganligi, samaradorligi taʼminlagan holda ochiqlik, shaffoflik, va xolislik, mutanosiblik prinsiplariga asoslanishini taʼminlaydi;

– byurokratik to‘siqlarni, sansolarlilkarni aniqlash va bartaraf etish bo‘yicha rahbarga aniq takliflar ishlab chiqadi;

b) vazirlik markaziy apparati, hududiy bo‘linmalar, tizimdagi tashkilotlar va muassasalarda komplayens-nazoratni amalga oshirish sohasida:

– korrupsiyaga qarshi ichki nazorat tizimi – “komplayens-nazorat” hamda korrupsiyaga qarshi kurashishning boshqa xalqaro vositalarini joriy etadi va samarali faoliyat ko‘rsatishini tashkillashtirish, zamonaviy usullar va axborot-kommunikatsiya texnologiyalari asosida korrupsiyaga qarshi monitoring olib borish, shuningdek, ularning mazkur sohadagi faoliyati bo‘yicha reytingini tuzish, yuritib borish ishlarini tashkil etadi;

– vazirlik tizimida faoliyat yurituvchi xodimlarda korrupsiyaga nisbatan murosasiz munosabatni shakllantirish, ular faoliyatida korrupsiyaga oid huquqbuzarliklarga yo‘l qo‘ymaslik bo‘yicha ishlarni amalga oshiradi;

– xodimlar manfaatlarining to‘qnashuvini hal qilishning tashkiliy-huquqiy asoslarini takomillashtiradi, ularga rioya etilishi yuzasidan monitoring o‘tkazilishini taʼminlaydi;

v) monopoliyaga qarshi komplayens nazorat tizmini joriy qilish, baholash, monitoring o‘tkazish sohasida:

– raqobat cheklovlarini keltirib chiqarishi mumkin bo‘lgan omillarni aniqlaydi va ularni bartaraf etish bo‘yicha takliflar ishlab chiqadi;

– monopoliyaga qarshi komplayens tizimining faoliyat yuritishi bilan bog‘liq masalalar bo‘yicha boshqa tuzilmaviy bo‘linmalar bilan o‘zaro aloqalarni muvofiqlashtiradi;

– raqobat to‘g‘risidagi qonunchilik hujjatlari talablari buzilish bilan bog‘liq ichki o‘rganish ishlarini tashkil etadi;

– davlat boshqaruvi organlari, mahalliy ijro etuvchi hokimiyat organlari va xo‘jalik yurituvchi subyektlarning xodimlariga raqobat to‘g‘risidagi qonunchilik hujjatlari talablariga amal qilish bilan bog‘liq masalalar bo‘yicha maslahatlar beradi.