«Markaziy Osiyo va Turkiyaning qurg‘oqchil va sho‘rlangan qishloq xo‘jaligi ishlab chiqarish landshaftlarida tabiiy resurslarni kompleks boshqarish» qo‘shma loyihasi

Loyihaning asosiy maqsadi Markaziy Osiyo va Turkiyaning qurg‘oqchil va sho‘rlangan qishloq xo‘jaligi ishlab chiqarish landshaftlarida tabiiy resurslarni kompleks boshqarish bo‘yicha amaliyotlar ko‘lamini kengaytirishdan iborat.

1-tarkibiy qism: Tabiiy resurslarni kompleks boshqarishni samarali amalga oshirishga ko‘maklashish bo‘yicha mamlakatlararo hamkorlik.

2-tarkibiy qism: Barqarorlik omilini tabiiy resurslarni kompleks boshqarishning siyosiy, huquqiy va institutsional mexanizmlariga uyg‘unlashtirish.

3-tarkibiy qism: Qurg‘oqchilik va sho‘rlanishga uchragan ishlab chiqarish landshaftlarida maqbul qishloq xo‘jaligi amaliyotlarini kengaytirish.

4-tarkibiy qism: Loyihani monitoring qilish va baholash.

Qurg‘oqchilikka va sho‘rlanishga uchragan qishloq xo‘jaligi maydonlarida yer va suv resurslaridan samarali foydalanish, ularni barqaror boshqarish maqsadida yangi agrotexnologiyalarni joriy qilish bo‘yicha namoyish uchastkalarini tashkil qilish;

Qurg‘oqchil va sho‘rlanishga uchragan hududlarda faoliyat yurituvchi qishloq xo‘jaligi korxonalarining iqlim o‘zgarishiga barqarorligini oshirish bo‘yicha tegishli chora-tadbirlarni amalga oshirish;

Qurg‘oqchil va sho‘rlanishga uchragan hududlarda qishloq xo‘jaligi yerlari degradatsiyasini oldini olish, tuproq unumdorligini saqlash va oshirib borishga qaratilgan texnologiyalarni qo‘llashga yordam berish;

Loyiha hududlaridagi fermerlar, qishloq xo‘jaligi tashkilotlari mutaxassislari, shuningdek, qishloq xo‘jaligi o‘quv yurtlari hamda ilmiy muassasalari xodimlarini o‘qitish va malakasini oshirish.

Loyiha uchastkalarida ko‘rgazmali dala maydonlari tashkil etildi jami 32 ta qishloq xo‘jalik ekinlari turli resurs tejovchi texnologiyalarni qo‘llagan holda yetishtirildi;

2020-yilda Qurg‘oqchilikka va sho‘rlanishga chidamli ekinlarning urug‘chiligi tashkil etildi hamda  Qashqadaryo va Buxoro viloyati fermerlarining dalalarida 5872 ga maydonga ekildi;

2021-yil hosili uchun kuzgi ekinlarning qurg‘oqchilikka va sho‘rlanishga chidamli navlarining 25 tonna urug‘i ekildi  hamda asosiy va takroriy ekinlar uchun jami 10 tonnadan ortiq turli ekinlar urug‘i fermerlarga tarqatildi;

Qashqadaryo va Buxoro viloyatlarida tuproqqa ishlov bermasdan ekish texnologiyasi jami 5080 ga joriy etildi;

Buxoro viloyatining sho‘rlangan maydonlarda suv tejovchi texnologiyalar 11000 ga joriy etildi;

Qashqadaryo viloyatining Qamashi va Buxoro viloyatining Buxoro tumanlarining yerdan foydalanish rejalari ishlab chiqildi;

Qashqadaryo viloyatidagi “G‘uzor” qorako‘lchilik MCHJning yaylovdan foydalanish rejasi ishlab chiqildi (84000 ga);

Loyihani bajarish davomida jami 15 o‘quv kurslari, 12 dala kurslari, 4 ta fermerlar kuni va 2 mintaqaviy o‘quv kusralri tashkil etildi. Bu o‘quv kurslarida jami 1106 mutaxassislar, fermerlar qatnashishdi ulardan 156 tasi ayollar tashkil etadi;

4 ta qo‘llanma, turli mavzudagi 8 ta buklet, infografikalar tayyorlandi va chop etildi.

FAO tomonidan loyihaga maʼsul shaxs: Muxammadjon Qosimov, +99871 1501885,  Muhammadjon.Kosimov@fao.org

Loyihaning milliy koordinatori: Isroil Xolmirzayev, Qishloq xo‘jaligi vazirligi