Sayt test rejimida ishlamoqda!
Ishonch telefoni: 1243
Devonxona: 71 206-70-30

«O‘zbekistonda asalarichilikni barqaror rivojlantirish» qo‘shma loyihasi

AGRO.UZ > «O‘zbekistonda asalarichilikni barqaror rivojlantirish» qo‘shma loyihasi
AGRO.UZ > «O‘zbekistonda asalarichilikni barqaror rivojlantirish» qo‘shma loyihasi

BMTning Oziq-ovqat va qishloq xo‘jaligi tashkiloti (FAO) hamda O‘zbekiston Respublikasi Qishloq xo‘jaligi vazirligi va «O‘zbekiston asalarichilari» uyushmasining «O‘zbekistonda asalarichilikni barqaror rivojlantirish» qo‘shma loyihasi

Byudjet: 345 000 AQSH dollari grant mablag‘lari

Loyiha amal qilish muddati: 31-dekabr 2021-yil

Amalga oshirilish hududi: Toshkent shahri, Farg‘ona viloyati

Benefitsiar: «O‘zbekiston asalarichilari» uyushmasi

Loyiha bir qator treninglarni o‘tkazish orqali yangi asalarichilik sohasidagi o‘qitish dasturlarini ishlab chiqib, soha mutaxassislarini boshqa mamlakatlarga (Turkiya, Ukraina) almashinuv tashriflarini tashkil etish va O‘zbekiston asalarichilari uchun ilg‘or texnologiyalarini olib kirish.

1) Asalarichilar tomonidan ishlatiladigan ishlab chiqarish texnologiyalarini eʼtiborga olgan holda O‘zbekistonda asalarichilik sohasini hozirgi holatini o‘rganish, asosiy asal mahsulotlarini (asal, mum, va boshqalar) ning qo‘shilgan qiymat zanjirini o‘rganish va analiz qilish;

2) Asalarichilik sohasida bilim beradigan kollej va kasb-hunar maktablarining, shuningdek dunyoda tan olingan darsliklarni, o‘quv qo‘llanmalarni tarjima qilish, moslashtirish va xalqaro mutaxassislar bilan tajriba almashish orqali davlat va xususiy xizmat ko‘rsatish tashkilotlarning asalarichilik sohasidagi bilim-salohiyatlarini rivojlantirish;

3) GIS texnologiyalariga asoslangan onlayn maʼlumot almashish tizimini yaratish.

O‘zbekistonda ijtimoiy, iqtisodiy va ekologik barqaror asalchilikni rivojlantirish orqali oziq-ovqat xavfsizligi va to‘yib ovqatlanmaslik darajasini kamaytirishga hissa qo‘shishdan iborat. Bundan tashqari, loyiha asalarichilar va o‘simliklarni ishlab chiqaruvchilar o‘rtasida pestitsidlarni qo‘llash va gullash davrida hosilni yig‘ib olish to‘g‘risida o‘z vaqtida maʼlumot almashishni taʼminlash uchun erta ogohlantirish tizimini yaratishga qaratilgan. Loyiha, shuningdek, asalarichilik koloniyalarini qishloq xo‘jaligi landshaftlarida optimal ravishda taqsimlash uchun asalarilar uyalarini joylashtirish uchun bronlashtirish tizimini yaratadi.

1.   O‘zbekistonda asalarichilik sektorini tahlilining loyiha hujjati tayyorlangan;

2.   Qo‘shilgan qiymat zanjiri tahlili bo‘yicha milliy konsultant yollanildi;

3.   Asalarichilik sektorini barqaror rivojlantirish bo‘yicha yo‘l xaritasini ishlab chiqish uchun, birlamchi tahliliy maʼlumotlar tayyorlangan, ushbu hujjat ishlab chiqilishi boshqa tahliliy maʼlumotlarning hamda loyiha doirasida ko‘zda tutilgan ayrim ishlarning natijasida amalga oshiriladi;

4.   Hozirgi kunga qadar xalqaro mutaxassislar tomonidan bitta qo‘llanma ishlab chiqilgan va uchta qo‘llanmalar ustida ishlar olib borilmoqda;

5.  Asalarichilik bo‘yicha video mahsulotlarni tayyorlash uchun MTRK bilan shartnoma qilingan. Pandemiya sharoiti sababli video lavhalarni olish jarayoni 2021-yil bahor-yoz, kuz va qish fasllariga, asalarichilik davri davomida tugatiladi. Umumiy miqdorda beshta video mahsulotlarni tayyorlash ko‘zda tutilgan;

6.  Loyiha doirasida uchta xalqaro missiyalar tashkil etildi (Yuriy Nesterov (Toshkent), Gaydar Vasil (Asal bayrami doirasida – Farg‘ona, Toshkent) va Lyubov Savushkina (Toshkent, Farg‘ona, Samarqand, ToshDAU)) va trening va seminarlar tashkil etilgan;

7.    Laboratoriya uskunalari texnik spetsifikatsiyasi va ro‘yhati ishlab chiqilgan va ularni sotib olish uchun tender eʼlon qilingan;

Loyiha doirasida asalarichilar uchun onlayn geo-axborot tizimiga asoslangan onlayn platforma ishlab chiqilmoqda. Ushbu tizim bo‘yicha amalga oshirilgan ishlarni taqdim qilish va qo‘shimcha takliflarni olish uchun 2020-yil 22-dekabr kuni asalarichilar bilan hamda joriy yilning 7-aprel kuni o‘simliklarni himoya qilish va qishloq xo‘jaligi sohasi mutahassislar bilan seminarlar tashkil etildi.

FAO tomonidan loyihaga maʼsul shaxs: Ibragimov Furkat,  +99897 444-87-11,  Furkat.Ibragimov@fao.org

Loyihaning milliy koordinatori: Saidov Akmalxo‘ja Shodixujayevich, “Uzchorvanasl” agentligining direktor o‘rinbosari

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: