Sayt test rejimida ishlamoqda!
Ishonch telefoni: 1243
Devonxona: 71 206-70-30

Sabzi

AGRO.UZ > Sabzi
AGRO.UZ > Sabzi

Sabzi – soyabonguldoshlar oilasiga mansub ikki, qisman bir yillik o‘tsimon o‘simliklar turkumi, sabzavot ekini. Sabzi to‘rt ming yildan beri ekib kelinmoqda, hozirgi davrda ushbu turidan seleksiya yo‘li bilan ko‘p madaniy turlari yaratilgan.

Rossiyalik olim Nikolay Vavilov oq va binafsha rang sabzining vatani Afg‘oniston, sariq sabziniki – Xitoy deb taʼkidladi, ammo qizil rang O‘rta Yer dengizida birinchi bo‘lib o‘sgan. Sabzi ekini oftobsevar o‘simlikdir. O‘sishining boshida yorug‘lik yetishmasligiga ayniqsa sezgir, shuning uchun yuqori hosilni faqat yaxshi yoritish bilan olish mumkin, bu esa sabzi o‘simliklarining bir tekis taqsimlanishi bilan taʼminlanadi.

Sabzi qurg‘oqchilikka ancha chidamli, ammo tuproqdagi namlik yetishmasligi bilan o‘simlikning yer usti qismi va ildizmevasi o‘sib rivojlanishi sekinlashadi hamda eti qo‘pollashadi. Haddan tashqari namlik bilan o‘sish deyarli to‘xtaydi, ildizlar nobud bo‘ladi va hosil kamayadi.

Mamlakatimiz hududida barcha viloyatlarda sabzining 29 ta navi ekiladi.

Davlatimizda yetishtirilgan sabzi mahsuloti Afg‘oniston, Belorussiya, Qozog‘iston, Qirg‘iziston, Rossiya davlatlariga eksport qilinadi.

Sabzi navlari

O‘rta-ertaki nav. O‘sish davri 110-130 kun.

Ildizmeva uzunligi 15-16 sm, diametri 3-3,5 sm, o‘zagi ildizmeva diametrining 30% ini tashkil etadi. Ildizmeva vazni 50-80 g.

Hosildorligi 25-27 t/ga.

Yozgi muddatda ekishga yaroqli, oziq-ovqat va qayta ishlash sanoati uchun mo‘ljallangan.

Qayerda yaratilgan: Sabzavot, poliz va kartoshkachilik ilmiy-tadqiqot institutida Toshkent viloyati xalq seleksiyasi namunasidan yakka tanlov usuli bilan.

1946-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

Ertapishar nav. O‘sish davri 82-92 kun.

Bo‘yi 13-17 sm, diametri 3,5-4 sm, o‘zagi ildizmeva diametrining 30% ini tashkil etadi. Po‘sti, eti va o‘zagining ranggi qizg‘ish.

Ildizmeva vazni 60-80 g.

Hosildorligi 24-28 t/ga.

Yozgi va qish oldi to‘qsonbosti muddatlarda ekishga tavsiya etiladi. Oziq-ovqat va konserva sanoatida ishlatishga yaroqli. Yaxshi saqlanadi. Hosilining 8% yorilib ketishga moyil.

Qayerda yaratilgan: Sabzavot, poliz va kartoshkachilik ilmiy-tadqiqot institutida Farg‘ona vodiysi xalq seleksiyasi namunasidan yakka tanlov usuli bilan.

1949-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

Ertapishar nav. O‘sish davri 85-93 kun. Ildizmeva shakli kalta silindrsimon, uchi to‘mtoq, yer yuzasidagi qismi yashil, po‘sti, eti va o‘zagining ranggi sarg‘ish.

Ildizmeva bo‘yi 8-13 sm, diametri 3,5-4 sm, o‘zagi kichik. Seret va sersuv. Yuzasi tekis, mayda ko‘zchali. Ildizmeva vazni 30-43 g.

Hosildorligi 20-22 t/ga. Ertagi va yozgi muddatlarda ekishga yaroqli. Noqulay texnologiya va ob-havo sharoitlarida erkaklab ketish xususiyati bor. Oziq-ovqat va qayta ishlash sanoatidaishlatiladi. Yaxshi va uzoq saqlanadi.

Qayerda yaratilgan: Sabzavot, poliz va kartoshkachilik ilmiy-tadqiqot instituti.

1946-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

Ertapishar nav, texnik pishguniga qadar o‘sish davri 90-100 kun. Ildizmevasi sariq, silindrsimon, uchi to‘mtoq, vazni – 90-120 g.

Hosildorligi 25-30 t/ga. Erta, o‘rta va kechki yozgi muddatlarda ekishga yaroqli.

Qayerda yaratilgan: Sabzavot, poliz va kartoshkachilik ilmiy-tadqiqot instituti.

Muallif: E.A. Aliyev

1993-yil Davlat reyestriga kiritilgan.

Mamlakatimiz hududida Andijon viloyatida ekish uchun tavsiya qilingan.

Ertagi va kechki muddatlarda ekish uchun yaroqli.

Ildizmeva shakli konussimon 11-13 sm, diametri 3-3,2 sm. Yuzasi silliq, rangi qizg‘ish tekis, o‘zagi ildizmeva diametrining 20% ni tashkil etadi. Ildizmeva vazni 60-80 g. O‘sish davri 105-110 kun.

Hosildorligi 35-40 t/ga. To‘qsonbosti va erta bahorgi va kechki muddatlarda ekishga yaroqli.

Qayerda yaratilgan: Sabzavot, poliz va kartoshkachilik ilmiy-tadqiqot institutida Italiyaning Skarlet Nantes navidan yakka tanlash usuli bilan.

Muallif: E.A. Aliyev.

1999-yil Davlat reyestriga kiritilgan.

Mamlakatimiz hududida Andijon, Namangan, Samarqand va Farg‘ona viloyatlarida ekish uchun tavsiya qilingan.

Ildizmeva shakli konussimon, diametri 6,2 sm. Yuzasi silliq, rangi qizg‘ish tekis, o‘zagi ildizmeva diametrini 30% ni tashkil etadi.

Vazni 116 g. O‘sish davri 90 kun.

Hosildorligi 30-35 t/ga. Isteʼmol va qayta ishlash uchun yaroqli. Ildizmeva tarkibida karotin miqdori ko‘p, oziq-ovqat va konserva sanoatida ishlatiladi.

Qayerda yaratilgan: O‘zbekiston o‘simlikshunoslik ilmiy-tadqiqot instituti.

Mualliflar: J. Pirnazarov, R.F. Mavlyanova, J.A. Alimov, J. Bustonov.

2006-yil Davlat reyestriga kiritilgan.

Mamlakatimiz hududida Toshkent viloyatida ekish uchun tavsiya qilingan.

O‘sish davri 112 kun. Bargi to‘q yashil, yaproqlari o‘rtacha kattalikda, ildizmeva shakli konussimon, kalta, po‘stining ranggi sariq, uzunligi 11-14 sm. Ildizmeva vazni 73 g.

Hosildorligi 30-50 t/ga. Gullab ketishga va kasalliklarga chidamli.

Qayerda yaratilgan: Sabzavot, poliz va kartoshkachilik ilmiy-tadqiqot instituti.

Mualliflar: A.N. Saitmuratov, M.X. Aramov, B.B. Baxramov, R.A. Hakimov.

2014-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

O‘rtapishar nav.

Ildizmeva shakli silindrsimon, uchi to‘mtoq, uzunligi 15-16 sm, diametri 3-4 sm, yuzasi tekis, ko‘zchalari mayda, po‘stining ranggi qizil, eti va o‘zagining rangi qizg‘ish.

Hosildorligi gektaridan 11-12 t, ildizmeva vazni 60-120 g.

Konserva sanoati uchun yaroqli. Yaxshi saqlanadi.

Qayerda yaratilgan: Butunittifoq sabzavot ekinlari seleksiyasi va urug‘chiligi ilmiy-tadqiqot institutida Nantskaya namunasidan yakka tanlov usuli bilan.

Mualliflar: S.P. Agapova, S.I. Jegalov, L.I. Gubina.

1943-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

O‘rtapishar nav. Barglari yashil, qattiq tukli. Ildizmeva shakli konussimon, po‘sti, eni va o‘zagining rangi sariq, uzunligi 13-15 sm, diametri 3,5-4 sm.

Ildizmeva vazni 32-42 g. O‘sish davri 84-93 kun.

Hosildorligi 20-22 t/ga.

Uzoq va yaxshi saqlanadi, konserva sanoatida qayta ishlanadi.

Qayerda yaratilgan: G‘arbiy Sibir kartoshkachilik va sabzavotchilik seleksiyasi stansiyasida Fransiyaning Shantane navidan yakka tanlov usuli bilan.

Mualliflar: S.V. Generalov, S.S. Kravchuk.

1948-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

O‘rtapishar nav. Ildizmeva shakli silindrsimon, po‘sti, eti qizil, uzunligi 12-14 sm, o‘zagining diametri 3,2-4 sm.

Vazni 48,5 g. O‘sish davri 115 kun.

Hosildorligi 37-40 t/ga.

Yuqori hosildor nav, kasalliklarga chidamli, transportda tashishga qulay.

Qayerda yaratilgan: Gollandiyaning “BEYO-ZADEN” firmasi.

2002-yil Davlat reyestriga kiritilgan.

Mamlakatimiz hududida Andijon, Buxoro, Samarqand, Sirdaryo viloyatlarida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: