Sayt test rejimida ishlamoqda!
Ishonch telefoni: 1243
Devonxona: 71 206-70-30

Baqlajon

AGRO.UZ > Baqlajon
AGRO.UZ > Baqlajon

Baqlajon – ituzumdoshlar oilasiga kiruvchi issiqsevar, bir yillik o‘simlik bo‘lib, uning vatani Hindiston. Baqlajonning mayda (40-60 g) mevali turlari Xitoy, Yaponiyada, yirik (150-200 g) meva­lari, Hindistonda yaratilgan.

Baqlajon mevasini eksport qilishning qulayliklari shundaki, yig‘ishtirilgan hosilni transportlarda bozorlarga yoki boshqa shaharlarga jo‘natishda pomidor yoki boshqa sabzavotlar kabi ko‘p harajat ta­lab qilmaydi, shuningdek, tez urinmaydi va sifati yo‘qol­maydi.

Baqlajon o‘simligi mexanik tarkibi yengil, unumdor, loy­qa o‘tirgan yerlarda, shuningdek, soz tuproqli va yaxshi o‘g‘itlan­gan qumloq tuproqli yerlarda, tarkibida 5% gumus bo‘lgan tuproqlarda yaxshi o‘sadi. Mexanik tarkibi og‘ir yerlar va sho‘r­langan yoki botqoqlangan yer­larda unchalik yaxshi o‘smaydi. Baqlajonning tuproq unumdorligiga bo‘lgan talabi ham katta.

Yurtimiz hududida deyarli barcha viloyatlarda baqlajonning 22 navi ekiladi.

Mamlakatimizda yetishtirilgan baqlajon mahsuloti Belorus Respublikasi, Qozog‘iston, Qirg‘iziston, Rossiya, Tojikiston kabi davlatlarga eksport qilinadi.

O‘rtapishar nav, o‘sish davri 110–115 kun.

Tupi yirik, baland bo‘yli.

Mevasi sharsimon, texnik yetilganda to‘q binafsharang, biologik yetilganda rangi sariq, eti och yashil, o‘rtacha tig‘izlikda, vazni 150–200 g.

Hosildorligi 35–40 t/ga.

Qayerda yaratilgan: O‘zbekiston.

2013-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

O‘rtapishar nav, o‘sish davri 110–120 kun.

Tupi yirik, baland bo‘yli.

Mevasi silindrsimon, texnik yetilganda rangi to‘q binafsha, biologik yetilganda jigarrang-sariq, eti och yashil, o‘rtacha tig‘izlikda, vazni 180–220 g.

Hosildorligi 40–45 t/ ga. Chi­rish kasalligiga chidamli, fuzarioz va vertitsillyoz kasal­liklariga chidamsiz.

Qayerda yaratilgan: O‘zbekiston.

1982-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

Erta­pishar nav, o‘sish davri 98 kun. O‘simlik tik o‘suvchi, bo‘yi 70 sm. Poyasi yashil rangda, tikansiz.

Meva shakli uzun, silindrsi­mon, mevada urug‘lar miqdori o‘rtacha. Mevaning rangi qora, binafsha, tashqi ko‘rinishi sil­liq, yaltiroq. Vazni 130 g. Meva mag‘zi och yashil rangda.

Hosildorligi 75 t/ga.

Qayerda yaratilgan: O‘zbekiston.

2015-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

Ertapishar nav, o‘sish davri 95 kun. O‘simlik tik o‘suvchi, serbarg, zich shoxlanuv­chan. O‘simlik bo‘yi 85 sm. Poyasi yashil rangda, tikansiz.

Mevasi shakli, silindrsimon, mevada

urug‘lar miqdori o‘rtacha. Mevaning rangi qora, binafsha, tashqi ko‘rinishi silliq, yaltiroq. Vazni 160 g, mag‘zi­ning eti och yashil rangda.

Hosildorligi 110 t/ga.

Qayerda yaratilgan: O‘zbekiston.

2011-yil Davlat reyestriga kiritilgan.

Mamlakatimiz hududida barcha viloyatlarda ekish uchun tavsiya qilingan.

Mevasining shakli cho‘zinchoqsimon, silliq, to‘q siyohrang. Vazni 250 g, uzunligi 18-24 sm. O‘sish davri 105 kun. Hosildor­ligi gektaridan 2013-2014-yillarda Chinoz nav sinash stan­siyasida 60,5 t/ga, Mingbuloq nav sinash stansiyasida 53.5 t/ ga ni tashkil etgan. Yuqori hosildor, yangiligicha isteʼmol qilish­ga va qayta ishlashga mo‘ljallangan, kasalliklarga chidam­li, transportda tashishga qulay va fermer xo‘jaliklarida ekishga tavsiya etiladi.

Qayerda yaratilgan: Ispaniya davlatining “Similos fito” firmasining duragayi.

2015-yil Davlat reyestriga kiritilgan

Mamlakatimiz hududida Na­mangan, Surxondaryo va Toshkent viloyatlarida ekish uchun tavsiya qilingan.

Mevasining shakli uzunchoq, rangi to‘q siyohrang, silindrsimon. Vazni 190 g, uzunligi 17-18 sm.

Hosildorligi 2007-2008-yillarda Toshkent nav sinash uchastka­sida gektaridan 37,0 t. O‘cish davri 100 kun. Yangiligicha isteʼmol qilishga va qayta ishlashga mo‘ljallangan, kasalliklarga chidamli, transportda tashish uchun qulay va fermer xo‘jaliklarida hamda dala hovli va aholi tomorqasida ekishga tavsiya etiladi.

Qayerda yaratilgan: Gollandiya davlatining “Nunems” firma­sining duragayi.

2009-yil Davlat reyestriga kiritilgan.

Mamlakatimiz hududida Toshkent viloyatida ekish uchun tavsiya qilingan.

Meva shakli uzunchoq-silindrsimon, rangi to‘q siyohrang. Vazni 245 g, uzunligi 20-24 sm.

Hosildorligi 2008-2009-yillarda Toshkent nav si­nash uchastkasida gektaridan 46,5 t. O‘sish davri 110 kun. Yangiligicha istemol qilishga va qay­ta ishlashga mo‘ljallangan, kasalliklarga chidamli trans­portda tashishga qulay va fermer xo‘jaliklarida ekishga tavsiya etiladi.

Qayerda yaratilgan: Yaponiya davlati­ning “Sakata” urug‘chilik kompa­niyasining duragayi.

2010-yil Davlat reyestriga kiritilgan.

Mamlakatimiz hududidaAndijon, Namangan,Farg‘ona va Toshkent viloyatlarida ekish uchun tavsiya qilingan.

Meva shakli ovalsimon-silindrsimon, rangi to‘q qora. Vazni 210 g, uzunligi 15-17 sm. O‘sish davri 125 kun.

Hosildorligi 2010-2011-yillarda Toshkent nav sinash uchastkasida gek­tardan 44,0 tonnani tashkil etgan. Yuqori hosildor, yangiligicha isteʼmol qilishga va qay­ta ishlashga mo‘ljallangan, kasalliklarga chidamli, trans­portda tashishga qulay va fermer xo‘jaliklarida ekishga tavsiya etiladi.

Qayerda yaratilgan: Fransiya davlatining “Vilmorin” firmasi­ning duragayi.

2012-yil Davlat reyestriga ki­ritilgan.

Mamlakatimiz hududida barcha viloyatlarda ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: