Sayt test rejimida ishlamoqda!
Ishonch telefoni: 1243
Devonxona: 71 206-70-30

Suli

AGRO.UZ > Suli
AGRO.UZ > Suli

Suli – boshoqdoshlarga mansub bir yillik va ko‘p yillik o‘simliklar turkumi; g‘alla ekini. Poyasi tik o‘sadi. Bo‘yi 50–120 sm. Bargi 3–5 mm. Mevasi – don, ko‘pchilik navlarida qobiqli (qobiqsiz shakllari ham bor). Suli namsevar, lekin issiqqa uncha talabchan emas. Urug‘i past harorat (4–5°С)da unib chiqadi. O‘zidan changlanadi. Harorat 16–22°С bo‘lganida yaxshi o‘sib-rivojlanadi. O‘suv davri 80–110 kun. Kuzda ekiladigan xili bor. Suli doni tarkibida o‘rtacha 13,3% protein, 4,7% moy, 40,1% kraxmal, 13,2% kletchatka, 4,0% kul, V guruhi vitaminlari bor. Suli donidan har xil yormalar va un tayyorlanadi.

Suli urug‘i dukkakli don ekinlaridan bo‘shagan yerlarga ekiladi. Yer o‘tmishdosh ekinlarning qoldiqlari va begona o‘tlardan tozalangach, 25–27 sm chuqurlikda yumshatilib, tekislanadi. Suli oraliq ekin sifatida oktabr oyida yoppasiga qatorlab ekiladi, qator orasi 15 sm bo‘ladi. 10 sotix joyga 0,8–1 kg urug‘ ekiladi. Ekish chuqurligi 5–7 sm bo‘ladi. Kuzgi amal davrida 1–2 marta sug‘oriladi. Bahorgi amal davrida 1–2 marta sug‘orilib, o‘toq qilinadi. Suli ko‘kat uchun ro‘vaklash-gullash davrida o‘riladi. Don uchun esa to‘la yetilganda o‘riladi, yanchiladi, tozalanadi.

Hozirgi kunda O‘zbekistonda sulining 4 navi yetishtiriladi.

Suli navlari

O‘zbekiston chorvachilik ilmiy-tekshirish instituti «Zotdor elita» ilmiy ishlab chiqarish birlashmasida “Bezantina-11” navidan qishlaydigan o‘simliklarni yakkalab va ko‘plab tanlash yo‘li bilan yaratilgan.

Vegetatsiya davri don uchun 198-205, yashil ozuqa uchun 171-174 kun. Nav qishga chidamli, yotib qolish va to‘kilishga bardoshli. Navning bargliligi yaxshi, 43,0-45,0%.

1980-yildan Respublikaning sug‘oriladigan yerlarida kuzgi muddatda ekilmoqda va Davlat reyestriga kiritilgan.

Mamlakatimiz hududida barcha viloyatlarida ekish uchun tavsiya qilingan.

O‘zbekiston chorvachilik ilmiy-tekshirish institugi «Zotdor elita» ilmiy ishlab chiqarish birlashmasida  sobiq ittifoq o‘simlikshunoslik seleksion navi.

Tupi yarimtaroq. Poyasi mustahkam. Gul va boshoq qipig‘i bir xil tuzilishda. Doni o‘rtacha yiriklikda, 1000 ta doni vazni 19,0-22,0 g. O‘rtacha don hosildorligi 26,0-29,0 sentnerga teng, yashil ozuqa hosili 665,0 sentner. Vegitatsiya davri kuzda (oraliq ekin sifatida) – 190 kun. Yotib qolishga bardoshli.

1981-yildan Davlat reyestriga kiritilgan.

Mamlakatimiz hududida Samarqand, Surxondaryo va Toshkent viloyatlarida ekish uchun tavsiya qilingan.

O‘rta-ertapishar suli navi, qishlovni yaxshi o‘tkazadi, kasalliklarga chidamliligi yuqori, 1000 dona urug‘ vazni 29 gr. Tarkibidagi protein miqdori 13-15%. Tarkibidagi moy miqdori 6-7%. Hosildorligining genetik potensiali yuqori. Turli sharoitlarda yetishtirish mumkin, moslashuvchan. Ushbu navni boshqa dukkaklilar bilan aralash xolda ham yetishtirish mumkin.

2020-yildan Davlat reyestriga kiritilgan.

Mamlakatimiz hududida Qashqadaryo va Toshkent viloyatlarida ekish uchun tavsiya qilingan.

O‘zbekiston chorvachilik ilmiy-tekshirish instituti va sobiq ittifoq o‘simlikshunos institutining seleksion navi.

Mualliflari: A. S. Holiqov, G. A. Ayrapetov, A. S. Azimov, A.Y. Trofimovekaya, N. A. Rodionova.

Biologik bahorgi, Pugnaks turiga mansub, tupi tik o‘sadi. Baland, keng, tishchasi oddiy, ruvagi yirik, bir yolli, sarg‘ish -qo‘ng‘ir, qiltig‘i uzun 1,5 sm, nozik, asosi qoramtir. Doni yirik, jigarrang. 1000 ta donining vazni 29,8-31,2 g.

1981-yildan Davlat reyestriga kiritilgan.

Mamlakatimiz hududida Samarqand, Surxondaryo va Toshkent viloyatlarida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: