Sayt test rejimida ishlamoqda!
Ishonch telefoni: 1243
Devonxona: 71 206-70-30

Mosh

AGRO.UZ > Mosh
AGRO.UZ > Mosh

Mosh – bir yillik o‘tsimon o‘simlik. Ildizlaridagi tuganak bakteriyalar orqali o‘simlik o‘zini azot bilan taʼminlaydi. Poyasi dumaloq ko‘rinishda, qirrali. Bo‘yi 30-130 sm gacha bo‘lib, o‘rtacha 50-60 sm, yaxshi shoxlanadi. Poyasi katta maydonni egallashi tufayli mexanizatsiya yordamida yig‘ishtirish og‘ir. Pishib yetilgan dukkaklari jigarrang, deyarli qora bo‘ladi. O‘simlik poyasidan osilib turadi, pishgandan keyin tez yig‘ishtirilmasa chatnaydi. Urug‘i mayda, sal cho‘zinchoq;, hajmi 3-5 mm, rangi sarg‘imtir, yashil, qora bo‘ladi.

Mosh issiqqa talabchan o‘simlik bo‘lib, urug‘lari 10-12°C da una boshlaydi. Moshning urug‘lari 20-22°C da 4-5 kunda unib chi­qadi. Bahorgi sovuqlarga chidamsiz. Yosh maysalari ham, katta voyaga etgan o‘zsimliklari ham 1-2°С sovuqda halok bo‘ladi.

Mosh yorug‘likka talabchan o‘simlik hisoblanadi. Qurg‘oqchil sharoitda o‘sa olmaydi. Mosh biologik xususiyatlariga ko‘ra tuproqqa nisbatan talabchan emas. Qora, bo‘z, o‘tloq bo‘z, qumoq, soz, sal sho‘rlangan tuproqlarda yaxshi o‘sib rivojlanadi. O‘tloq bo‘z tuproqlar O‘zbekistonda mosh uchun eng yaxshi tuproq hisoblanadi. Tuproq tarkibida oziq moddalar kam bo‘lsa ham mosh ildizidagi tuganak bakteriyalar yordamida o‘zini o‘zi azot bilan taʼminlaydi.

Mosh o‘z-o‘zidan changlanuvchi o‘simlik. O‘sish davri 80-120 kun. Takroriy ekilgan paytida o‘sish davri bahorgiga qaraganda 15-10 kunga qisqaradi.

Hozirgi kunda O‘zbekistonda moshning 10 navi yetishtiriladi.

Bugungi kunda yurtimizda yetishtirilayotgan mosh mahsuloti Avstraliya, Avstriya, Ozarbayjon, Afg‘oniston, Belgiya, Buyuk Britaniya, Vyetnam, Germaniya, Hindiston, Indoneziya, Iroq Respublikasi, Eron, Qozog‘iston, Qatar, Xitoy, Koreya, Qirg‘iziston, Latviya, Mongoliya, Niderlandiya, BAA, Pokiston, Polsha, Rossiya, Tojikiston, Tayvan, Turkmaniston, Turkiya, Ukraina kabi mamlakatlarga eksport qilinmoqda.

Mosh navlari

O‘zbekiston sholi­chilik ilmiy-tekshirish instituti tomonidan yaratilgan. 1984-yildan mamlakatning sug‘oriladigan yerlari uchun iqlimlashtirilgan, rangli, silliq, kam hollarda egilgan, 10-14 urug‘li bo‘ladi.

Urug‘lari o‘rtacha yirik, uzunchoq, yashil rangli, silliq, kam  yaltiroq ypyg‘ pallasi oq rangda. Urug‘ida oqsil miqdori 27%.

Mamlakatimiz hududida barcha viloyatlarda ekish uchun tavsiya qilingan.

Nav yakka tanlov yo‘li bilan yaratilgan. Bu yangi navni don, ko‘k poya olish uchun bug‘doydan keyin takroriy ekin sifatida ang‘izga ekish tavsiya etiladi. Pishish davri 80-85 kun, hosildorligi gektaridan 13-17 s, o‘simlik bo‘yi 65-75 sm, urug‘ida oqsil moddasi-28%, 1000 dona urug‘ vazni 55-60 g, poya ko‘rinishi shtambli, guli sariq, ertapishar nav, ekish muddati 20-25-aprel, meʼyori 10-12 kg/ga.

Mamlakatimiz hududida barcha viloyatlarda ekish uchun tavsiya qilingan.

2005-yilda rayonlashtirilgan bo‘lib tanlov yo‘li bilan yaratilgan, don va ko‘k poya olish uchun asosiy ekin hamda takroriy ekin sifatida ang‘izga bug‘doydan keyin ekishga tavsiya etiladi. O‘suv davri 90-95 kun, hosildorligi gektaridan 14-16 s/ga, o‘simlik bo‘yi 95-100 sm, urug‘da oqsil miqdori 22– 24%, 1000 dona urug‘ vazni 60-65 g., poya ko‘rinishi shtambli, guli sariq, ertapishar nav, ekish muddati takroriy ekinda 20-iyungacha urug‘ ekish meʼyori 10-12 kg.

Mamlakatimiz hududida barcha viloyatlarda ekish uchun tavsiya qilingan.

Nav originatori: O‘simlikshunoslik ilmiy-tadqiqot institutining seleksion navi.

Nav mualliflari: Alimov J, Pirnazarov J, Mavlyanova R.

Ekishga tavsiya etilgan mintaqalar: 2011-yildan Respublika bo‘yicha Davlat reyestriga kiritilgan. O‘simlikning bo‘yi o‘rtacha 35-40 sm. Doni o‘rtacha kattalikda, silliq. 1000 ta donining vazni o‘rtacha 64,0 g. O‘rtacha don hosildorligi 23,8 sentner. Vegetatsiya davri o‘rtacha 54 kun. Navning yotib qolishga chidamliligi 5,0 ball, to‘kilishga chidamliligi 5,0 ball. Taʼm sifati yaxshi.

Sinov yillarida qishloq xo‘jalik kasalliklari va hasharotlari bilan zararlanmadi.

Mamlakatimiz hududida barcha viloyatlarda ekish uchun tavsiya qilingan.

Nav originatori: O‘simlikshunoslik ilmiy-tadqiqot institutining seleksion navi.

Nav mualliflari: Mavlyanova R, Alimov J, Pirnazarov J.

Ekishga tavsiya etilgan mintaqalar: 2008-yildan Respublika bo‘yicha Davlat reyestriga kiritilgan. O‘simlikning bo‘yi o‘rtacha 35-40 sm. Doni o‘rtacha kattalikda, silliq. 1000 ta donining vazni o‘rtacha 72 g. O‘rtacha don hosildorligi 29,0 sentner. Vegetatsiya davri o‘rtacha 61-67 kun.

Navning yotib qolishga chidamliligi 5,0 ball, to‘kilishga chidamliligi 5,0 ball. Taʼm sifati yaxshi. Sinov yillarida qishloq xo‘jalik kasalliklari va hasharotlari bilan zararlanmadi.

Mamlakatimiz hududida barcha viloyatlarda ekish uchun tavsiya qilingan.

Nav originatori: O‘simlikshunoslik ilmiy-tadqiqot institutining seleksion navi.

Nav mualliflari: Mavlyanova R, Alimov J, Pirnazarov J.

Ekishga tavsiya etilgan mintaqalar: 2008-yildan Respublika bo‘yicha Davlat reyestriga kiritilgan. O‘simlikning bo‘yi o‘rtacha 45-50 sm. Doni o‘rtacha kattalikda, silliq. 1000 ta donining vazni o‘rtacha 79,3-83,1 g. O‘rtacha don hosildorligi 25,3 sentner. Vegetatsiya davri o‘rtacha 75 kun. Navning yotib qolishga chidamliligi 5,0 ball, to‘kilishga chidamliligi 5,0 ball. Taʼm sifati yaxshi.

Sinov yillarida qishloq xo‘jalik kasalliklari va hasharotlari bilan zararlanmadi.

Mamlakatimiz hududida barcha viloyatlarda ekish uchun tavsiya qilingan.

Nav originatori:  O‘zbekiston O‘simlikshunoslik ilmiy-tadqiqot institutining seleksion navi.

Nav mualliflari: Alimov J, Vorovit S, Mayalyanova R, Pirnazarov J, Alimova G.

Ekishga tavsiya etilgan mintaqalar: 2012-yildan Respublika bo‘yicha sug‘oriladigan yerlarda Davlat reyestriga kiritilgan. O‘simlik bo‘yi o‘rtacha 150 sm. Vegetatsiya davri o‘rtacha 110-120 kun. 1000 dona urug‘ vazni o‘rtacha 2,6-3,0 g. Don to‘kilishga bardoshli.

O‘rtacha hosildorlik: 17-18 s/ga. Dondagi oqsil miqdori 24 %.

Sinov yillarida qishloq xo‘jalik kasalliklari va hasharotlari bilan zararlanmadi.

Mamlakatimiz hududida barcha viloyatlarda ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: