Olma

Zarari: binafsha rang qalqondor, vergulsimon qalqondor, ayrim xo‘jaliklarda kaliforniya qalqondori mevalarga sezilarli zarar keltiradi. Qalqondorlarning ko‘p tarqalganligi ayrim novdalarni qurib qolishiga sabab bo‘ladi.

Kurash choralari: erta bahorda daraxt kurtaklari yozilgunga qadar, havo harorati 4°C dan past bo‘lmaganda “Nitrafen” preparati bilan ishlov berish yaxshi natija beradi.

Zarari: Voyaga yetgan bit, uning lichinkasi daraxtlarning kurtagi, bargi, guli va yosh novdalari shirasini so‘rib zarar yetkazadi. Zararlangan barg qorayib to‘kilib ketadi, novdalar qing‘ir-qiyshiq, mevasi qattiq, bemaza bo‘lib, yaxshi rivojlanmaydi.

Kurash choralari: Olmaning surx novdalari va ildizdan o‘sib chiqqan shoxchalar butab tashlanadi va bog‘dan tashqariga olib chiqib, yo‘qotiladi, olma bog‘lariga oltinko‘z entomofagi tarqatiladi, shuningdek, o‘ta ko‘payib ketganda kimyoviy preparatlar yordamida ishlov beriladi.

Zarari: kasallik asosan barglar, mevalar, novdalar, barg bandlari, meva bandi, gul kosa barglarini zararlaydi. Kasallangan barglarning ustki tomonida yumaloq qo‘ng‘ir dog‘lar, orqa tomonida esa duxobasimon to‘q yashil g‘uborlar paydo bo‘ladi, natijada barglar quriydi va to‘kilib ketadi.

Kurash choralari: kasallikni batamom yo‘qotishga qaratilgan himoya tadbirlarini kuzda barglar yoppasiga to‘kilish davrida yoki erta bahorda daraxtlar kurtak yozishdan avval 3 foizli “Bordo suyuqligi” bilan ishlov o‘tkazish tavsiya qilinadi.

Zarari: zamburug‘li kasallik bo‘lib, yosh novdalarning uchini va bargini zararlaydi. Bunda novdaning uch tomoni va bargi oq unsimon g‘ubor bilan qoplanadi. Natijada novdalar o‘sishdan orqada qoladi yoki butunlay o‘smaydi .

Kurash choralari: olma daraxtlaridagi kasallangan novdalari erta bahorda kesib tashlanadi. O‘suv davrida daraxtlarga fungitsidlar bilan kimyoviy ishlov beriladi.