ILM-FAN VA ISHLAB CHIQARISH INTEGRATSIYASIDA HAMKORLIK

O‘zbekiston Respublikasi Qishloq xo‘jaligi vazirligi huzuridagi Qishloq xo‘jaligini mexanizatsiyalash ilmiy-tadqiqot instituti direktori Shuhrat Azizov boshchiligida institutning laboratoriyalari rahbarlari, yetakchi ilmiy xodimlar, doktorant hamda tayanch doktorantlar Toshkent viloyati Chirchiq shahridagi qishloq xo‘jalik mashinasozlik “AgroTech Klaster” ga tashrif buyurishdi. Uning faoliyati bilan tanishish maqsadidagi mehmonlarni klaster rahbar o‘rinbosari Turabek Usmonov va kadrlarni tayyorlash hamda malakasini oshirish bo‘yicha masʼul xodim Yormamat Xoliyorov kutib olishdi hamda yangi qurilayotgan korxonaning ishlab chiqarish imkoniyatlari va sexlari haqida batafsil so‘zlab berishdi.

Tanishuv jarayonida tomonlar ishlab chiqarilayotgan qishloq xo‘jaligi texnikalarining sifatini oshirish, hamkorlikda institut olimlari tomonidan yaratilgan texnikalarni seriyali ishlab chiqarishga yo‘naltirish bo‘yicha fikr-mulohazalar almashdilar. Shungdek, kelgusida amalga oshirilishi lozim bo‘lgan vazifalarni belgilab olindi.

Ilm-fan integratsiyasiga qaratilgan ushbu uchrashuv ikki tomon uchun ham juda foydali bo‘ldi.