Talabalar almashinuvi – hamkorlikning samarali usuli

Bugun yoshlarning bilim olishlari va o‘zlari tanlagan soha bo‘yicha tajriba almashishlari uchun nafaqat yurtimizda, balki qo‘shni mamlakatlarda ham keng imkoniyatlar yaratilmoqda.

Mana shu imkoniyatlarning ijobati sifatida S.Sayfulin nomidagi Qozog‘iston agrotexnika universitetining magistrantlari amaliyot o‘tash, bilim va ko‘nikmalarini yanada oshirish maqsadida Qishloq xo‘jaligi vazirligi huzuridagi “Tuproqsifattahlil” DUKga tashrif buyurishdi.

Dastlab, mehmon talabalar korxona faoliyati bilan, so‘ngra eng so‘nggi rusumdagi jihozlar bilan ta’minlangan laboratoriyada tuproq tahlillariga oid ma’lumotlar bilan yaqindan tanishdi. Shuningdek, o‘zlarining mamlakatlaridagi laboratoriya haqida ham so‘zlab berishdi.