Innovatsiya taraqqiyot sari muhim qadam

Shiddat va qat’iyat bilan rivoj topayotgan davrimizning har bir onidagi o‘y-fikr bu – yangilikka intilishdir. Iqtisodiyotning har jabhasi ham shu bilan tirik.

Inson tirishqoqligi va intiluvchanligi barcha sohalarda o‘zgarishlar qilayotgani rost. Demak, innovatsiyalar hayotimizning ajralmas qismiga aylanib ulgurgani ham bor haqiqat. Galdagi vazifa – uni amaliyotga joriy qilib borishlikdadir.

Ayni mana shu kabi fikrlar “Xalq so‘zi” gazetasining 2024-yil 5-yanvar sonida “Innovatsiya taraqqiyot sari muhim qadam” ruknida Qishloq xo‘jaligi vaziri Ibrohim Abdurahmonov  bilan berilgan suhbatda aks etgan.

Maqolada qishloq xo‘jaligida erishilayotgan natija va yutuqlar, ilmiy salohiyat yuksalishi, olimlarning ishlanmalarini amaliyotga joriy etish masalalarmi haqida atroflicha fikr yuritilgan.

Ushbu rukn orqali kelgusida qishloq xo‘jaligidagi eng so‘nggi yangiliklar, ilmiy tadqiqot loyihalari natijalari, sohaga tatbiq etilayotgan xorijiy innovatsion ishlanmalar, kashfiyotlar haqida doimiy tarzda maqolalar berib boriladi.

Bu esa o‘z navbatida dehqon va fermer xo‘jaliklarini o‘ylantirayotgan muammolarga yechim bo‘yicha tavsiyalar, ularga zarur bo‘lgan ma’lumotlar uchun ishonchli manba, axborot vazifasini o‘taydi.

Gazetani o’qish uchun havola.