“Doni mayda, o‘rtacha yirik, yirik” ushbu ta’rif qaysi bug‘doy turiga tegishli?

O‘zR Qishloq xo‘jaligi vazirligi veb-sayti tezkor aloqa chatiga foydalanuvchilardan savollar kelib tushmoqda. Savollar agrar sohaga oid turli mavzularda bo‘lib, ularga vazirlikning tegishli mutaxassislari ishtirokida javoblar tayyorlanmoqda.

“Doni mayda, o‘rtacha yirik, yirik” ushbu ta’rif qaysi bug‘doy turiga tegishli?

Ushbu tarif asosan yumshoq bug‘doy tur xiliga mansub. Respublikada davlat reestriga kiritilgan kuzgi va bahorgi yumshoq bug‘doy navlarnining aksariyati doni o‘rtacha yiriklikda 1000 dona don vazni 40-42 gr.ni tashkil etadi. Doni yirik bo‘lgan mahalliy seleksiyaga oid Asr, Andijon-2, Zvezda navlari, xorijiy seleksiyaga mansub Vassa, Grom, Kroshka, Antonina yumshoq bug‘doy navlari 1000 dona don vazni 43-45 gr.ni tashkil etadi. Respublika hududida boshoqli don ekinlardan doni mayda Sferakokum tur xili (1000 dona don vazni 33-38 gr) va doni yirik Tritikale ekini maydonlari kengaymoqda (1000 dona don vazni 50-52 gr.). Bug‘doy donining yirik mayda bo‘lishi yetishtirish sharoitiga ham bog‘liq, vegetatsiya davrida yetarli me’yorda suv bilan ta’minlanmasa, (3500- 3900 kub metr) doni mayda bo‘lib qoladi.