O‘ZBEKISTON VA JAZOIRNING AGRAR SOHADAGI ISTIQBOLLARI

Kuni kecha Qishloq xo‘jaligi vaziri Aziz Voitov Jazoir Xalq Demokratik Respublikasining O‘zbekistondagi  elchisi Bumedien Gennad bilan uchrashuv o‘tkazdi. Unda agrar sohadagi ikki-tomonlama hamkorlikning joriy holatini tahlil qilish va yangi istiqbolli yo‘nalishlarini belgilab olishdagi ayrim masalalari muhokama qilindi

Muloqot chog‘ida O‘zbekiston qishloq xo‘jaligida boy tarixga yega mamlakat sifatida va hozirgi kunda agrar sohada  texnologiya va innovatsion amaliyotlardan foydalangan holda tarmoqlarni modernizatsiya qilishda salmoqli yutuqlarga yerishilgani hamda ushbu tajribani Jazoirlik hamkorlar bilan almashishga tayyorligini ma’lum qilindi.

Uchrashuvda, shuningdek, Orolbo‘yining qurg‘oqchil va sho‘rlangan yerlariga qarshi kurashda Jaizoir tajribasini, mutaxassislarini hamda yerlarni qayta tiklash va ekinlar yetishtirish bo‘yicha tajriba loyihasi uchun yer maydoni ajratishdan manfaatdorligini bildirildi.

Bundan tashqari, O‘zbekiston Jazoirning sug‘orish texnikasi bo‘yicha tajribasidan foydalanishi mumkin, bu yesa O‘zbekiston paxta va mevali yekinlari hosildorligini oshirishga yordam berishiga ham alohida e’tibor qaratildi.

Muzokaralarda O‘zbekiston Jazoirga quritilgan meva-sabzavot kabi qishloq xo‘jaligi mahsulotlarini eksport qilish salohiyati, o‘z navbatida, Jazoirdan O‘zbekistonga don va kartoshka mahsulotini eksport qilish imkoniyatlar yuzasidan fikr almashildi.

Uchrashuvda qayd etilgan masalalarni atroflicha muhokama qilish maqsadida olim va mutaxassislardan iborat Jazoir delegatsiyasini O‘zbekistonga tashrifini tashkil etish taklifi ilgari surildi.