NAV SINASH TAJRIBA MAYDONLARIDAGI ISH JARAYONI О‘RGANILMOQDA

Qishloq xо‘jaligi vazirligi huzuridagi Qishloq xо‘jaligi ekinlari navlarini sinash markazi xodimlari tomonidan respublikamiz hududlaridagi nav sinash stansiya va uchastkalarning tajriba maydonlarida amalga oshirilayotgan ishlar о‘rganilmoqda. Jumladan Farg‘ona, Andijon va Namangan viloyatlarida joylashgan tajriba maydonlaridagi  ish jarayonlari bilan tanishdilar.

Ushbu о‘rganishdan asosiy kо‘zlangan maqsad tajriba maydonlarida ekilgan va ekilayotgan yangi navlarning bugungi kundagi holati bilan tanishish va yuzaga kelayotgan muammolarni joyida hal etish hamda yо‘l qо‘yilayotgan kamchiliklarni bartaraf etishda asoslantirilgan tavsiyalar berishdan iborat.

Davlatimiz rahbarining Jizzax viloyati Paxtakor tumaniga tashrifi chog‘ida dala chetlaridagi yerlardan samarali foydalanish, fermerlar va agrar soha ishchilariga qulaylik yaratish maqsadida dala uylarini qurish zarurligi haqida kо‘rsatma bergan edilar.

Shundan kelib chiqib, markaz xodimlari tomonidan bu borada stansiya va uchastkalarning tajriba maydonlarida olib borilayotgan ishlarga ham e’tibor qaratishdi.

Otabek Abdullayev Qishloq xо‘jaligi ekinlari navlarini sinash markazi bosh mutaxassisi:

— Tajriba maydonlarida yaratilayotgan qulay sharoitlar tufayli ishchilarimizning kо‘tarinki ruhda ishlashiga va ish samaradorligining oshishiga erishiladi, shuningdek, belgilangan agrotexnik tadbirlarni о‘z muddatlarida sifatli amalga oshirish va hosildorlikning ortishiga xizmat qiladi. Sohada olib borilayotgan islohotlar natijasida kelajakda stansiya va uchastkalarimiz moddiy-texnik bazasini kuchaytirish hamda tajriba maydonimizda zamonaviy resurs tejamkor texnologiyalar jalb qilishni rejalashtirmoqdamiz.

Namangan viloyati Mingbuloq navlarni sinash uchastkasi 1953-yilda о‘z faoliyatini boshlagan hamda 2003 yilda qayta tashkil etilgan. Bu uchastka tajriba maydonida asosan qishloq xо‘jaligi ekinlarining yangi navlarini sinash, sinovda erishilgan natijalarga asosan davlat reestriga kiritish uchun tegishli xulosa berish bilan shug‘ullanadi. Bugungi kunda tajriba maydonlarida asosan paxta, g‘alla, sabzavot, makkajо‘xori, sholi hamda ochiq va yopiq usulda ekiladigan sabzavotlarning turli xil navlari sinaladi.

Nosirjon Qovlonov Mingbuloq navlarini sinash uchastkasi rahbari:

— Dala maydonimizda xorijdagi seleksionerlar tomonidan tan olingan navlarning О‘zbekiston iqlim sharoitiga moslashuvchanligi, hosildorligi, ertapisharligi hamda hashorat va kasalliklarga chidamliligi, agrotexnik jihatlari shuningdek, hosildan olinayotgan iqtisodiy samaradorligi 2-3 yil davomida sinovdan о‘tkaziladi. Shundan sо‘ng yangi navlar bо‘yicha sinov natijalari asosida Markaz tomonidan davlat reestriga kiritish uchun ekspertlar komissiyasiga takliflar taqdim etiladi. Ekspetlar komissiyasi xulosasiga asosan tuproq iqlim sharoitidan kelib chiqib, hududlardagi fermer xо‘jaliklari va tomorqa yer egalariga tavsiya beriladi.

О‘rganishlar davomida aniqlangan kamchiliklarni bartaraf etish bo‘yicha tavsiyalar berildi hamda ish jarayonida yuzaga kelayotgan muammolarni ijobiy hal etish yuzasidan amaliy yordam berilmoqda. Shuni aytib о‘tish kerakki, nav sinash tajriba maydonlarida ishchi xodimlarning mehnatdan sо‘ng hamda noqulay ob-havo sharoitlarida yaxshi dam olishlari uchun alohida dala uylari qurilmoqda, mavjudlari qayta rekonstruksiya qilinmoqda. Stansiya va uchastkalarda ishchilar uchun barcha sharoitlar yaratilgan.