QISHLOQ XO‘JALIGIDA YANGI IMKONIYAT: O‘SIMLIK YOG‘I ISHLAB CHIQARISH MAJMUASI

Respublikamizda qishloq xo‘jaligi sohasida mahsulot yetishtirish, ishlab chiqarishga yo‘naltirish va shu orqali sohani rivojlantirishga katta eʼtibor qaratilmoqda. Ayniqsa, foydalanishga topshirilayotgan yangi zavod va korxonalar, ularning samarador ishlashini taʼminlashga ajratilayotgan mablag‘lar, berilayotgan ko‘maklar ushbu eʼtibor va imkoniyatlarning natijasidir.

Jizzax viloyatining Do‘stlik tumanida joylashgan «Sangzor tekstil» masʼuliyati cheklangan jamiyatiga qarashli o‘simlik yog‘i ishlab chiqarish majmuasini ishga tushirish orqali  xalqimizning  sifatli oziq-ovqat mahsulotlariga bo‘lgan ehtiyojini qondirish, shuningdek tayyor mahsulotni xorijga eksport qilish kabi ezgu maqsadlar ko‘zlangan.

Ushbu majmuaning qurilish ishlari 2020-yilda boshlangan. Yaqin kunlarda uning qurilish ishlari tugallanish arafasida. Hozircha majmuada “Yog‘ni siqib chiqarish”, “Yog‘ni tozalash” sexi kabi bo‘limlar mavjud.

O‘simlik yog‘i ishlab chiqarish majmuasi bir sutkada 80-100 tonnagacha mahsulotni qabul qilish quvvatiga ega. Bu miqdordagi xomashyodan esa 20 tonnagacha yog‘ mahsulotini olish mumkin.