QIZILMIYA ILDIZINING  EKSPORT HAJMI OSHIRILADI

O‘zbekiston Respublikasi Qishloq xo‘jaligi vazirligi delegatsiyasi ShHTga a’zo mamlakatlarning qishloq xo‘jaligi sohasidagi hamkorligi doirasida Yanglin yuqori texnologiyalar ko‘rgazma parkiga tashrif buyurdi va Yanglin hududi Ma’muriy qo‘mitasi Bosh kotibi o‘rinbosari bilan muzokaralar o‘tkazdi.

Tomonlar mamlakatlar o‘rtasidagi hamkorlikning yuqori darajasini qayd etib, O‘zbekistondan Xitoyga qizilmiya ildizi yetkazib berishni ko‘paytirish bo‘yicha ish olib borishga, shuningdek, joriy yilning 15-19-sentyabr kunlari o‘tkaziladigan an’anaviy Yanglin qishloq xo‘jaligi ko‘rgazmasida ishtirok etishga kelishib oldilar.

Tomonlar O‘zbekiston Respublikasi Qishloq xo‘jaligi vazirligi va Xitoy Qishloq xo‘jaligi va qishloq hududlarini rivojlantirish vazirligi o‘rtasida O‘zbekistonda qishloq xo‘jaligi innovatsion parkini tashkil etish bo‘yicha hujjatlarni ishlab chiqish zarurligini ta’kidladilar.