SUV MANBALARINI MUHOFAZA QILISHNI KUCHAYTIRISH ISHLARI

Respublikamizda suv havzalari, obyektlari hamda boshqa barcha manbalarni sanoat, qurilish, transport kabilarning zararli ta‘siridan muhofaza qilishni kuchaytirish maqsadida bir qancha chora-tadbirlar amalga oshirilmoqda.

O‘zbekiston Respublikasi Qishloq xo‘jaligi vazirligining “O‘zdavyerloyiha” davlat ilmiy loyihalash institutining Qashqadaryo viloyati bo‘linmasi tomonidan kanallar va kollektor drenajlar tarmoqlarining joriy holati bilan tanishish, ularni yangi mavsumga tayyorlash  ishlarining amalga oshirilayotgani ham shular jumlasidan.

Viloyatda jami 514 ming gektar sug‘oriladigan maydonlar mavjud. Ushbu maydonlarni 256 ta kanal suv bilan taʼminlaydi. Hozirda Qashqadaryo viloyat bo‘linmasi tomonidan hududning 106 ta kanal, 102 ta kollektordan iborat mintaqa va muhofaza zonalariga borib, o‘rganish ishlari olibborildi hamda belgilash jarayonlari o‘tkazildi. Ushbu jarayonda bo‘linma vakillari tomonidan eng avval dala ishlari bajariladi, kanal va kollektorlarning chuqurliklari, mintaqa va muhofaza zonalari to‘liq ko‘zdan kechirilgan holda mutaxassislar tomonidan o‘rganiladi. Mintaqa va muhofaza zonalar esa, suv obyektlarining sig‘imi va chuqurligiga ko‘ra belgilanadi.

“O‘zdavyerloyiha” davlat ilmiy loyihalash institutining Qashqadaryo viloyati bo‘linmasi tomonidan olib borilayotgan ishlar bilan videolavhamizda tanishtiramiz.