QISHLOQ XO‘JALIGI VAZIRLIGIDA NAVRO‘Z SHODIYONASI

Yurtimizning har bir go‘shasi, korxona-yu tashkilotlarida milliy bayramimizi keng miqyosda nishonlanmoqda. Bugun Qishloq xo‘jaligi vazirligida ham ushbi qadimiy bayramimiz ko‘tarinki ruhda nishonlandi. Unda yurtimizda akrreditatsiyadan o‘tgan xorijiy tashkilotlar vakillari Qishloq xo‘jaligi vazirligi va tizim tashkilotlarining ishchi xodimlari ishtirok etishdi.

Mamlakatimizga Navro‘z bayrami uyg‘onish, yasharish va yerga urug‘ qadash fasli — bahorning nishonasi bo‘lib keladi. Shu bois ham Sharqda Navro‘zni yangi yilning kelishi sifatida talqin etiladi.

Bayram tadbirini Qishloq xo‘jaligi vaziri o‘rinbosari Qaxramon Yuldashev kirish so‘zi bilan ochar ekan
tadbir ishtirokchilari va yurtdoshlarimizni bayram bilan samimiy qutlab, jumladan shunday dedi:

Aziz mehmonlar! Biz yangi hosil yili boshida turibmiz. Bilaman, dehqonlarimiz ayni kunlarda yeng shimarib, g‘ayrat bilan ishga kirishib ketishgan. Shunday ekan yurt ma’murligi yo‘lida mehnat qilayotgan dehqonlar, fermer xo‘jaliklari va klaster vakillarining sa’y-harakatlari barakali va o‘ylaganlaridan afzali bo‘lishi tilakdoshiman. Barchangizni yangilanish yosharish ayyomi Navro‘zi olam bilan tabriklayman.

Navro‘z umumxalq bayrami sharq xalqlarida nafaqat kun va tunning tenglashishi yoki  yilning boshi balki qishloq xo‘jaligi sohasida yangi mavsum boshlanishini ham anglatadi. Aynan bayram nishonlanadigan bahor faslida   bobodehqonlarimiz tomonidan yerga urug‘ qadalishi, yilning barakali, hosilning mo‘l bo‘lishini tilab duolar qilinishidan kelib chiqadigan bo‘lsak Navro‘zi olam agrar soha xodimlari-yer bilan tillasha oladigan fermerlar-u mirishkor  dehqonlar  uchun xaqiqiy bayramdir.   

Tadbirda mehmonlar bahor taomlari hamda milliy pazandachilik va qandolatchilik mahsulotlaridan tatib ko‘rishdi. Shuningdek, vazirlik ishchi xodimlari tomonidan pishirilgan sumalak va doshqozonda damlangan osh to‘kin dasturxon  ko‘rkiga ko‘rk qo‘shdi. Bayram tadbiriga milliy estradamiz vakillari, fol’klor etnografik va havaskor jamoalarning  chiqishlari o‘zgacha fayz bag‘ishladi.

Xursandchilik va kuy-qo‘shiqlar jo‘rovozligida o‘tkazilayotgan bayram tadbirini ajoyib videolavhasizda tomosha qiling.