QISHLOQ XO‘JALIGI VAZIRINING AGRAR UNIVERSITET RAHBARLARI BILAN UCHRASHUVI

2023-yil “Insonga eʼtibor va sifatli taʼlim yili” deb eʼlon qilinishi munosabati bilan O‘zbekiston Respublikasi Qishloq xo‘jaligi vaziri Aziz Voitov joriy yilning Toshkent davlat agrar universiteti rahbariyati va pedagog-xodimlari bilan uchrashdi.

Uchrashuv universitet faoliyatida samarali va tizimli boshqaruvni yo‘lga qo‘yish, taʼlim sifatini oshirish, universitetning moddiy-texnika bazasini mustahkamlash, talabalarning ishlab chiqarish amaliyotlarini tashkil etish hamda bitiruvchilar bandligini tashkil etish masalariga bag‘ishlandi.

Kun tartibida TDAU birinchi prorektori Sohib Islamov, O‘quv ishlari bo‘yicha prorektor Umrbek Djumaniyazov, Ilmiy ishlar va innovatsiyalar bo‘yicha prorektor Kamoliddin Sultonov, Moliya-iqtisod ishlari bo‘yicha prorektor Abduaziz Abduvasikov hamda fakultet dekanlari, kafedra mudirlari, bo‘lim boshliqlari ishtirok etdilar.

Uchrashuvda ko‘rib chiqilgan masalalar yuzasidan  quyidagi vazifalar belgilab olindi:

• Taʼlim sifatini oshirish, o‘quv jarayoniga raqamli texnologiyalarni tatbiq etish hamda taʼlim yo‘nalishlari va mutaxassisliklarini xorijiy tajribalar asosida optimallashtirish;
• Masofaviy va dual taʼlim tizimini elektron axborot resurs manbalari bilan taʼminlash maqsadida “Media markaz”ni tashkil etish;
• 
• Qishloq xo‘jaligi vazirligi tizimidagi oliy va ilmiy-tadqiqot muassasalari Axborot-resurs markazlaridagi o‘quv adabiyotlarini to‘liq raqamlashtirish va Virtual agroaxborot-resurs tarmog‘ini yaratish;
• Toshkent davlat agrar universitetining bosh rejasini tuzish hamda kadastr hujjatlarini rasmiylashtirish ishlarini yakuniga yetkazish;
• O‘zbekiston Respublikasi Vazirlar Mahkamasining 2021-yil 9-sentyabrdagi 563-sonli qaroriga asosan 2023-yilda 1 ta 400 o‘rinli bo‘lgan talabalar turar joyini qurish;
• Jahon banki tomonidan olib kelingan 2,6 mln.dollarga teng bo‘lgan “Ekofiziologik tadqiqotlar” ilmiy laboratoriyasining faoliyatini yo‘lga qo‘yish;
• Axborot-maslahat markazi (Extension center) DUK faoliyatini modernizatsiya qilish;
• Universitetni milliy va xalqaro reytingdagi o‘rinlarini yaxshilash.

Uchrashuv so‘ngida masʼullarga universitet faoliyatini takomillashtirish, taʼlim sifatini oshirish bo‘yicha yo‘l xaritasini ishlab chiqish vazifasi yuklatildi.