AGRO-OZIQ-OVQAT SIYOSATI SOHASIDA HAMKORLIK

15-dekabr kuni Toshkentda «agrar-oziq-ovqat siyosati sohasida tadqiqot olib boruvchi ekspertlar milliy tarmog‘ini yaratish va rivojlantirish» masalalariga bag‘ishlangan davra suhbati bo‘lib o‘tdi.

Tadbir O‘zbekiston Respublikasi Qishloq xo‘jaligi vazirligi, Qishloq xo‘jaligi vazirligi huzuridagi Oziq-ovqat va qishloq xo‘jaligi sohasida strategik rivojlanish va tadqiqotlar xalqaro markazi (ISCAD), Xalqaro oziq-ovqat siyosati tadqiqot instituti (IFPRI), Qurg‘oqchil hududlarda qishloq xo‘jaligi bo‘yicha tadqiqotlar olib boruvchi xalqaro markaz (ICARDA), Toshkentdagi Xalqaro Vestminster universiteti (WIUT) va Suv resurslarini boshqarish xalqaro instituti (IWMI) tomonidan tashkil etildi.

Yig‘ilish doirasida manfaatdor tomonlarning tarmoq ishchi yig‘ilishi o‘tkazilib, unda agro-oziq-ovqat tarmog‘idagi turli idoralar, ilmiy muassasalar, nodavlat va notijorat tashkilotlarida faoliyat yuritayotgan amaliyotchi iqtisodchi va tadqiqotchilar ishtirok etdi.

Tadbir ikki sessiyadan iborat bo‘lib, shundan so‘ng ustuvor vazifalar belgilab olindi va faoliyatni yanada rivojlantirish bo‘yicha yo‘l xaritasi belgilab olindi.

Uchrashuvdan ko‘zlangan maqsad agro-oziq-ovqat siyosati va dalillarga asoslangan tadqiqotlar sohasida yanada yaqin hamkorlikni yo‘lga qo‘yish, shuningdek, agrar-oziq-ovqat siyosati sohasida tadqiqot olib boradigan milliy ekspertlar tarmog‘ini yaratish va rivojlantirishdan iborat edi. Bunday tarmoq fan va siyosat mutaxassislari o‘rtasidagi muloqot uchun yaxshi platformaga aylanishi mumkin. Bu yerda tarmoq a’zolari o‘zaro moslashuvchan muloqotni yo‘lga qo‘yib, agro-oziq-ovqat sohasini rivojlantirishning dolzarb masalalari, joriy va istiqboldagi islohotlar yuzasidan fikr almashishlari mumkin bo‘ladi.

Yig‘ilishda O‘zbekiston Respublikasi qishloq xo‘jaligi vaziri Aziz Voitov, Qishloq xo‘jaligi vaziri maslahatchisi Alisher Shukurov, Agrar va suv xo‘jaligi masalalari qo‘mitasi raisi Bahodir Tojiyev, Agrar va suv xo‘jaligi masalalari qo‘mitasi raisi Ravshan Mamutov, Vestminster universiteti rektor o‘rinbosari (ilmiy ishlar bo‘yicha) Maykl Klarklar so‘zga chiqib, ishtirokchilar uchun kirish so‘zi va mavzu bo‘yicha tezislarni bayon etishdi.

Aziz Voitov, O‘zbekiston Respublikasi Qishloq xo‘jaligi vaziri:

— Bugungi tadbirni tashkil etishda biz bilan hamkorlik qilgan barcha hamkorlarimizga, jumladan, Vestminster xalqaro Universitetiga minnatdorchiligimizni bildiramiz. Oxirgi yillarda amalga oshirilayotgan faol islohotlar, qishloq xo‘jaligida qo‘shimcha qiymat zanjirini rivojlantirish, sohada bozor munosabatlarining kengayishi – qisqa va uzoq muddatli chora-tadbirlar hamda islohotlarni muvofiqlashtirish zarurligini taqozo etdi. Biz faqat ichki tahlil va ichki tahliliy salohiyat bilan cheklanib qolmoqchi emasmiz. Vazirlik oldiga keng ko‘lamli vazifa va majburiyatlar, ko‘plab yangi tashabbuslarni rejalashtirganmiz. Biz qishloq xo‘jaligi siyosati tadqiqotchilarining keng tarmog‘i fikrini tinglashga tayyormiz. Biz sheriklik, hamkorlik va bilim va axborot almashishning turli shakllarini yo‘lga qo‘ymoqchimiz. O‘ylaymanki, bugungi uchrashuv yakunlari bo‘yicha aniq takliflar ishlab chiqilib, hamkorlikning yangi mexanizmlari ishlab chiqiladi.

Shuningdek, birinchi sessiyada

Kamiljon Akramov, Rivojlanish strategiyasi va davlat boshqaruvi bo’limi yetakchi ilmiy xodimi, IFPRI quyidagilarni ta’kidladi:

— Agro-oziq-ovqat tizimini transformatsiya qilish uchun samarali har xil tashqi taʼsirlarga chidamli qilish uchun ilmiy tadqiqotlarning, dalillarning o‘rni juda ham muhim. Tadbirdan asosiy maqsad ilmiy tadqiqot institutlari va xalqaro tashkilotlar hamkorligini yo‘lga qo‘yish va shu orqali sohaga innovatsion texnologiyalarni jalb qilishdan iborat.

Ta’kidlash joizki, tadbir global CGIAR tashabbuslari doirasida tashkil etilgan. CGIAR oziq-ovqat xavfsizligi bo‘yicha tadqiqotlar bilan shug‘ullanuvchi xalqaro tashkilotlarning global hamkorligidir. CGIAR IFPRI, IWMI, ICARDA va boshqa yetakchi oziq-ovqat tizimlari tahlil markazlarini o‘z ichiga olgan dunyodagi eng yirik global qishloq xo‘jaligi innovatsion tarmog‘idir. Tarmoqning a’zo institutlari asosiy e’tiborni agro-oziq-ovqat sektorining iqtisodiy, ekologik, oziq-ovqat xavfsizligini yaxshilash maqsadida siyosatchilarga dalillarni taqdim etish, innovatsiyalar va yangi vositalar bilan ta’minlashga qaratadi.

Hozirda CGIAR O‘zbekistonda 2025-yilgacha amalga oshiriladigan 3 ta dasturni ishga tushirdi.

Bo‘lib o‘tadigan yig‘ilish ushbu loyihalarning rasmiy ishga tushirilishini nishonlash, qishloq xo‘jaligi siyosatida tadqiqot olib borish sohasidagi tomonlarning imkoniyatlari, manfaatlari va majburiyatlarini kelishish maqsadida sohaning barcha manfaatdor tomonlarining birinchi yig‘ilishi hisoblanadi. CGIAR hamkorlari tomonidan taqdim etilgan siyosatni tahlil qilish vositalari mahalliy qaror qabul qiluvchi shaxslar uchun amaliy vositalarga aylanadi.