ICTWEEK UZBEKISTAN–2022 HAFTALIGI DOIRASIDA AGRAR SOHAGA OID MASALALAR KO‘RIB CHIQILDI 

Samarqand shahrida «ICTWEEK Uzbekistan–2022» axborot-kommunikatsiya texnologiyalari haftaligi bo‘lib o‘tmoqda.

AKT haftaligi va uning doirasidagi tadbirlarda sohada faoliyat yuritayotgan qator xalqaro va mintaqaviy tashkilotlar, respublikaning vazirlik, idoralar va tashkilotlari, jumladan, O‘zbekiston Respublikasi Qishloq xo‘jaligi vazirligining AKT ni joriy etish yo‘nalishiga masʼul rahbar va mutaxassislari ishtirok etishmoqda.

Haftalikning ilk kuni Raqamli industriyaning eksport salohiyatini oshirish, O‘zbekistonda elektron hukumatning rivojlanish istiqbollari, Raqamli infratuzilmani rivojlantirish masalalariga oid maʼruzalar muhokamasiga bag‘ishlandi.

Tadbirda 4000 kvadrat metr maydonda tashkil etiladigan ko‘rgazmada jami 100 dan ziyod xorijiy va mahalliy kompaniyalar o‘z xizmatlari, dasturiy yechimlari va mahsulotlarini namoyish qilishmoqda.

Shuningdek, tadbirlar doirasida Qishloq xo‘jaligi vazirligi va bir qator idora va kompaniyalarning agrar sohaga doir quyidagi masalalarning muhokamasi bo‘lib o‘tdi:

• Yaponiya Ichki ishlar va kommunikatsiyalar vazirligi, Toyota Tsusho Corporation vakillari bilan Yaponiya davlati agrar sohasida joriy etilgan eng yaxshi raqamlashtirish tajribalarini respublikada sinov loyihasi sifatida amalga oshirish;
• Elektron hukumat loyihalarini boshqarish markazi tomonidan aholiga ko‘rsatilayotgan xizmatlarni raqamlashtirish va markazning kelgusi loyihalari, jumladan, agrar sohada xizmatlarni ko‘rsatishda Face ID texnologiyasini joriy etish imkoniyatlari, maʼlumotlarni integratsiya qilish masalari;
• Mobil aloqa operatorlari bilan aloqa qamrovi yaxshi bo‘lmagan qishloq hududlarida keng polosali internet tarmog‘ini tashkil etish bo‘yicha ilg‘or yechimlari va ulardan muayyan muddatga sinov-tajriba maqsadlarida foydalanish;
• Qishloq xo‘jaligi ob’yektlarida, bino va inshootlarida quyoshli elektr manbalarini joriy etish masalalari muhokama qilindi.

Haftalik 27-oktyabrga qadar davom etadi.