NARXLAR VA BOZOR MA’LUMOTLARI TIZIMI (MIS) SOHASIDA HAMKORLIKNI RIVOJLANTIRISH

20-sentyabr kuni O‘zbekiston Respublikasi Qishloq xo‘jaligi vazirligi huzuridagi Agrosanoatni raqamlashtirish markazida Birlashgan Millatlar Tashkilotining O‘zbekiston Respublikasidagi Oziq-ovqat va qishloq xo‘jaligi tashkiloti (FAO), Qishloq xo‘jaligini qo‘llab-quvvatlash va bilimlarni rivojlantirish dasturi (ASK Fasility), «Agrosanoatni raqamlashtirish markazi» DM va O‘zR Qishloq xo‘jaligi vazirligi vakillarining uchrashuvi bo‘lib o‘tdi.

FAO Qishloq xo‘jaligi vazirligi bilan birgalikda “COVID-19 va boshqa zarbalarga javoban narxlar va bozor axborot tizimlarini hamda siyosat monitoringi salohiyatini kuchaytirish” mintaqaviy loyihasini amalga oshirmoqda. Loyihaning maqsadi oziq-ovqat mahsulotlari narxlari monitoringi hamda narxlar va bozor ma’lumotlarini tahlil qilish tizimini ishlab chiqish doirasidagi hamkorlikni yanada rivojlantirishdan iborat. Bundan tashqari, loyiha qishloq xo‘jaligi bozori uchun monitoring, baholash va prognozlash tizimini ishlab chiqishni nazarda tutadi.

Loyiha doirasida Cheng Fang boshchiligidagi FAOning narxlar va axborot tizimi sohasidagi xalqaro ekspertlari uchrashuvlar o‘tkazdi va oziq-ovqat narxlari va bozor ma’lumotlari tizimini rivojlantirish bo‘yicha kelgusidagi hamkorlik masalalarini muhokama qildi.