O‘ZR QISHLOQ XO‘JALIGI VAZIRLIGI VA YAPONIYANING JICA AGENTLIGI MEVA-SABZAVOTCHILIK SOHAGIDAGI LOYIHADA ISHTIROK ETISH UCHUN TENDER E’LON QILDI

O‘zbekiston Respublikasi Qishloq xo‘jaligi vazirligi huzuridagi Oziq-ovqat va qishloq xo‘jaligini strategik rivojlantirish va tadqiqotlar xalqaro markazi (ISCAD) O‘zR Qishloq xo‘jaligi vazirligi va Yaponiya xalqaro hamkorlik agentligining (JICA) “Meva-sabzavotchilik sohasida qo‘shilgan qiymat zanjirini yaratishni rivojlantirish” tender loyihasining ijrochi agentligi hisoblanadi.

Tender paketining nomlanishi: Loyihalarni boshqarish va salohiyatni oshirish bo‘yicha maslahat xizmatlari.

ISCAD konsalting kompaniyalarini tenderda ishtirok etishga taklif qiladi.

Loyihaning maqsadi – ishtirokchi moliya institutlari (IMT) orqali bog‘dorchilik mahsulotlari ishlab chiqaruvchilari va agrokompaniyalarning (oxirgi foydalanuvchilar) mablag‘lardan foydalanishini qo‘llab-quvvatlash hamda bog‘dorchilikning ishlab-chiqarish-sotish zanjirini mustahkamlashdan iborat. Bundan tashqari, ISCAD va IMTlarga ularning ijrochilik salohiyatini yaxshilash hamda yakuniy foydalanuvchilar uchun fermer xo‘jaliklarini boshqarish ko‘nikmalarini, shuningdek, bog‘dorchilikda qo‘shilgan qiymat zanjiri usullari samaradorligini oshirishda ko‘maklashish kabilar ham shular qatoriga kiradi. Bu orqali bog‘dorchilik ekinlarining eksport salohiyatini kuchaytirish hisobiga qishloq xo‘jaligi sohasini rivojlantirish va aholi bandligini ta’minlashga ko‘maklashish.

Manfaatdor kompaniyalar xizmat ko‘rsatish uchun zarur malaka va tegishli tajribaga ega ekanligini tasdiqlovchi ma’lumotlarni 2022-yil 30-avgust Toshkent vaqti bilan soat 18:00 ga qadar taqdim etishlari shart.

Maslahatchi Yaponiya Rivojlanish rasmiy ko‘magi zaymlari doirasidagi Maslahatchilarni ishga olish bo‘yicha yo‘riqnomaga (JICA Yo‘riqnomasi, 2012-yil aprel) muvofiq sifat va narxga asoslangan tanlov (QCBS) orqali saralab olinadi.

Manfaatdor kompaniyalar soat 09:00 dan 18:00 gacha bo‘lgan ish vaqti davomida quyidagi manzil bo‘yicha elektron pochta yoki telefon orqali bog‘lanishi mumkin.

Texnik vazifani quyidagi havola orqali yuklab olish mumkin: (Yuklab olish)

Oziq-ovqat va qishloq xo‘jaligida strategik rivojlanish va tadqiqotlar xalqaro markazi (ISCAD)

O‘zbekiston Respublikasi, Toshkent shahri, Labzak ko‘ch., 1a

Tel: (+998) 90 317-63-71, 97 480-16-11

Elektron pochta: hvcpp@uzaifsa.uz