Bugungi kunda O‘zR Qishloq xo‘jaligi vazirligi tasarrufidagi barcha oliy ta’lim muassasalarida 21 300 ziyod talabalar tahsil olmoqda. Vazirlik tomonidan malaka oshirish mavzusiga bag‘ishlab o‘tkazilgan tadbirda ularning 500 dan ziyodi ishtirok etdi. Hududiy oliygohlar vakillari Toshkent davlat agrar universiteti (TDAU)da o‘tkazilgan muloqotga Zoom platformasi orqali ulanishdi.
Tadbir avvalida ishtirokchilarga hozirda respublikamizda yoshlar uchun yaratilayotgan imkoniyat va shart-sharoitlar haqida tushuncha berildi.
Jumladan, soha bo‘yicha tahsil olayotgan iqtidorli talabalarni vazirlikni markaziy apparati va tizim tashkilotlarida malaka oshirishini tashkil etish to‘g‘risidagi buyrug‘i bilan tanishtirildi.
Shuningdek, muloqot chog‘ida amaliyot sifatini oshirish masalalariga alohida e’tibor qaratilib, kelib tushgan takliflar asosida kelgusi vazifalar belgilandi.
Bundan tashqari, talabalarni o‘quv amaliyotini har tomonlama manfaatli tashkil etish, bandligini ta’minlash va ish tartiblari bo‘yicha ishirokchilarni qiziqtirgan barcha savollarga javoblar berildi.
Eslatib o‘tish joiz, O‘zbekiston Respublikasi Prezidenti Sh. Mirziyoyev rahbarligida 2022-yilning 4-mart kuni “Oliy ta’lim muassasalari talabalari bandligini ta’minlash bo‘yicha ustuvor vazifalarni belgilash to‘g‘risida”gi 19-sonli yig‘ilish bayonida belgilangan vazifalar ijrosini ta’minlash maqsadida vazirlikning “Yoshlar: bilim va amaliyot” loyihasi yo‘lga qo‘yilgan.
Loyiha doirasida vazirlik tasarrufidagi oliy ta’lim muassasalari talabalari bilan ishlab chiqarish amaliyotini samarali tashkil etish yuzasidan ishlab olib borilmoqda. Xususan, talaba-yoshlar bilan agroklaster vakillarining uchrashuvi (https://www.agro.uz/11-0080/) o‘tkazilgani haqida avval xabar bergan edik.
Imlo xatolari haqida hisobot
Quyidagi matn tahririyatimizga yuboriladi: