Hududda mavjud zaxira yerlardan olmoqchiman

O‘zR Qishloq xo‘jaligi vazirligi veb-sayti tezkor aloqa chatiga foydalanuvchilardan savollar kelib tushmoqda. Savollar agrar sohaga oid turli mavzularda bo‘lib, ularga vazirlikning tegishli mutaxassislari ishtirokida javoblar tayyorlanmoqda.

Bizni hududda hozir zaxiraga yerlar chiqqan. Qashqadaryo viloyati Muborak tumani 355 kontir 5.2 gek, shuni bog‘dorcilik qilib olmoqchiman. Yo‘q, 1 gektardan bera olamiz auksiondan deyishdi.

O‘zbekiston Respublikasi Yer kodeksining 24-moddasiga asosan qishloq xo‘jaligiga mo‘ljallangan yer uchastkalari viloyat hokimining “Ochiq elektron tanlov natijalarini tasdiqlash to‘g‘risida”gi qarori bilan jismoniy va yuridik shaxslarga ijara huquqi asosida beriladi.

Yuridik shaxslarga qishloq xo‘jaligi maqsadlari uchun yer uchastkalarini ijaraga berishning ma’muriy reglamenti O‘zbekiston Respublikasi Vazirlar Mahkamasining 2021-yil 24-noyabrdagi “Qishloq xo‘jaligiga mo‘ljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash to‘g‘risida”gi 709-son qarori bilan tasdiqlangan.

Yuqoridagilarga asosan, bog‘dorchilik uchun yer ajratish masalasi belgilangan tartibda ochiq elektron tanlovlarda ishtirok etish orqali hal etilishi maqsadga muvofiq.