"Yashil haftalik — 2024" ko‘rgazmasining ochilish marosimi bo‘lib o‘tdi

Ayni kunlarda Germaniyaning Berlin shahrida «Yashil haftalik — 2024» xalqaro ko‘rgazmasi bo‘lib o‘tmoqda.

Ko‘rgazmada Qishloq xo‘jaligi vaziri Ibrohim Abdurahmonov boshchiligidagi delegatsiya vakillari ham ishtirok etishmoqda.

Kuni kecha «Yashil haftalik — 2024» xalqaro ko‘rgazmasining ochilish marosimi bo‘lib o‘tdi. Marosim doirasida Qishloq xo‘jaligi vaziri Ibrohim Abdurahmonov «Uzbekistan» paviloniga borib, u yerdagi O‘zbekistondan keltirilgan turi xil qishloq xo‘jaligi mahsulotlarini ko‘zdan kechirdi.

E’tiborga molik jihati shundaki, ko‘rgazmada ishtirok etayotgan turli davlat vakillari aynan «Uzbekistan» paviloniga katta qiziqish bildirmoqda. Yana bir sabab sifatida shuni aytish mumkin, pavilonimizda O‘zbekistondan kelgan oshpazlarimiz tomonidan palov ham tayyorlandi.

«Yashil haftalik — 2024» ko‘rgazmasi davom etadi…