Sayt test rejimida ishlamoqda!
Ishonch telefoni: 1243
Devonxona: 71 206-70-30

“O‘ZBEKISTON RESPUBLIKASI QISHLOQ XO‘JALIGINI MODERNIZATSIYA QILISH” LOYIHASI

AGRO.UZ > “O‘ZBEKISTON RESPUBLIKASI QISHLOQ XO‘JALIGINI MODERNIZATSIYA QILISH” LOYIHASI
AGRO.UZ > “O‘ZBEKISTON RESPUBLIKASI QISHLOQ XO‘JALIGINI MODERNIZATSIYA QILISH” LOYIHASI

Xorijiy hamkor/kreditor: Xalqaro tiklanish va taraqqiyot banki va xalqaro taraqqiyot uyushmasi

Amalga oshirish muddati:  2020-2026-yillar

Loyiha qiymati:  500 mln AQSH dollari

Asos: O‘zbekiston Respublikasi Prezidentining 2020-yil 11-avgustdagi «Xalqaro tiklanish va taraqqiyot banki hamda Xalqaro taraqqiyot uyushmasi ishtirokida «O‘zbekiston Respublikasi qishloq xo‘jaligini modernizatsiya qilish» loyihasini amalga oshirish chora-tadbirlari to‘g‘risida»gi PQ-4803-sonli qarori.

Maqsadi: Qishloq xo‘jaligi sohasida unumdorlikni oshirish bo‘yicha xizmat ko‘rsatish sifatini yaxshilash va bozor iqtisodiyotiga asoslangan meva- sabzavotchilik sohasida yuqori qiymat zanjirini yaratish.

Loyiha quyidagi komponentlardan iborat:

Qishloq xo‘jaligida hosildorlikni oshirish dasturlarini qo‘llab-quvvatlash

– Qishloq xo‘jaligi sohasidagi ilmiy-tadqiqot institutlari, markazlar va agentliklarni modernizatsiya qilish, shuningdek ularning ilmiy salohiyatini va infratuzilmasini mustahkamlab, moddiy-texnik bazasini yangilash va innovatsion faoliyatini rivojlantirish;

– Respublika tumanlarida agroxizmatlar markazlarini tashkil etish;

– 3000 gektar hududda yangi ko‘rgazmali zamonaviy intensiv bog‘lar tashkil etish;

– Agroklimatik hududlarga mos keladigan yuqori sifatli urug‘ va ko‘chatlar yetishtirilishini ko‘paytirish, shuningdek yangi     navlarni sinovdan va ro‘yxatdan o‘tkazish jarayonlarini tezlashtirish va takomillashtirish;

– Meva-sabzavotchilikni rivojlantirish bo‘yicha innovatsion taʼlim va ko‘rgazma markazi, shuningdek yagona Genbank tashkil etish;

– Qishloq xo‘jaligi sohasida referens (mahsulotlarning xalqaro standartlarga javob berishi yuzasidan) laboratoriyalarini tashkil etish.

Meva-sabzavotchilik tarmog‘ida qiymat zanjiriga investitsiyalarni qo‘llab-quvvatlash (200,0 mln doll.)

– 50 mln AQSH doll. – meva-sabzavotchilik tarmog‘idagi kooperativ va kooperatsiyalarni qo‘llab- quvvatlashga;

– 150 mln AQSH doll. – meva-sabzavotchilik tarmog‘idagi klasterlar va samarali hamkorlikni qo‘llab-quvvatlashga.

  • intensiv bog‘lar yaratish;
  • energiya tejaydigan sug‘orish tizimlari, quyoshdan suv isitish tizimlari va suv ko‘targichlar;
  • meva-sabzavot mahsulotlarini qayta ishlash va saqlash;
  • meva-sabzavotchilik mahsulotlarini tara-qadoqlash mahsulotlarini ishlab chiqarish;
  • avtorefrijiratorlar sotib olish;
  • zamonaviy issiqxonalardan tashqari ochiq maydonlarda energiya tejaydigan sug‘orish tizimlarini va yomg‘irlab sug‘orish texnologiyasini joriy qilish.

Imtiyozli kredit mablag‘lari quyidagi tijorat banklari orqali berilishi rejalashtirilgan:

  • Milliy Bank
  • O‘zsanoatqurilishbank
  • Qishloq qurilish bank
  • Ipoteka Bank
  • Turon bank
  • Jahon Banki maʼqullagan boshqa tijorat banklari
  • 10 yil muddatgacha beriladi, shu jumladan 3 yilgacha imtiyozli davr bilan.
  • Kredit mablag‘lari AQSH dollari va milliy valyutada beriladi.
  • Foiz stavkasi – 6,5% – 7,5% AQSH dollarida va 18-20% milliy valyutada.
  • meva-sabzavotchilik tarmog‘idagi kooperativ va kooperatsiya uchun 1 mln AQSH dollarigacha.
  • Meva-sabzavotchilik tarmog‘idagi klasterlar va samarali hamkorlik uchun 8 mln AQSH dollarigacha (bunda bitta zanjir uchun 2 mln AQSH dollarigacha).
  • Mijozning loyihadagi ulushi eng kamida 20% ekvivalentida bo‘lishi kerak.

–            kredit olish to‘g‘risida ariza;

–            korxona taʼsis hujjatlari va guvohnomasi (nusxasi);

–            korxonaning klaster, kooperativ yoki kooperatsiyaga tegishliligi to‘g‘risidagi hujjat nusxasi.

Savdo va marketingga ko‘maklashish

–  Buxoro va Xorazm viloyatlarida agrologistik markazlarni barpo etish;

–  O‘simliklar karantini davlat inspeksiyasini va o‘simliklarni himoya qilish xizmatlarini modernizatsiya qilish. Laboratoriya tahlillari va fumigatsiya xizmatlarini yaxshilash hamda zararkunandalarga qarshi samarali kurashishning zamonaviy usullarini tadbiq etish;

Bozor haqida maʼlumotlar tizimini takomillashtirish (o‘rta va uzoq muddatli rejalashtirish va investitsiya qarorlarini qabul qilishda yordam berish uchun bozorlar to‘g‘risida maʼlumotlar tahlilini tashkil etish, yagona axborot dasturini yaratish, statistik maʼlumotlarni to‘plash va tarqatish).

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: