Paxta-g‘allachilik yo‘nalishidagi ekin maydonlarida burg‘ilash nasosini o‘rnatish uchun qanday subsidiyalar bor.

O‘zbekistonda suv ta’minotini yaxshilash maqsadida quduq qaziganlarga davlat tomonidan subsidiya ajratiladi.
“Agrosubsidiya” axborot tizimidagi kichik va katta hajmdagi quduqlarni burg‘ilash uchun subsidiyaga ariza yuborish xizmatlariga tegishli o‘zgartirishlar kiritigan. Jumladan, “Daryolar, kanallar va boshqa suv obyektlaridan suv chiqarish vositalarini sotib olish va o‘rnatish” uchun subsidiyaga ariza yuborish imkoniyati yaratildi.
Subsidiya mablag‘i quyidagi tartibda shakllanadi:
Suv ta’minoti og‘ir hududlardagi aholi tomorqa yerini sug‘orish uchun chuqurligi 10 metrdan, Qoraqalpog‘iston Respublikasi uchun 5 metrdan ortiq bo‘lgan kichik hajmdagi har bir vertikal sug‘orish qudug‘ini burg‘ilash va ishga tushirish bilan bog‘liq xarajatlarning birinchi metridan boshlab 100 foizini, biroq bazaviy hisoblash miqdorining 50 baravaridan (15 mln so‘mdan) oshmagan miqdorda;
suv ta’minoti og‘ir hududlardagi kamida 30 ta aholi tomorqa yerlarini sug‘orish uchun katta hajmdagi vertikal sug‘orish quduqlarini burg‘ilash va ishga tushirish bilan bog‘liq xarajatlarning 100 foizini, biroq 150 mln so‘mdan oshmagan miqdorda;
fuqarolarga ochiq elektron tanlov orqali dehqon xo‘jaligi tashkil etish uchun 0,15 gektardan 2 gektargacha bo‘lgan o‘lchamlarda 30 yilga ijaraga berilgan va bitta konturda yoki yonma-yon ikkita konturda joylashgan kamida 30 ta dehqon xo‘jaliklari yerlarini sug‘orish uchun katta hajmli vertikal sug‘orish quduqlarini burg‘ilash va ishga tushirish bilan bog‘liq xarajatlarning 100 foizi, biroq 150 mln so‘mdan oshmagan miqdorda;
daryolar, kanallar va boshqa suv obyektlaridan suv chiqarish vositalarini sotib olish va o‘rnatish bilan bog‘liq xarajatlarning 100 foizini, biroq 150 mln so‘mdan oshmagan miqdorda shakllanadi.
Bunda, paxta-g‘allachilik yer maydonlarida suv tejovchi texnologiyalar joriy qilingan bo‘lsa, subsidiyalar beriladi. Tik quduq uchun alohida va suv tejovchi texnologiyalar uchun alohida subsidiyalar joriy qilingan. Hozirgi kun zamon talabiga ko‘ra, suv tejovchi texnologiyalarni joriy qilish maqsadga muvofiq.