Sayt test rejimida ishlamoqda!
Ishonch telefoni: 1243
Devonxona: 71 206-70-30

Patisson

AGRO.UZ > Patisson
AGRO.UZ > Patisson

Patisson – kulcha qovoq – qovoqdoshlar oilasiga, qattiq etli qovoqlar guruhiga mansub bir yillik o‘simlik. Patisson palagi tik, butasimon sershox o‘simlik. Ildizi yaxshi rivojlangan. Poyasi va barg bandlari nisbatan yo‘g‘on. Barglari o‘rtacha kattalikda, dag‘al, 3 yoki 5 qirrali. Gullari yirik, rangi sariq, poyalarda yakka-yakka joylashadi. Mevasi — qovoqcha, mayda, shakli yulduzsimon. Yangi tukkan mevalari rangi och yashil, meva katta bo‘lgan sari rangi oqarib, ayrim mevalar yuzasida och yashil dog‘lar yoki tasmalar paydo bo‘lishi mumkin. Ularning 6-8 kunlik mevasi isteʼmol qilinadi.

Patisson issiqtalab o‘simlik. Patisson aprel oyida qator va tup oralig‘i 70×70 yoki 80×80 sm sxemada ekiladi. O‘suv davrida qator oralari yumshatiladi, oziqlantiriladi va sug‘oriladi. Patisson suvga talabchan.

Meva tarkibida 6,0—6,5% quruq modda, 2,5-2,9% qand va vitaminlar mavjud. Urug‘ida moy va santanin bor. Hosildorligi 150-200 s/ra.

Patissonni parvarishlash texnologiyasi: patisson uchun eng yaxshi o‘tmishdosh ekin bu g‘alla karam, sabzi, makkajo‘xori va sholi hisoblanadi.

Ekish muddati: Janubiy viloyatlarda 1-20-aprel; markaziy viloyatlarda 20-30 aprel; shimoliy viloyatlarda 1-15-may.

Ekish sxemasi: (110 + 70)/2 x 50-60 sm. Urug‘ sarfi- 3-4 kg/ga.

O‘g‘itlash: Go‘ng 20-30 t/ga, azot 200 kg/ga, fosfor 150 kg/ga, kaliy 50 kg/ga.

Sug‘orish: O‘suv davrida 12-16 marta sug‘oriladi. Sug‘orish meʼyori 500-600 m3/ga.

Hozirgi kunda O‘zbekistonda patissonning 2 navi yetishtiriladi.

Patisson navlari

Ertapishar nav, o‘suv davri- 50-60 kun. Palagi kichik, deyarli kalta. Bargi yuraksimon, qirrali, yashil rangli. Mevasi yapaloq yulduzsimon, ko‘p bo‘lakchalar tarelkasifat birlashgan, mayda, yashil rangli, biologik yetilganda sariq, vazni 25-30 g.

Hosildorligi: 6-7 t/ga. Oziq-ovqat, konserva va chorvachilikda foydalanish uchun yaroqli.

Mamlakatimiz hududida barcha viloyatlarda ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: