“O‘zbekiston Respublikasi qishloq xo‘jaligini modernizatsiya qilish” loyihasi

Imtiyozli kredit mablag‘larini quyidagi tijorat banklari orqali beriladi:

Milliy Bank.

Qishloq qurilish Bank.

Ipoteka Bank.

Turon Bank.

Asaka Bank.

Imtiyozli kredit mablag‘larini olish shartlari:

Kreditlar kichik intensiv bog‘dorchilik va uzumchilikka 3 yilgacha imtiyozli davr bilan 7 yildan ko‘p bo‘lmagan muddatga, poliz, dukkakli, moyli ekinlar, kartoshka yetishtirish va sabzavotchilikka 6 oygacha imtiyozli davr bilan
2 yilgacha muddatga ajratiladi;

Kredit mablag‘lari AQSH dollari va milliy valyutada beriladi;

Foiz stavkasi – 6,5%-7 % dollarda va 15% milliy valyutada bo‘ladi.

Kredit mablag‘larini rasmiylashtirish uchun quyidagi hujjatlar yig‘ilib tijorat banklariga taqdim etiladi

Meva-sabzavotchilik tarmog‘idagi kooperativ va kooperatsiya uchun:

Kredit mablag‘larini olish to‘g‘risidagi Ariza;

Korxona taʼsis hujjatlari va guvohnomasi (nusxasi);

Oxirgi yil uchun korxonaning buxgalteriya balansi (nusxasi);

Tovar, xizmatlar, texnika va texnologiyalar yetkazib beruvchilardan olingan kamida 3 ta tijorat taklifi;

Tovar, xizmatlar, texnika va texnologiyalarni xarid qilish bo‘yicha imzolangan shartnoma (nusxasi);

Loyihaning ekologik ekspertiza xulosasi (Hududiy tabiatni muhofaza qilish boshqarmalari) (nusxasi);

Loyihaning biznes-rejasi;

Garov taʼminoti bo‘yicha tegishli hujjatlar (sug‘urta polisi);

Loyiha xususiyatidan kelib chiqib, tijorat banklar tomonidan boshqa zaruriy hujjatlar talab etilishi mumkin.