Sayt test rejimida ishlamoqda!
Ishonch telefoni: 1243
Devonxona: 71 206-70-30

O'rik

AGRO.UZ > O’rik
AGRO.UZ > O’rik

O‘rik-raʼnoguldoshlar oilasiga mansub daraxtlar turkumi, mevali daraxt. Vatani – O‘rta Osiyo. O‘zbekistonda ekin maydoni jihatidan mevali daraxtlar orasida 4-o‘rinni egallaydi.

O‘rik payvand qilib ko‘paytiriladi. Issiqsevar, yorug‘sevar, qurg‘oqchilik va issiqlikka chidamli, lekin namlik yetishmaganda meva tugmaydi. Gullagan paytda bahorgi qorasovuqlardan zararlanadi. Unumdor, serquyosh, bo‘z hamda shag‘al-toshli yerlarda yaxshi o‘sadi. O‘zbekistonda o‘rikzorlarning asosiy qismi Farg‘ona vodiysi (65%) va Zarafshon vohasida joylashgan.

Ayni paytda mamlakatimizning deyarli barcha hududlarida (naviga qarab) o‘rikning 18 navi yetishtiriladi.

Bugungi kunda yurtimizda yetishtirilayotgan o‘rik mahsuloti Ozarbayjon, Belorus Respublikasi, Germaniya, Gruziya, Qozog‘iston, Qirg‘iziston, Latviya, Litva, BAA, Ummon, Rossiya, Turkmaniston, Ukraina kabi mamlakatlarga eksport qilinmoqda.

O‘rik navlari

Daraxtining bo‘yi baland bo‘lib, shox-shabbasi dumaloq, qalin, ko‘chati ekilgandan so‘ng to‘rtinchi yili hosilga kiradi.

Mevasining shakli uzunchoq-tuxumsimon, rangi och zarg‘aldoq, sal qizil g‘ubori bor, mevasining o‘rtacha vazni – 26 g. Eti o‘rtacha sershira, rangi och zarg‘aldoq.

Nav o‘rtapishar, mevasi iyulning birinchi o‘n kunligida yetiladi. Hosildorligi – 112,2 s/ga ni tashkil etadi.

Qayerda yaratilgan: Mahalliy nav. 1986-yil Davlat reyestriga kiritilgan.

Mamlakatimiz hududida Farg‘ona viloyatida ekish uchun tavsiya qilingan.

Daraxtining bo‘yi baland, shox-shabbasi keng, ko‘chati ekilgandan so‘ng to‘rtinchi yili hosilga kiradi.

Mevasi noto‘g‘ri yassi-dumaloq shaklli, och zarg‘aldoq rangli, o‘rtacha vazni – 29 g. Eti sariqroq, mayin, sershira, xushbo‘y.

Nav ertapishar, mevasi iyunning ikkinchi o‘n kunligida yetiladi.

Hosildorligi – 116,6 s/ga, eng yuqori hosildorligi – 182,3 s/ga ni tashkil etadi.

Qayerda yaratilgan: Mahalliy nav. 1959-yil Davlat reyestriga kiritilgan.

Mamlakatimiz hudida Andijon, Jizzax, Qashqadaryo, Namangan, Navoiy, Buxoro, Samarqand, Surxondaryo, Sirdaryo, Farg‘ona, Xorazm viloyatlari va Qoraqalpog‘iston respublikasida ekish uchun tavsiya qilingan.

Daraxtining bo‘yi baland, shox-shabbasi keng, ko‘chati ekilgandan so‘ng beshinchi yili hosilga kiradi.

Mevasi tuxumsimon, sal botiq, kam tukli, rangi sarg‘ish, och-sariq, qizil g‘uborli, yirik, mevasining o‘rtacha vazni – 23 g, eti sarg‘ish, zich, mazasi nordon-shirin.

Nav o‘rtapishar, mevasi iyulning birinchi o‘n kunligida pishadi. Hosildorligi – 170,2 s/ga, eng yuqori hosildorligi – 193,1 s/ga ni tashkil etadi.

Qayerda yaratilgan: Butunittifoq O‘simlikshunoslik ilmiy-tadqiqot institutining O‘rta Osiyo bo‘limi.

Muallif: K.V. Vasilyev.

1975-yil Davlat reyestriga kiritilgan.

Mamlakatimiz hudida Toshkent, Buxoro, Namangan, Navoiy va Farg‘ona viloyatlarida ekish uchun tavsiya qilingan.

Mevasi o‘rtacha 27-30 g, dumaloq oval shaklida, sariq, ozroq qizg‘ish rangda. Meva eti suvli, shirin, hidli, universal ishlatishga moyil. Tarkibida qand 22%gacha, kislota 0,6%, C vitamini 20 mg/% ni tashkil qiladi. Quruq meva chiqishi 35%. Klyasterosporioz bilan kam zararlanadi.

Iyunning o‘rtasida pishadi. Hosilga 4-5 yili kiradi. Hosildorligi 150-170 s/ga.

Qayerda yaratilgan: Mahalliy nav.

2012-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtining bo‘yi o‘rtacha 3,8 m, shox-shabbasining diametri 3,2 m.

Mevasining o‘rtacha vazni 22-25 g, rangi sariq bo‘lib, danagidan yaxshi ajraladi. Mazasi nordon-shirin, o‘ziga xos hidi bor.

Nav ertapishar, mevasi iyunning birinchi o‘n kunligida yetiladi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot institutining Samarqand ilmiy-tajriba stansiyasi.

Mualliflar: K.V. Vasilyev, L.A Protasevich.

1993-yil Davlat reyestriga kiritilgan.

Mamlakatimiz hududida Samarqand, Namangan va Xorazm viloyatlarida ekish uchun tavsiya qilingan.

Daraxtining bo‘yi o‘rtacha, shox-shabbasi serbarg, daraxti ekilgandan so‘ng yettinchi yili hosilga kiradi.

Mevasi dumaloq, rangi sariq-zarg‘aldoq, sal pushtisi bor, mevasining o‘rtacha vazni – 31 g. Eti och zarg‘aldoq, juda zich, mazasi nordon-shirin.

Nav ertapishar, mevasi iyunning ikkinchi o‘n kunligida pishadi.

Hosildorligi – 161,1 s/ga, eng yuqori hosildorligi – 249,2 s/ga ni tashkil etadi.

Qayerda yaratilgan: Mahalliy nav. 1959-yil Davlat reyestriga kiritilgan.

Mamlakatimiz hududida Andijon, Namangan, Toshkent, Farg‘ona viloyatlarida ekish uchun tavsiya qilingan.

Daraxtining bo‘yi baland, keng shox-shabbali.

Mevasi dumaloq-tuxumsimon, rangi sariq-zarg‘aldoq, xira qizil g‘uborli, mevasining o‘rtacha vazni – 46 g. Eti och zarg‘aldoq, o‘rtacha sershira, mazasi nordon-shirin, xushbo‘y.

Ertapishar bo‘lib, mevasi iyunning ikkinchi o‘n kunligida yetiladi. Hosilga beshinchi yilda kiradi.

Hosildorligi – 71,4 s/ga, eng yuqori hosildorligi – 151,2 s/ga ni tashkil etadi.

Qayerda yaratilgan: Butunittifoq O‘simlikshunoslik ilmiy-tadqiqot institutining O‘rta Osiyo bo‘limi.

Muallif: K.F. Kostina.

1959-yil Davlat reyestriga kiritilgan.

Mamlakatimiz hududida Farg‘ona va Andijon viloyatlarida ekish uchun tavsiya qilingan.

Daraxtining bo‘yi baland, keng shox-shabbali, ko‘chati ekilgandan so‘ng yettinchi yili hosil bera boshlaydi.

Mevasi uchliroq-tuxumsimon, tukli, rangi sariq, quyosh tomoni qizil, o‘rtacha vazni – 38 g. Eti to‘q sariq, zich, o‘rtacha sershira, mazasi nordon-shirin, xushbo‘y.

Nav ertapishar, mevasi iyunning ikkinchi o‘n kunligida pishadi. Hosildorligi – 90,2 s/ga, eng yuqori hosildorligi – 177,3 s/ga ni tashkil etadi.

Qayerda yaratilgan: Mahalliy nav. 1959-yil Davlat reyestriga kiritilgan.

Mamlakatimiz hududida Buxoro, Jizzax, Qashqadaryo, Navoiy, Samarqand, Surxondaryo, Farg‘ona, Andijon viloyatlarida ekish uchun tavsiya qilingan.

Daraxtining bo‘yi o‘rtacha 5,4 m, shox-shabbasining diametri – 4,4 m.

Mevasining shakli dumaloqroq, danagidan yaxshi ajraladi, yirik, o‘rtacha vazni – 36 g. Rangi sariq, qizil chiziqlari bor, mazasi nordon-shirin, o‘ziga xos hidi bor.

Nav o‘rtapishar, mevasi iyulning birinchi o‘n kunligida pishadi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot institutining Samarqand ilmiy-tajriba stansiyasi.

Mualliflar: K.V. Vasilyev, L.A. Protasevich.

1993-yil Davlat reyestriga kiritilgan.

Mamlakatimiz hududida Samarqand viloyatida ekish uchun tavsiya qilingan.

Daraxtning bo‘yi baland, shox-shabbasi dumaloq-piramidasimon, qalinligi o‘rtacha, ko‘chati ekilgandan so‘ng beshinchi yilda hosilga kiradi.

Mevasining shakli dumaloq-tuxumsimon, po‘sti silliq, zarg‘aldoq rang, qizil g‘uborli, o‘rtacha vazni – 32 g. Eti och zarg‘aldoq rangli, sershira, mazasi nordon-shirin.

Nav ertapishar, mevasi iyunning birinchi o‘n kunligida yetiladi. Hosildorligi – 57,7 s/ga, eng yuqori hosildorligi – 103,1 s/ga ni tashkil etadi.

Qayerda yaratilgan: Mahalliy nav. 1959-yil Davlat reyestriga kiritilgan.

Mamlakatimizning barcha hududlarida ekish uchun tavsiya qilingan.

Daraxtining bo‘yi o‘rtacha, shox-shabbasi dumaloq, ko‘chati ekilgandan so‘ng to‘rtinchi yili hosilga kiradi.

Mevasi tuxumsimon, rangi och sariq, sal to‘q qizil g‘uborli, o‘rtacha vazni – 33 g. Eti zich, sariq, sershira, mazasi nordon-shirin.

Nav ertapishar, mevasi iyunning birinchi o‘n kunligida pishadi. Hosildorligi – 146,2 s/ga, eng yuqori hosildorligi 165,1 s/ga ni tashkil etadi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot institutining Samarqand ilmiy-tajriba stansiyasi.

Mualliflar: K.V. Vasilyev, L.A. Protasevich.

1974-yil Davlat reyestriga kiritilgan.

Mamlakatimiz hududida Andijon, Buxoro, Namangan, Navoiy va Samarqand viloyatlarida ekish uchun tavsiya qilingan.

Daraxtining bo‘yi baland, shox-shabbasi keng piramidasimon, ko‘chati ekilgandan so‘ng sakkizinchi yili hosilga kiradi.

Mevasi keng tuxumsimon, rangi yashil tusli, och zarg‘aldoq, och pushti g‘ubori bor. Mevasi yirik, o‘rtacha vazni – 32 g. Eti to‘q sariq, o‘rtacha sershira, mazasi nordon-shirin.

Nav ertapishar, mevasi iyunning birinchi o‘n kunligida yetiladi.

Hosildorligi – 110,1 s/ga, eng yuqori hosildor-ligi 133,3 s/ga ni tashkil etadi.

Qayerda yaratilgan: Mahalliy nav. 1959-yil Davlat reyestriga kiritilgan.

Mamlakatimiz hududida Andijon, Namangan, Farg‘ona va Toshkent viloyatlarida ekish uchun tavsiya qilingan.

Daraxtining bo‘yi baland, keng shox-shabbali, ko‘chati ekilgandan so‘ng beshinchi yili hosilga kiradi.

Mevasi keng tuxumsimon, rangi och sariq, sal qizil g‘uborli, o‘rtacha vazni – 30 g. Eti to‘q sariq, zich, sershira, xushbo‘y.

Bu nav kechpishar bo‘lib, mevasi iyulning birinchi o‘n kunligida yetiladi.

Hosildorligi – 115,4 s/ga, eng yuqori hosildorligi – 122,2 s/ga ni tashkil etadi.

Qayerda yaratilgan: Mahalliy nav. 1959-yil Davlat reyestriga kiritilgan.

Mamlakatimiz hududida Andijon, Jizzax, Namangan, Sirdaryo, Farg‘ona, Xorazm viloyatlari va Qoraqalpog‘iston Respublikasida ekish uchun tavsiya qilingan.

Daraxtining bo‘yi baland, shox-shabbasi dumaloq, shakl berishga moyil, ko‘chati ekilgandan so‘ng beshinchi yili hosilga kiradi.

Mevasi dumaloq, tilla rang sariq, qizil g‘uborli, yirik, o‘rtacha vazni – 42 g. Eti juda ham zich, mazasi nordon-shirin.

Nav ertapishar, mevasi iyunning birinchi o‘n kunligida yetiladi. Hosildorligi – 84,2 s/ga, eng yuqori hosildorligi – 135,3 s/ga ni tashkil etadi.

Qayerda yaratilgan: Akademik M. Mirzayev nomli bog‘dorchilik, uzumchilik va vinochilik ilmiy-tadqiqot institutining Samarqand ilmiy-tajriba stansiyasi.

Mualliflar: K.V. Vasilyev, L.A. Protasevich.

1959-yil Davlat reyestriga kiritilgan.

Mamlakatimiz hududida Jizzax, Qashqadaryo, Samarqand, Surxondaryo, Buxoro, Navoiy, Toshkent, Farg‘ona viloyatlarida ekish uchun tavsiya qilangan.

Daraxtining bo‘yi o‘rtacha, shox-shabbasi keng, uzunchoq, o‘rtacha qalinlikda.

Mevasining shakli yapaloq-dumaloq yoki uzunchoq, yon tomonlari bir oz sariq. Mevasining po‘sti tukli, o‘rtacha vazni – 30-35 g. Eti sarg‘ish, qattiq, o‘rtacha sershira, juda xushbo‘y.

Nav o‘rtapishar, mevasi iyunning uchinchi o‘n kunligida yetiladi.

Hosildorligi – 98,4 s/ga, eng yuqori hosildorligi – 101,3 s/ga ni tashkil etadi. Nav uzoq masofaga tashish uchun yaroqli.

Qayerda yaratilgan: Fransiya.

1995-yil Davlat reyestriga kiritilgan.

Mamlakatimiz hududida Namangan, Samarqand, Surxondaryo, Sirdaryo, Toshkent, Farg‘ona viloyatlarida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: