Men Oʻzbekiston fuqarosiman. Bir uyda ikki oila yashaymiz. Dehqon xoʻjaligi uchun qancha yer maydonini olsam bo‘ladi.

O‘zbekiston Respublikasi Prezidentining 2022-yil 10-sentyabrdagi “Dehqon xo‘jaliklari tashkil etishni qo‘llab-quvvatlash orqali aholi daromadlarini oshirish bo‘yicha qo‘shimcha chora-tadbirlar to‘g‘risida”gi PQ-373-son qaroriga asosan Andijon, Namangan va Farg‘ona viloyatlarida 0,15 gektardan 1 gektargacha, boshqa viloyatlarda 0,30 gektardan 1 gektargacha hamda Qoraqalpog‘iston Respublikasida 0,30 gektardan 2 gektargacha bo‘lgan o‘lchamlarda yer maydoni “E-AUSION” elektron savdo platformasiga chiqarilgan. “E-AUSION” elektron savdo platformasida O‘zbekiston Respublikasining har bir pasporti bor fuqarolari qatnashishi mumkin. Ikkita oiladagi barcha pasporti bor fuqarolar tanlovda qatnashishi mumkin.