Sayt test rejimida ishlamoqda!
Ishonch telefoni: 1243
Devonxona: 71 206-70-30

Kunjut

AGRO.UZ > Kunjut
AGRO.UZ > Kunjut

Kunjut – kunjutdoshlar oilasiga mansub bir va ko‘p yillik o‘tsimon o‘simliklar turkumi, moyli ekin. Vatani – Afrika. Poyasi tik o‘sadi, 4-6 ta uzun yon shoxlar chiqaradi. Bargi oddiy, bandli, yakka-yakka yoki qarama-qarshi joylashgan, tukli. Guli barg qo‘ltig‘ida 1-3 ta bo‘lib joylashgan, 5 bargli. Mevasi ko‘sakcha, cho‘ziq, yassi, tukli. Bir tupda 20-300 ko‘sakcha bo‘ladi. Ko‘sakchasi 2 yoki 4 chanoqli.

Uzunligi 3-5 sm. 1000 dona urug‘i vazni 2-5 g. Urug‘ining rangi och yoki to‘q jigarrang, goh oq va qora. Kunjut issiqsevar, yorug‘sevar, qisqa kun o‘simligi. Urug‘i 15-16°С da unib chiqadi. O‘sish davri 90 – 110 (120-150) kun.

Kunjut eng qimmatli moyli ekinlardan, urug‘i tarkibida 65% moy, 16-19% oqsil, 16-17% azotsiz moddalar mavjud. Kunjut sur tuproqli, unumdor, don-dukkakli ekinlardan bo‘shagan yerdarda mo‘l hosil beradi. O‘suv davrida 2-3 marta kultivatsiya qilinadi, ikki marta har gektarga 40-50 kg dan azot berib qo‘shimcha oziqlantiriladi. Gullashiga qadar 1-2 marta, gullash davrida 2 marta suv beriladi.

Hozirgi kunda O‘zbekistonda kunjutning 3 navi yetishtiriladi.

Bugungi kunda yurtimizda yetishtirilayotgan kunjut mahsuloti Ozarbayjon, Belarus Respublikasi, Germaniya, Iroq, Qozog‘iston, Qirg‘iziston, Livan, Mongoliya, Tojikiston kabi mamlakatlarga eksport qilinmoqda.

Kunjut navlari

Nav originatori: O‘zbekiston O‘simlikshunoslik ilmiy-tadqiqot institutining seleksion navi.

Navning kelib chiqishi: Kolleksiya namunasi k-84 (O‘zbekiston) yakka tanlash yo‘li bilan yaratilgan.

Nav mualliflari: Amanova M., Rustamov A.

Ekishga tavsiya etilgan mintaqalar: 2012-yildan Respublika bo‘yicha sug‘oriladigan yerlarda ekish uchun Davlat reyestriga kiritilgan.

O‘simlik bo‘yi o‘rtacha 120-150 sm. Vegetatsiya davri o‘rtacha 110-120 kun. 1000 dona urug‘ vazni o‘rtacha 2,6-3,0 gr,  urug‘i qora rangda. Don to‘kilishiga bardoshli.

O‘rtacha hosildorlik: 17,6 s/ga.  Dondagi yog‘ mikdori 63 %, oksil 24 %. Sinov davrida qishloq xo‘jalik kasalliklari va xashoratlari bilan zararlanish xolatlari kuzatilmadi.

Mamlakatimiz hududida barcha viloyatlarda ekish uchun tavsiya qilingan.

Yuqori hosilli nav. Baland bo‘yli, sug‘orilgan tumanlarda ekilganda 150 sm va shartli sug‘oriladigan tumanlarda 100 sm bo‘ladi. 1000 dona urug‘ining og‘irligi 3-3,5 g. O‘rtapishar nav. O‘sish davri sug‘oriladigan yerlarda 109-125 kun.

Sug‘oriladigan o‘rtacha hosildorligi: gektariga 8-9,5 s, urug‘idagi moy miqdori 56-61%.

1942-yildan Respublika bo‘yicha iqlimlashtirilgan.

Mamlakatimiz hududida barcha viloyatlarda ekish uchun tavsiya qilingan.

2019yildan davlat reyestriga kiritilgan.

Mamlakatimiz hududida Toshkent viloyatida ekish uchun tavsiya qilingan.

Agar siz imlo xatolarini topsangiz, iltimos, matnni tanlab, Ctrl+Enter tugmalarini bosib bizga xabar bering

Imlo xatolari haqida hisobot

Quyidagi matn tahririyatimizga yuboriladi: