AKIS VEB-SAYTI BO‘YICHA O‘QUV TRENINGI BO‘LIB O‘TDI

Bugun Toshkent davlat agrar universitetida Qishloq xo‘jaligida bilim va innovatsiyalar tizimi — AKIS markazlarining AKT va media bo‘limlari uchun markaz veb-sayti bo‘yicha o‘quv treningi bo‘lib o‘tdi.

Treningda milliy va viloyat AKIS markazlari, ilmiy-tadqiqot institutlarining raqamlashtirish va media bo‘limlari, Qishloq  xo‘jaligi vazirligining raqamlashtirish markazi vakillari ishtirok etishdi.

Treningda bir qator masalalar, xususan fermer va agrar tadbirkorlar uchun ishonchli bilim va axborot xizmatlaridan foydalanish imkoniyatini yaratish, platformaning ishga tushirilishida yuzaga keladigan muammo va kamchiliklarni bartaraf etish hamda AKIS veb-sayti tizimining nazariy hamda texnik jihatlari muhokama qilindi.

Trening jarayonida Irlandiyaning “Teagast” nomli AKIS tizimi haqidagi videolavha namuna sifatida namoyish etildi.