QISHLOQ XO‘JALIGI TIZIMIDAGI MANFAATLI UCHRASHUV

Xitoyda XXR Bosh bojxona boshqarmasi oziq-ovqat xavfsizligi, veterinariya va karantin departamentining Oʻzbekiston Respublikasining Xitoy Xalq Respublikasidagi elchixonasi hamda Qishloq xoʻjaligi vazirligining mas’ul xodimlari, veterinariya va karantin qoʻmitasi rahbariyati ishtirokidagi ishchi uchrashuvi boʻlib oʻtdi.

Uchrashuvda O‘zbekistondan Xitoyga uzum, quritilgan jida va tovuq oyoqlarini eksport qilishga ruxsat berishni jadallashtirish masalalari hamda veterinariya va o‘simliklar karantini sohasidagi boshqa ko‘plab masalalar muhokama qilindi.

Tadbir davomida tomonlar kelgusidagi harakatlar to‘g‘risida kelishib oldilar va tezkor axborot almashish uchun bevosita aloqalar muhimligi haqida umumiy fikrga keldilar.

Shuningdek, C5+1 formatida malaka oshirish kurslarini tashkil etish bo‘yicha kelishuvga ham erishildi.

Ushbu muloqot 2019-yildan beri Xitoydagi karantin cheklovlari sababli  O‘zbekiston rasmiy delegatsiyasi va XXR GTU vakillarining birinchi yuzma-yuz uchrashuvidir.

Malumot uchun: Xitoyga olib kirishga ruxsat berilgan mahsulotlarning umumiy soni 19 turni tashkil etadi. Ulardan: mosh, olcha, qovun, yangi va quritilgan achchiq qalampir, yeryong’oq, anor, achchiq o’rik, tozalangan yong’oq, kunjut, uzum urug’i, shirin o’rik danagi, quritilgan o’rik, mayiz, asal, limon, loviya va quritilgan qovun.