AKIS TIZIMIDA AGROMASLAHATLARNI RIVOJLANTIRISH MASALALARI MUHOKAMA QILINDI

2023-yilning 23-fevral kuni Jahon bankining O‘zbekistondagi vakolatxonasida AKIS tizimida qishloq xo‘jaligi bo‘yicha maslahatlashuvlarni rivojlantirish bo‘yicha ishchi guruh yig‘ilishi bo‘lib o‘tdi.

Ishtirokchilar Farg‘ona, Samarqand va Toshkent viloyatlarida fermerlar uchun agromaslahat xizmatini sinovdan o‘tkazishni davom ettirish, shuningdek, ushbu viloyatlarning ayrim hududlarida AKIS markazlarini tashkil etish bo‘yicha keyingi amaliy chora-tadbirlarni muhokama qildilar.

Yig‘ilishda Oziq-ovqat va qishloq xo‘jaligini rivojlantirish va tadqiqotlar xalqaro strategik markazi direktori o‘rinbosari Sherzod Mirkomilov, “O‘zbekiston Respublikasi qishloq xo‘jaligini modernizatsiya qilish” loyihasi koordinatori Otabek Mansurov, “O‘zbekiston Respublikasi qishloq xo‘jaligini modernizatsiya qilish” loyihasi maslahatchisi Murod Rasulov, Qishloq xoʻjaligida bilimlar va innovatsiyalar Milliy markazi (AKIS) direktori oʻrinbosari Gʻayrat Gʻaniyev, BMTTD loyihasi maslahatchisi Xrvoye Ivan Horvat, Yevropa Ittifoqi ASK Facility loyihasi menejeri Adrian Nil, Yevropa Ittifoqi ASK Facility loyihasi maslahatchisi Devid Kaxan, Qishloq xoʻjaligi vazirligi qoshidagi Loyiha boshqaruvi ofisi rahbari Yekaterina Danilchenko, Loyiha boshqaruvi ofisi boʻlimi maslahatchisi Andrey Polyanskiy va Jahon bankining “Oʻzbekiston Respublikasi qishloq xoʻjaligini modernizatsiya qilish” loyihasi guruhi rahbari Bayarsayxan Tumurdavalar ishtirok etishdi.