YOSH OLIMLAR UCHUN AMALIY EKONOMETRIK TAHLIL O‘QUV KURSI

2023-yilning 30-yanvaridan 3-fevraliga qadar Toshkent shahridagi Xalqaro Vestminster universitetida O‘zbekiston yosh iqtisodchi-tadqiqotchilari uchun amaliy ekonometrik tahlil bo‘yicha o‘quv kursi bo‘lib o‘tdi.

Besh kunlik kurs tashkilotchilari: O‘zbekiston Respublikasi Qishloq xo‘jaligi vazirligi, O‘zbekiston Respublikasi Qishloq xo‘jaligi vazirligi huzuridagi Oziq-ovqat va qishloq xoʻjaligini strategik rivojlantirish va tadqiqotlar xalqaro markazi (ISCAD), Xalqaro oziq-ovqat siyosati tadqiqot instituti (IFPRI), Qurg‘oqchil yerlarda qishloq xo‘jaligi tadqiqotlari xalqaro markazi (ICARDA), Suv resurslari xalqaro tadqiqot instituti (IWMI) va Toshkentdagi Xalqaro Vestminster universiteti (TXVU).

Kursning maqsadi O‘zbekistondagi yosh iqtisodchi tadqiqotchilarning ijtimoiy-iqtisodiy hodisalarni ekonometrik tahlil qilish uchun tadqiqot olib borish salohiyatini kuchaytirish, shuningdek, qishloq-oziq-ovqat sektori va yaqin hududlarda ishonchli, amaliy tadqiqotlar va ta’sirlarni baholashni o’tkazish bo‘yicha salohiyatini oshirish.

Bunda tadqiqotlar miqdoriy ma’lumotlarni tahlil qilish usullaridan foydalangan holda olib boriladi

Kurs davomida quyidagi mavzular muhokama qilindi:

• yuqori sifatli tadqiqotlarni loyihalash va tadqiqot savollarini shakllantirish;
• statistik modellarni yaratish uchun ijtimoiy-iqtisodiy ma’lumotlarni tahlil qilish;
• namunaviy ma’lumotlardan foydalangan holda modelga asoslangan statistik taxminlarning ishonchliligini (haqiqiyligini) tekshirish va model spetsifikatsiyasini qayta ko’rib chiqish;
• asosiy sabab-oqibat munosabatlarini shakllantirishning to’g‘riligi va ishonchli aniqlash strategiyasini tanlash;
• ijtimoiy-iqtisodiy islohotlar sohasida strategiyalarni amaliy tahlil qilish va tavsiyalar ishlab chiqishda asosiy tahliliy xulosalarni izohlash va ulardan foydalanish.

Darslarda STATA va R kabi ilg‘or statistik paketlardan foydalangan holda amaliy va empirik tahlillar qollanildi. Ma’ruzalar turli manbalardan olingan real ma’lumotlardan foydalangan holda amaliy mashg‘ulotlar bilan birga olib borildi. Kurs iqtisodiyot va agrooziq-ovqat sektorini rivojlantirish sohasida zamonaviy amaliy tadqiqotlar tajribasiga ega IFPRI katta ilmiy xodimlari va TXVU professor-o‘qituvchilari tomonidan olib borildi.

Kurs ishtirokchilari saralash tanlovidan o‘tgan O‘zbekistonning yosh olimlari (35 yosh va undan kichik) edilar.

Treningning yakuniy kunida taqdirlash marosimi boʻlib oʻtdi, unda kursning barcha ishtirokchilariga sertifikatlar topshirildi.